दूध-वांग

मस्त आणि सोप्पी वाटते आहे ही भाजी. लसूण शिजल्यावर टाकायचा? कच्चा वास नाही न यायचा?

छान वाटली रेसिपी. करुन बघते. अश्याच अजुन द्या ना रेसिपीज.
~~~~~~~~~~~~~~~~~~~~~~~
तु माझ्या असण्याचा अंशअंश
तु माझ्या नसण्याचा मधुर दंश.....

मस्त आहे रेसिपी ......करून पाहीन. पण सांगलीसारखी वांगी इथे मिळत नाहीत.
अर्थातच हा आमच्या घरात फार वादाचा मुद्दा आहे.
''वांग्यासारखी वांगी ........त्यात तुमच्या सांगलीच्या वांग्यात असं काय विषेश असणार''?..असं मला ऐकायला मिळतं.........!

''वांग्यासारखी वांगी ........त्यात तुमच्या सांगलीच्या वांग्यात असं काय विषेश असणार''>>>>>>
हे मात्र अजिब्बात खरं नाही. कृष्णेकाठच्या वांग्याची सर कशालाही नाही.
~~~~~~~~~~~~~~~~~~~~~~~~~
तु माझ्या असण्याचा अंशअंश
तु माझ्या नसण्याचा मधुर दंश.....

कृष्णेकाठच्या वांग्याची सर कशालाही नाही.>>> याला मात्र मोदक. (माझं सासर सांगलीचं, त्यामुळे सांगलीचं मला काही पसंत पडत नाही सहसा, ही हिरवी वांगी मात्र अपवाद! )

मीनाताई, वांग्याची एकदम वेगळीच रेसिपी आहे ही! वांग्याची सहसा मसालेदार भाजीच खाल्ली आहे. नक्की करून बघेन.
तुम्ही फोटो पण टाकत जा ना, असे वेगळे पदार्थ 'बघायला'ही छान वाटतं
--------------------------------
जलो, मगर दीप जैसे!

इथे आफ्रिकेत हिरवी वांगी मिळतात. स्थानिक लोक ती कच्चीच खातात. त्यांचा हा प्रकार करुन बघेन. ( पण इथे ताजे दूध मिळत नाही !!! )

प्राची व पूनम ..........कृष्णाकाठच्या वांग्यांचा विषय निघाल्यावर आपोआप सगळे त्या भागातले जमले......... नाहीका? माझे माहेर सांगलीचे आहे........हे न सांगताच कळले असेलच. खरंच कृष्णाकाठच्या वांग्यांची सर कशालाच नाही.

मीना
एकेक करून जरूर रेसिपीज लिहून काढ. खूप छान वाटते. (मला वाटतं हाही एक सेल्फ एक्स्प्रेशनचाच भाग आहे.) मला मध्यंतरीचा काही काळ थोडा निवांत मिळाला होता. तेव्हा सहज म्हणून खूप रेसिपीज जरा विभाग करून वेळ मिळेल तशी लिहीत गेले. कालांतराने जेव्हा माझ्या मुलीचे लग्न झाले तेव्हा ते रेसिपी बुक तिला दिले. म्हणजे तिने ते नेले. आता तिला त्याचा खूप उपयोग होतोय.

कृष्णाकाठच्या वांग्यांसारखी वांगी जगात कुठेही मिळत नाही ह्याबद्दल काही शंकाच नाही.. ती छोटी हिरवी भाजीची वांगी असोत नाहितर भरताची.. आणि काहिही करा त्या वांग्याचं, भरलं वांगं, डाळ-वांग, भरीत, आमटीत घालुन.. चांगलीच लागतात..

-------------------------
उत्तम व्येव्हारे जोडोनिया धन
उदास विचारे 'सेव्ह' करी

कृष्णाकाठची वांगी... आहाहा!!
माझ्या कोकणातल्या सासूला हे माहितच नाही. आणि कोकणाबाहेरही काही भलं असतं यावर तिचा विश्वास नाही. त्यामुळे मला 'कृष्णाकाठची वांगी' म्हणून अजूनच गहिवरायला होतं. या मेल्या मुंबईत भाजी पण डबडी मिळते. त्यातल्या त्यात पार्ल्यात बरी मिळते.
सांगलीचं नाव काढल्यावर मी पण पाकृ वर आले. मी सांगलीची नाही तशी कारण आजोबाच पुण्याला आले सांगलीहून पण त्यांच्या भावांच्या पिढ्या सगळ्या सांगलीतच आहेत. त्यामुळे सांगली म्हणजे थोडेसेच माहित असलेले, सारख्याच तोंडावळ्याचे, रग्गड नातेवाईक. एवढंच माहित होतं लहानपणी.
-नी
http://saaneedhapa.googlepages.com/home

