India's got latent - चला निषेध नोंदवूया.

वर मी ज्या लिंक शेअर केल्या त्यात ते सारे जोक होते का?
माझी विनोदाची व्याख्या काही चुकते का?
>>>>
हो ते जोकच आहेत.

ज्याला तो घाणेरडा प्रश्न विचारला गेला ती व्यक्ती तरी याची तक्रार करू शकते का?
>>>नाही. तुमचे मन दुखावले म्हणून पोलिसांत तक्रार करायला काय तुम्ही लहान मुलं आहात का? तुमचा निषेध नोंदवा आणि शांत बसा.

मला त्या सर्व क्लिप फेसबुक वर दिसल्या. काहीही शोध न घेता.
>>>सगळ्या दंगा करणार्यांनी शेअर केलेल्या.

आणि दिसल्या तर पोस्ट करणाऱ्यांना ब्लॉक करा. अलाहाबादिया आणि रैना हि नावेच ब्लॉक करा. तरीही काम नाही झाले तर फेसबुक अकाउंट डिलीट करा.

तिऱ्हाईत माणसाने अचानक येऊन शिव्या देणे वेगळे आणि शिव्या देणे ह्यासाठीच लोकप्रिय असलेल्ल्या कॉमेडी शो मध्ये शिवीगाळ होणे वेगळे हे समजतं नसेल तर अवघड आहे. स्पेसिफिकली रोस्ट च्या शोला जाऊन रडारड करणे मूर्खपणाचे आहे.

सर सोशल मीडियावर अलगॉरिदम असतो, तुम्ही जर फक्त छान छान भुभुचे, लहान बाळांचे, कुकिंग शो चे व्हिडिओ बघत असाल तर तुमच्या फिडमध्ये तेच दिसत राहतं
ज्याअर्थी तुम्हला किंवा अन्य कोणाला दिसतायत ते व्हिडीओ तर तुम्ही ते तुमच्या दंडणग्या कुतूहहलपोटी बघितले असणार
मला अद्याप एकही असा व्हिडीओ माझ्या फिडमध्ये आलेला नाही

मला कायम हत्ती, भुभु, प्राजक्ता माळी आणि वर्ल्ड वॉर 2 चेच व्हिडिओ दिसत असतात

त्यामुले ही रडारड करण्यापूर्वी आपले सोशल मीडिया अकाउंट साफ करा, रिसेट करा किंवा बेस्ट म्हणजे बंद च करा

Consent form
सदर पार्टीसिपंटने काही तक्रार केली आहे का? माझ्या माहितीप्रमाणे भावना दुखावलेले वीर सगळे इतर आहेत.

फिजिकली नागडा करणे वेगळे. जोक आणि फिजिकली नागडा होणे, व्हायला लावणे ह्यात फरक आहे.

ओके म्हणजे Consent form नसतो.
>>>> असे कुठे म्हणलं?
तुम्ही जर दुसऱ्याच्या बिहाफ वर ऑफेन्ड होत असाल तर कनसेन्ट होती की नाही हे तुम्ही आधी तपासायला हवे ना.

आता मला सांगा यातला पहिला व्हिडिओ कसा दिसतो?>>>

तुम्हला कोणीतरी लिंक पाठवलेली असते व्हाट्सप्प किंवा कुठेतरी
तुमचे अकाउंट जिथे आहे त्या मशिनवर कोणीतरी असा व्हिडीओ पहिला
किंवा तुम्ही स्टँडप कॉमेडी बघता आणि त्या अनुषंगाने हा व्हिडीओ आला

माझ्या मते वाण्याच्या दुकानावर बीयर/ दारु विकायला परवानगी द्यावी.... अर्थातच वाणी १८ वर्षे वय आहे की नाही हे विचारल्या नंतर आणि ग्राहकाने त्यास होकार दिल्यावर ती तो ग्राहकाला विकू शकतो असे हवे.

किंबहुना तुम्ही मला फेसबुकचं बंद करायचं सल्ला दिला आहे.>>>अगदी बरोबर
काय जग कोसळत नाही नाही बघितलं फेसबुक तर
पण बघितलं आणि असा व्हिडिओ बघावा लागला तर मग कोसळू शकतं
मग कशाला रिस्क घेता

दोन दिवसांपूर्वी या धाग्यावर आमच्या सोसायटीतल्या भांडणाचा उल्लेख केला होता. त्या वेळी एका काकूंनी व्हिडीओ पोस्ट केला होता. तो शोधत होते.
व्हिडीओ पोस्ट करता येत नाही. त्यातले हायलाईट्स..

