सांत्वन

Submitted by कविन on 30 September, 2024 - 05:17

कठीण असतं सांत्वन करणं
आणि त्याहूनही कठीण असतं,
सांत्वन स्विकारणं

दु:खाचा तळ काठावरुन दिसत नाही
सांत्वन असलं सच्चं, तरी तेही तळ गाठत नाही
आणि दु:खाचा डोह शोषता येईल,
अशी जादू मलाही येत नाही

मी फक्त मिठी मारेन तुला
काठावर बसून राहीन तुझ्या बाजूला
दु:खाच्या डोहाची खोली तुला घाबरवेल
तेव्हा मी मूक सोबत करेन
पण अजिबात म्हणणार नाही
I can feel your pain

कारण कितीही सहवेदना म्हंटले
तरी त्या दु:खाचा प्रत्येक पापुद्रा
फक्त तुलाच समजणार
काठावरुन मला कितीसा उमजणार?

म्हणून सखे, मी तुझं सांत्वन करणारच नाही
आज नाही, उद्या नाही आणि कधीही नाही
कारण कठीण असतं सांत्वन करणं
आणि त्याहूनही कठीण असतं,
सांत्वन स्विकारणं

विषय:

काव्यलेखन

Groups audience:

गुलमोहर - कविता

Group content visibility:

Public - accessible to all site users

शेअर करा

ये दुःख नाम की बिमारी का इलाज किसी डॉक्टर के पास भी नही। इसका इलाज खुदको धुंडना पडता है, दुःख को भुलना पडता है।

Submitted by उपाशी बोका on 12 October, 2024 - 00:04

अगदी अगदी!

Submitted by वंदना on 12 October, 2024 - 15:19

खूप खूप छान!

Submitted by rmd on 12 October, 2024 - 17:41

सांत्वन

आशयाशी सहमत!

कवीन, खूप संवेदनशील कविता.

खूप संवेदनशील कविता>>>+१

वाह! तुझं नाव वाचूनच कविता

कवीन, खूप संवेदनशील कविता.+११

तरल, संवेदनशील विचार. सुंदर

तरल, संवेदनशील विचार. सुंदर

तरी त्या दु:खाचा प्रत्येक

This is so me.. :'(

This is so me.. :'(

किती छान लिहिलं आहेस कवे.

परफेक्ट !

सर्व प्रतिसादांना मम.

Well said.

अगदी अगदी!

खूप खूप छान!