पुनम, होतं असं
आता बघ ना, माझं सासर्-माहेर दोन्ही कृष्णाकाठचंच. पण मला वाईची वांगी जास्त आवडतात.
~~~~~~~~~~~~~~~~~~~~~~~~~
तु माझ्या असण्याचा अंशअंश
तु माझ्या नसण्याचा मधुर दंश.....

मीनाताई आणि इतर, कुठे आहे हा कृष्णकाठ?
तशी विदर्भातली वांगी पण छान लागतात. काटेरी असतात ती, तिला मसाल्याची वांगी म्हणतात.

दिनेशदा, आफ्रीकेत पोचलात का? माहिती नव्हतं हो..

बाय दी वे... पश्चिम महाराष्ट्रवासियांना महाराष्ट्राची व्याप्ती कोल्हापूर ते पुणे अशी दक्षिणोत्तर
आणि सह्याद्री कडा ते मराठवाड्याची हद्द अशीच आहे असे का वाटते??
जळगावची वांगी जगप्रसिद्ध असल्याचे माहीत नाही का तुम्हाला?
त.टी.: मी जळगावचा नाही तसेच विदर्भातलाही नाही!
_________________________
-A hand that erases past can create a new begining.

दुध आणि वांगं असं combination मी पहिल्यांदाच ऐकलं ..

कृष्णाकाठची काय नी जळगाव ची काय किंवा मुंबईची डबडा भाजी काय .. इथल्या अमेरिकेतल्या वांग्यांची सर कशालाच नाही .. :p बियाच बिया .. गर अगदी namesake!

नक्की रेसीपी बाफ आहे ना हा?
असो, पण कोणी चायना वांगी खाल्ली आहेत काय? सर काय नी पाय काय ... फक्त वेगळीच वेगळी चव.

वरील पुराण वाचून शेवटी देसी दुकानात गेले तर तिथे ही वांगी मिळाली. हीच का ती फेमस हिरवी वांगी कृष्णाकाठची?

दुकानदाराने ती ईटालीयन व्हाईट वांगी सांगीतली. नी वर म्हणाला पुन्हा हीच घेशील विकत. त्याला कृष्णाकाठ बहुधा माहीत नसेल. नाहीतर त्याच्या मते नदीकाठी वांगी उगत नसतील.

विषय बदल :

मी आज केलं दूध-वांगं. छोटी जांभळी वांगी वापरली. कंसातले सगळे पदार्थ घातले आणि ओलं खोबरं, गोडा मसालाही घातला. दाण्याचे कूट विसरले. वरून लसणीची फोडणी घातली छानपैकी.. दुपारी नवर्‍याचा फोन आला की कळेल कशी झाली होती भाजी .... कारण मी वांगी अजिबात खात नाही.

कृपया अवांतर गप्पा इथे नको. त्यासाठी विविध गप्पांची पाने दिली आहेत.

मस्तच आहे रेसिपी........

फोटों दिसत नाहीत... कधी रिकामा चौकोन तर कधी काहीच नाही

साधना

कृष्णेकाठच्या वांग्याची सर कशालाही नाही....

अगदी बरोबर. आमच्या कुरुन्दवाडचीही वांगी प्रसिद्ध आहेत....

मीनाताई, जबरी रेसिपी आहे. मी करून पाहिली. दूध, वांगी, गोडा मसाला, दाण्याचे कूट अन् वरून कोथिंबीर घातली. आवडली. धन्यवाद

--------------------------------
आली दिवाळी!

..... मी रेसेपीच्या बी बी वर हल्लीच यायला लागलो आहे... कारण भाजी करायचं काम माझ्याकडे असते.. बायको भात, चपाती, वरण करते... भाजी माझ्याकडे. ( लग्न होऊन तीन महिने झालेत! ) या बी बी मुळे मला खूप मदत होते... रविवारी बघेन करून ही भाजी...

........................
मुद्दाम वांग्यासाठी बीबी उघडुन कोण चर्चा करत बसेल तिथे?

मी आजच दुध वांग्याची भाजी केली छान झाली. मी अर्धा लि. दुधात अर्धा कि. वांगी टाकली. वरुन गरम मसाला आणि दाण्याचा कुट टाकला. छान झाली.

आमच्या कुरुन्दवाडचीही वांगी प्रसिद्ध आहेत
>>>
जामो, तुमचं कुरुंदवाड काय कृष्णेवर नाही काय?

अशा पद्धतीने दुधात आणखी कोणत्या भाज्या करता येतात.. फोडणी करून त्यात दूध घालून मग त्यात भाजी शिजवली तर चालते का?

मी तरी बर्‍याच भाज्यात दूध घालते कारण तो क्रीमीनेस यायला. मश्रूम मटर मध्ये पण दूध घालते. मस्त होते. कधी कधी काही भाज्यात दही सुद्धा घालून चांगले होते.

बीन्स वर्गातल्या भाज्यात दूध छान लागतं. वाल पापडीच्या भाजीत तर सायीसकट दूध किंवा थोडी साय टाकली तर ती भाजी छान होते.

मी आज दूध वांगे केले .. जांभळी वांगी घालून.. छान झाले आहे... फक्त एक जरा चुकले... मोठ्या गॅसवर केले, त्यामुळे दूध लवकर आटले... मंद आचेवर हा पदार्थ चांगला होइल.