आहे मनोहर तरी... #MukkamPostBombilwadi

मुक्काम पोस्ट बोंबिलवाडी हा चित्रपट नुकताच बघितला.
बरेचसे कलाकार उत्तम आहेत, त्यांनी त्यांची कामे चांगली केली आहेत. १९४२ चा काळही छान उभा केलाय..
हा एक आवडलेला पंच,
"अरे काय वेळ जात नाहीये तर चिंचेच्या पानांच्या पत्रावळी लावताय का ... " ( शब्द इकडे तिकडे झाले असल्यास क्षमस्व).

ज्यांनी चिंचेचं झाड/ पाला बघितला नसेल त्यांच्या साफ डोक्यावरून जाईल

आणि आता एक गंडलेला किंवा ओढून ताणून विनोद कॅटेगरीतला :

" आता माईन कांफ २ ......?" ( शब्द इकडे तिकडे झाले असल्यास क्षमस्व).
हा १९४२ चा काळ, धूम , धूम २, धूम ३ .. असे सिक्वेल निघायच्या आधीचा होता. ( कदाचित लेखकाला माहीत असलेले outliers असावेत)
बघताना उगाच तांदळात खडा आल्यासारखं वाटलं. .
हे नाटक खूप चालले होते. पण ...
फार्सिकल कॉमेडी ह्या प्रकारात मोडणारा हा चित्रपट मधे मध्ये थोडेफार हशे कमवत होता. कथा, कलाकार, अभिनय, सेट उत्तम असूनही कुठेतरी पकड सोडतोय अस वाटलं. काहीसा पसरलेला, विस्कळीत जाणवला.
काहीच दिवसांपूर्वी हरीश चंद्राची फॅक्टरी बघितलेला ( दुसऱ्यांदा की तिसऱ्यांदा) , त्याची आठवण झाली आणि वाटून गेलं अरे त्याच्यासारखा नाही जमला..

####

ज्यांना कथा माहित नसेल त्यांच्यासाठी थोडक्यात रुपरेषा...

दुसऱ्या महायुधदाच्या काळातील ही गोष्ट.. हिटलर जपांहून येत असताना त्याचे विमान बोंबिलवाडीजवळ पडते. बोमिबिलवडीच्या नाटक मंडळींच्या कपडे पटात तो कसा पोहचतो. त्या अनुषंगाने तिकडचे इंग्रज पोलीस, विस्चटन चर्चिल वगैरे वगैरे अनेक पात्र येत जातात....