रानभाजी १२) मायाळू

फोटू बी टाका बाई.. म्हणजे मी जिला मायाळु समजते ती खरेच मायाळू आहे का हे कळॅल... ह्या नावाची एक भाजी बाजारात मिळते म्हणुन...

जागू आता तर मी नक्की भजी करणार आणि खाणार पण

मायाळूची कारवारी पद्धतीची आमटी मस्त लागते. (लाल मिरची, धणे, खोबर्‍याचे वाटण लावून.) त्यात फणसाच्या बिया टाकायच्या.
याच्या फळाला आम्ही लहानपणी शाईची फळे म्हणायचो. भिंतिवर रंगरंगोटी करायला उपयोगी पडायची. लाल देठाप्रमाणेच, हिरव्या देठाची पण असते. तिचे कोवळे देठ आमटीत घेतात.
सुकट घालून पण हिची भाजी करतात.
नायजेरियात याला वॉटर लिफ म्हणतात.

बरे झाले फोटो टाकलास ते. बाजारात एक वेलीसारखी भाजी येते, जाड देठ असतात आणि देठागणिक पाने असतात. पुर्ण देठासकट हिरवी भाजी. मला भय्याने 'मायालु' म्हणुन तिचे नाव सांगितले. जरा मांसल असते. मुळांचा वगैरे पत्ता नसतो. बारातेरा अर्धा फुट कापलेल्या वेलीच बांधलेल्या असतात जुडीत. आता ही कोण ते कोणाला माहित आहे काय??

नाही ना. त्याची पाने ह्याहुन मोठी असतात, अशी सुबक नसतात आणि जवळजवळ असतात.. पानांमुळे देठ दिसत नाही त्याचा.

छान माहिती व पाकृ!

मायाळूची कारवारी पद्धतीची आमटी मस्त लागते.>> दिनेश अगदि खरं! आमच्या बाजुला कामत राहतात हि करी खुप छान बनवायची. तिच्यामुळेच हि मायाळुची भाजी कळली.

मलाही साधना म्हणते आहे तीच भाजी मायाळू म्हणुन माहितीये. जरा उग्र वास येतो तिचा. आणि चव आवडली नाही. एखाद्या दिवशी बदल म्हणुन ठिक.

जागूची मायाळु वेगळी दिसते आहे.

जागू कोठल्या कोठल्या भाजा टाकतेस ___/\___ बाई तुला.
गिनिज बुकातच टाकले पाहिजे तुला..
आता तळ ठोकून राहतेच बघ तुझ्याकडे, चांगली महिनाभर; मग मला रोज नवी भाजी

असा मायाळू पाहिला नव्हता. इथे भारतीय ग्रोसरीत पोही नावाने भाजी मिळते, ती माझ्या माहितीनुसार मायाळू. शिजवल्यावर जरा बुळबुळीत होते. पालकासारखी ताकातली भाजी करतात.

जागू, तुझ्यामुळे खूप वर्षांनी पोईचा वेल (फोटोत का होईना) दिसला. याच्या पानांची भजी तर अफलातून होतात. वेलाच्या एरोण्यांसारख्या फळांमधून शाईसारखा जांभळा द्रव निघतो. लहानपणी त्याने मेंद्या आणि मेकअप.

ताकातल्या पातळभाजीपेक्षा पीठ पेरलेली कोरडी भाजी मस्त लागते.

इथली पोही/ पोइ नावाची भाजी मिळते त्याची कोलंबी किंवा सोडे घालून पण मस्त 'आंबट' करतात.
( आंबट म्हणजे कोकणी मधे साधारण पळीवाढा / पातळ करी टाइप प्रकशकतो)

आजच मायाळू आणली आहे. मोठे मोठे देठ आहेत ते कुंडीत खोचून ठेवले आहेत पुढे देवाजीच्या भरवशावर. मोठी पानं काढून ठेवली आहेत ती आंबटवरणात ढकलण्यात येतील.