ह्या गोष्टीला नावच नाही!

एकीकडे लोकांनी आमचा हा चित्रपट मोठ्या पडद्यावरच अनुभवावा ही आमची धडपड आणि त्यासाठी अजिबात अनुकूल नसणारी व्यवस्था यातून आम्ही आमच्या परीने मार्ग काढायचा प्रयत्न करत होतो. जेवढ्यांना सिनेमा बघता आला त्यातल्या बहुतेकांना आवडतो आहे त्यामुळे अधिकाधिक लोकांपर्यंत सिनेमा पोचावा यासाठी प्रयत्न करायला अजून हुरूप येतो आहे. यात आपली नंदिनी देसाई, तिचे सहकारी आणि रत्नागिरी फिल्म सोसायटीने रत्नागिरीमध्ये शो घडवून आणण्यासाठी खूप छान काम केले आणि 16 नोव्हेंबरला सिटीप्राईड, रत्नागिरी येथे भरपूर प्रेक्षकांसमोर शो झाला.

आता या प्रयत्नात आम्हाला भरभक्कम साथ मिळते आहे ती आमचा मित्र प्रदीप वैद्य यांच्या द बॉक्स टू च्या रूपाने.

"ह्या गोष्टीला नावच नाही" या चित्रपटाचे 8 विशेष खेळ पुण्यात, द बॉक्स टू मध्ये होणार आहेत. 25-28 नोव्हेंबर 2024, दुपारी 3:30 आणि संध्याकाळी 7:30 असे रोज दोन खेळ आहेत.

तिकीट बुकिंगसाठी इथे जा
किंवा चित्रात दिलेला क्यू आर कोड स्कॅन करूनही बुकिंग करू शकता.

हे शोज यशस्वी झाले तर केवळ आमच्या सिनेमापुरते नव्हे तर अश्या प्रकारच्या सर्वच सिनेमांसाठी काहीतरी नवीन, आशादायक घडायची सुरुवात कदाचित होऊ शकते.

पुण्यात द बॉक्स टू या प्रायोगिक नाटय अवकाशात आमच्या 'ह्या गोष्टीला नावच नाही' या सिनेमाचे आठ विशेष खेळ नोव्हेंम्बर महिन्यात आयोजित केले होते. त्याला प्रेक्षकांचा उत्तम प्रतिसाद मिळाला होता.

सरत्या वर्षातले महत्वाचे मराठी सिनेमे आणि मराठी सिनेमाजगतातल्या महत्वाच्या घटनांचा आढावा घेताना हॉलिवूड रिपोर्टर इंडिया मध्ये आमच्या सिनेमाचा व सिनेमाच्या प्रयोगाचाही आवर्जून उल्लेख केला आहे.
ज्याला इंडिपेंडंट किंवा इंडी सिनेमा म्हणले जाते असे चित्रपट मोठ्या पडद्यावर दाखवण्यासाठी अश्या प्रकारच्या समांतर व्यवस्थेची गरज हॉलिवूड रिपोर्टर इंडियामधल्या लेखात गणेश मतकरीने अधोरेखित केली आहे.

आयत्यावेळेला शोज कॅन्सल होणे, शोजच्या वेळा बदलल्या जाणे, सर्व शो अडनिड्या वेळांना असणे या सगळ्या समस्या दूर करून आम्ही परत शोज करत आहोत.

हे आमचे प्रयत्न. पण ही व्यवस्था अजून चांगल्या प्रकारे उभी राहायची, टिकायची असेल आणि इंडी सिनेमे पहायची तुम्हाला भूक असेल तर तुम्ही या प्रयोगांना येणे महत्वाचे आहे.

नक्की या. तुमच्या मित्रमंडळींना, नातेवाईकांनाही सांगा.
हे यावेळेसच्या प्रयोगांचे वेळापत्रक.
२१ डिसें : शनिवार - सकाळी १० आणि दुपारी २
२२ डिसें : रविवार - सकाळी १० आणि दुपारी २
२३ डिसें : सोमवार - दुपारी ४.३० आणि रात्री ८
२५ डिसें बुधवार (ख्रिसमस सुट्टी) - सकाळी १० आणि दुपारी २

तिकिटे फक्त तिकीटखिडकी या पोर्टलवर.
https://www.ticketkhidakee.com/hyagoshtilanavachnahi

थँक्स! आहेस का देशात अजून? असशील तर ये 21-25 दरम्यान.

प्रत्यक्ष पडद्यावर सिनेमा बघायला मिळावा म्हणून आम्ही पुण्यात नोव्हेंम्बर व डिसेंबर महिन्यात द बॉक्स मध्ये सिनेमाचे विशेष खेळ लावले. आता जानेवारी महिन्यात आजपासून नदी वाहते आणि ह्या गोष्टीला नावच नाही या दोन्ही सिनेमांचे खेळ असणार आहेत. तिकिटे फक्त तिकीटखिडकी डॉट कॉम वर आहेत.
नदी वाहते साठी
https://www.ticketkhidakee.com/nadivahte
ह्या गोष्टीला नावच नाही साठी
https://www.ticketkhidakee.com/hyagoshtilanavachnahi

तर ह्या गोष्टीला नावच नाही या सिनेमाला ६० व्या महाराष्ट्र राज्य चित्रपट पुरस्कारांमधे दोन तांत्रिक विभागाचे पुरस्कार आणि तीन नामांकने जाहीर झाली आहेत.
दोन तांत्रिक पुरस्कार
१. छायालेखन - प्रियशंकर घोष
२. उत्कृष्ट ध्वनिमुद्रण - सुहास राणे

तीन नामांकने
१. उत्कृष्ट चित्रपट
२. प्रथम पदार्पण अभिनेता - जयदीप कोडोलीकर
३. प्रथम पदार्पण निर्मिती - पायोस मेडिलिंक

या सिनेमाचे उद्या म्हणजे 29 जानेवारीला पुण्यात द बॉक्स टू येथे संध्याकाळी 5 व 8 वाजता असे दोन खेळ आहेत. नक्की या!
तिकिटे