१. कुठला मॅटर कुठे पोस्ट करावा याचे भान कायद्याने सज्ञान असलेल्या प्रत्येकाला असते अशी आपल्या सर्वांची समजूत आहे.
२. एखाद्या उद्देशाने चालू असलेल्या व्हॉट्स ऍप सारख्या चॅट ग्रुप वर त्या विषयाशी संबंधित पोस्टस केल्या पाहीजेत याची जाणिव प्रत्येकाला आहे असे आपण गृहीत धरले आहे.
३. जिथे प्रत्येक जण एकमेकांना ओळखतो अशा व्हर्च्युअल जगात सुद्धा प्रत्यक्ष गावात, कॉलनीत, सोसायटीत आपण जसे वावरतो तसेच वावरले पाहीजे , हे आपण प्रत्येक जण पाळतोच.
४. सोशल मीडीया प्लॅटफॉर्म्स अनेक स्वरूपाचे असतात. जिथे एखाद्या विषयावर चर्चा घडवून आणायचे बुलेटिन बोर्डस असतात ( ऑर्कुट / फेसबुक / रेडीफ / याहू इ) तिथे अनोळखी लोक सुद्धा असतात. अशा ठिकाणी प्रत्येक जण खरी ओळख देईल असे नाही. ही बेसिक माहिती सर्वांना असतेच.
५. क्लोज्ड चॅट ग्रुप्स आणि असे ग्रुप्स यातला फरक समजला तर कुठे काय पोस्ट करायचे हे समजतेच.
६. नेहमीच्या लोकांच्यात मागितल्याशिवाय सल्ले देऊ नयेत हे तर आपण सर्व जण पाळतो.
७. जिथे आपण राहतो तिथे कुणाला तरी आपल्या सल्ल्याची गरज आहे असा समज करून घेणे म्हणजे इतरांना आपल्या पेक्षा कमी समज आहे असा ग्रह असणे. कदाचित तुम्ही त्या विषयातले तज्ञ असालही, पण ओळखीच्या क्लोज्ड ग्रुप मधे एखादा पर्सनल विषय सुरू करताना कुणाच्या घरी त्या विषयाला धरून काही अप्रिय घटना झालेली आहे का याचे भान असायला हवे जे सुदैवाने आपल्या सर्वांकडे आहे.
८. वैवाहिक आयुष्य कसे असावे हे वाचनात आले तर लगेच शेअर करू नये. कदाचित एखाद्या जोडप्यात सुसंवाद नसेल, त्यांना आपल्याला उद्देशून हे पोस्ट केले आहे असे वाटू शकते.
९. मुलांचे संगोपन कसे करावे हा विषय एखाद्या बिघडलेल्या मुलांच्या आईवडलांना डिस्टर्बिंग वाटू शकतो.
१०. एखाद्या विषयाचे ज्ञानदान करणे ही जगातली सर्वात चांगली गोष्ट आहे. पण ओळखीच्या लोकांच्या सभेत कुणाचा तरी अपमान होत नाही, कुणाच्या दुखत्या रगेवर बोट ठेवले जात नाही याचे भान असणे ही सुद्धा महत्वाची गोष्ट आहे. जी आपल्या सर्वांकडे आहे याचा अभिमान आहे.
११. शेवटी संगोपन हा मोठा विषय आहे. यावर एखाद्या जाणकाराने लेख लिहीला आणि त्यावर चर्चा घडली तर उत्तमच. पण त्यासाठी वेगळा ग्रुप असावा. त्यात रस असणारे लोक तिथे येतील. सोसायटीच्या ग्रुपवर असणे हे कंपल्शन असल्याने इथे कुणीही इतर विषयातले आपले ज्ञान इथे प्रदर्शित करणार नाही हे आपण आजवर पाळत आलेलो आहोत आणि यापुढेही पाळतच राहू.

या काकू काऊन्सलर आहेत.

संबंधित विषयावरचे त्यांचे मत..
मुलांना आपले मत नीट समजावून सांगावे. सोशल मीडीया कसा वापरावा , त्यातले धोके दाखवावेत. ते काय बघतात यावर जासूसी नको, पण मुलांचे मित्र कोण आहेत हे माहिती असावे. सगळी काळजी घेऊनही मुलं जर नको त्या साईटवर जात असतील तर जाऊ द्यात. अडवलं तर त्यांच्यात ओढ निर्माण होते. जाऊन येऊ द्यात. माहिती झाली कि नंतर ते जात नाहीत. काही गोष्टी त्यांच्यावर लादता येत नाहीत. आपल्या पिढीत अंतर आहे हे मान्य करा आणि त्याप्रमाणे मुलांचे वागणे मर्यादेत असेल तर खूप काळजी करू नका.

लिंक्स देऊन त्या बघा म्हणून पुन्हापुन्हा सांगितलं जात आहे...
हा प्रचारच झाला ना..
(आता त्या लिंक उघडल्यामुळे अल्गाॅरिदम कदाचित तसेच कंटेट पुन्हा पुन्हा दाखवेल, हा ही प्रसारच झाला.)

आता त्या लिंक उघडल्यामुळे अल्गाॅरिदम कदाचित तसेच कंटेट पुन्हा पुन्हा दाखवेल >> +१
मी क्लिक केलं नाही. या आधी धागालेखकाने दुसर्‍या एका साईटबद्दल त्यावर सॉफ्ट पॉर्न असतं असा उल्लेख केला होता. मी फेसबुकवर सहा महीन्यातून एकदा डोकावत असल्याने कदाचित असेल मला असे काही दिसले नाही. पण अन्य ठिकाणी सुद्धा मला त्या साईटच्या अशा जाहीराती दिसल्या नाहीत कि खुद्द त्या साईटवर माझ्या पुढ्यात असा कंटेट आला नाही.

तुमचा फीड हा कदाचित तुमचे फ्रेंड सर्कल, तुमच्या सर्फिंग वर ठरत असावा. मी एका कथेच्या निमित्ताने Adventure vvideos पाहिले त्यानंतर युट्यूबचा फीड अशाच व्हिडीओने भरून गेला होता. आता नॉट इंटरेस्टेड, डोन्ट रिकमेंड चॅनेल ही टूल्स वापरून तो कंट्रोल मधे आणला आहे.

ज्या उत्साहाने ऋ याने धागा काढला व ज्या विमा एजंटीय चिकाटीने तो फेसबूक लिंक्स देत आहे ते पाहून मला फार पूर्वी झालेला अत्रे / माटे / फडके वाद आठवला.

माटे : फडक्यांच्या साहित्यात अश्लीलता आहे.
वाचक : कुठे आहे ?
माटे : 'उन्माद' कादंबरीत पान ५६ वर नायिका नायकाला चहा देताना तिचा पदर खाली पडतो व तिच्या उन्नत ऊरोजांचे वर्णन आहे.
वाचक : अरे बापरे !
माटे : शिवाय 'प्रीत उमलली अशी' मध्ये पान ६७ वर नायिकेच्या नितंबांचे वर्णन आहे.
वाचक : अरे बापरे !
माटे:: 'नकळत सारे घडले' मध्ये पान ११७ वर नायिका कपडे बदलत असताना तिच्या मांड्या नायकाला दिसतात.
वाचक : अरे बापरे ! ( मनातल्या मनात पुस्तक नावाची नोंद होते)

ता. क : कादंबर्‍यंची नावे काल्पनिक आहेत.

श्या! शेवटचा disclaimer देऊन विकुनी मज्जा घालवली

>>तुमचा निषेध नोंदवा आणि शांत बसा.<<
इतकं सोप्प नाहि ते. असतं तर हा गदारोळ उठलाच नसता. पोलिसांनी एफआयआर लिहुन घेतले याचा अर्थ तक्रारीत तथ्य आहे. शिवाय, रैना आणि अहलाबादिया या दोघांनी माफि मागितली, क्लिप्स उडवल्या म्हणजे त्यांना त्यांच्या गुन्ह्याची जाणीव झालेली आहे किंवा त्यांच्या वकिलांनी करुन दिलेली आहे. मराठित एक म्हण आहे - कर नाहि त्याला डर कशाला..

अ‍ॅट द एंड ऑफ द डे, लॉ ऑफ द लँड प्रिव्हेल्स...

हमारे जमानेमे कृष्णराव मराठे नावाचे एक सद्गृहस्थ होते. त्यांचा अश्लीलतेबद्दल प्रचंड राग होता. जिथे त्याना अश्लीलता दिसे तिकडे ते धावून जात. म्हणून त्यांचे नावच अश्लील मार्तंड असे पडले. त्यांचा हा किस्सा.
मा. विनायक ह्यांनी दिग्दर्शित केलेला "ब्रँडीची बाटली" (१९३९)हा चित्रपट तेव्हा गाजला होता.
कथा :प्र.के.अत्रे
कथासूत्र :बगाराम हा सिधासाधा म्युनिसिपल कारकून.तो दारूबंदीच्या मोहिमेत उतरतो.त्याचं दारूविषयीचं अज्ञान त्याची नोकरी जायला कारणीभूत होतं.त्याच्या दारूबंदीविषयीच्या खुळचट कल्पना पाहून त्याच्याबरोबर काम करणारी एक तरुणी त्याची कानउघाडणी करते.खरं तर तिच्याबद्दल बगारामला ओढ निर्माण झालेली असते.ती त्याच्या बॉसचीच मुलगी निघते.तिचा धाकटा भाऊ अत्यवस्थ असतो.त्याला वाचविण्यासाठी ब्रॅंडीची गरज असते.बगाराम ती अनेक क्लुप्त्या करून मिळवतो.
सिनेमातल्या गोपीकांचे वस्त्रहरण या दृश्यात श्रीकृष्णला उद्देशून बावळट बगाराम म्हणतो देवा आम्हालाही एकदा चान्स द्या की. हा संवाद आणि दृश्य चित्रपट प्रदर्शित झाल्यानंतर सेन्सॉर बोर्डाकडून कापून टाकावयास भाग पाडले होते. अश्लील मार्तंड कृष्णराव मराठे यांनी ब्रँडीची बाटलीवर टीका केली. त्यावरून आरोप प्रत्यारोपांच्या सभा ठिकठिकाणी झाल्या. बँडीची बाटलीची हिन्दी आवृत्ती ‘‘ब्रांडी की बोतल” म्हणून प्रदर्शित झाली होती. हिंदीत मा. विनायकांनी
दामुअण्णाची भूमिका केली.
हा धागा वाचून मला ह्या सिनेमाची आठवण झाली.
सध्या २०२५ चालू आहे, पण संवेदना त्याच आहेत.