आरोग्यदायी पेय - काळ्या गाजराची कांजी {अल्पना}

अहाहा! काय सुरेख रंग आलाय

या प्रकाराबद्दल वाचले होते पण कधी करायचे धाडस केले नव्हते (बुरशी लागेल का? चव आवडेल का? नीट जमलेय करायला हे कळेल का? असे बरेच का का वाटेत असल्याने मी करायला का कु करत होते :फाको समाप्त:) करुन बघेन तुझ्या पद्धतीने आधी एकाच गाजराची करेन आणि काचेच्या बरणीत करेन. नुसत्या बीटाचीही सेम पद्धतीने करतात ना? तिची चव अशीच लागते का म्हणजे या प्रकारची पेये थोडी आंबट थोडी मसाल्यामुळे हलके स्पायसी आणि अंगची चव जी असेल ती अशी एकत्र चवीची लागतात का?

अजून कशा कशाची कांजी बनते?

नुसत्या गाजरा ऐवजी बीट + गाजर कर. म्हणजे छान रंग पण येईल.>> चालेल. आहे घरी दोन्ही. करुन बघते थोडे

मस्त रंग आलाय..
कोकम सरबत प्रेमी असल्याने त्या जवळ जाणारा हा रंग सुद्धा आवडला

कांजी बद्दल फक्त वाचलं आहे. कधी प्यायलेली नाही.
कृती सोपी दिसते आहे. बघतो करुन.

दिसायला प्रचंड चिकणं प्रकरण आहे. ट्राय करायला पाहिजे.

कांजी बद्दल फक्त वाचलं आहे. कधी प्यायलेली नाही.
कृती सोपी दिसते आहे. >
+११ अमितव
हे वाचून बीटामृत आठवलं मालती कारवारकर यांचं

काळे गाजर असते हेच मुळात माहीत नव्हते.
काय सुंदर रंग आलाय पेयाचा. नविनच पाकृ

अल्पना, उरलेल्या गाजराच्या तुकड्यांचे काय करायचे? म्हणजे हे फरमेन्ट झालेले पाणीच फक्त कांजी म्हणून पितात की त्यात मुरलेले तुकडेही घालून घेतात की ते वेगळ्या प्रकारे संपवतात (म्हणजे सॅलड्स मधे घालून वगैरे) (अडाणी प्रश्नासाठी माफी द्यावी )

निवांत वाचली.
मस्त आहे आणि रंग सुद्धा सुरेख आलाय.
आमच्या कॉलेजमध्ये एक कपूर मॅडम होत्या त्यांच्याकडून या कांजीबद्दल ऐकलं होत.
पण प्रत्यक्षात कांजी पिण्याचा योग गेल्या वर्षी हरिद्वारला आला. तिथे कांजीवडा खाल्ला/ प्यायला. त्यात ती मोहरीची चव तिखटपणा, आंबटपणा, चरचरीत वेगळी वाटली.
आता तुमच्या पद्धतीने करायला हवी.
कविन म्हणतेय तसं ते जमेल का ही शंका.
लॅक्टो फरमेंटेड भाज्या बद्दल एक वेगळा धागा काढून लिहाल का?

लॅक्टो फरमेंटेड भाज्या बद्दल एक वेगळा धागा काढून लिहाल का?>>+१

काय काय मस्त उद्योग करता तुम्ही सगळे.सोवर डो काय, ही अशी प्रो बायोटिक पेये बनवायचा कोर्स काय.
रंग खूप मस्त आला आले.घरी बनवणार नाही(कंटाळा) पण कोणी आयते प्यायला दिले तर मस्त.

लॅक्टो फरमेंटेड भाज्या बद्दल एक वेगळा धागा काढून लिहाल का?>>+१११

Outstanding ! रेसिपी, रंग, प्लेटिंग सरस.

कांजी आणि कांजीबडे बृजक्षेत्र, राजस्थान भागात होळीचा फ़िक्स मेन्यू ! सोबत दहीवडे आणि दही पापडी चाट. हे व्हेरियेशन मस्ताय.

… लॅक्टो फरमंटेशन बद्दल लिहिन थोडं. आत्तापर्यंत sauerkraut, कम्बुचा, लॅक्टो फरमेंटेड गाजर- काकडी, कांजी, आंबिल आणि सावर्डो ….

हे अवश्य करा.

@ काली गाजर

आमचे एक लखनौकर भोजनरसिक डॉक्टर मित्र “काली गाजर का जौजी हलवा” बद्दल इतके भरभरून सांगायचे. Bless his soul. त्यांच्या आज़मगढ़च्या शेतात फक्त हलवा आणि या काळ्या कांजीसाठी ‘काली गाजर’चे वाण लावले जाते. शौकीन लोकं तिप्पट मोल देऊन ही गाजरं विकत घेतात.

हे अल्कोहोलिक होतं का?

<<काळे गाजर असते हेच मुळात माहीत नव्हते>>
माझ्याच बोटीतील सहप्रवासी
रंग कातिल आहे एकदम, कांजीचा..

छान. सुरेख रंग.

काळे गाजरच माहिती नाहीये. लाल, केशरी असतात इथे. अल्पना काळ्या गाजराचा फोटो नक्की शेअर कर.

अप्रतिम फोटो. छान आहे कृती.

अल्पना, मी प्रयत्न करुन बघितला. रंग अर्थात तुझ्या वरच्या कांजी सारखा नाही आलाय कारण गाजरं काळी किंवा लालसरही नव्हती. फिकट केशरी गाजरं होती आणि एक बीटरुटही घातले मी. चव मला आणि बर्‍या अर्ध्याला आवडली. लेक त्याबाबतीत न्युट्रल होती म्हणजे खूप आवडली असे नाही आणि आवडलेच नाही असेही नाही.

खरोखरीची मुळची चव कशी असते हे एकदा कुठे रेडीमेड मिळत असेल तर ट्राय करुन बघायला हवे म्हणजे समजेल मी केलेय ते किती बरोबर जमलेय करत राहीन प्रयोग अगदी एक गाजर्+१ बीट असे घेऊन.

मस्त आहे हे, रन्ग किती सुरेख आलाय.
नेटफ्लिक्स वर राजा, रसोई अस काहितरी नावाची सिरिज होती त्यात "कालि गाजर का हलवा" हे डेलिकसी म्हणून राजा रजवाडे बनवायचे अस दाखवल होत...
अल्पना आपल्या रेग्युलर गाजरामधे आणी यात काय फरक असतो?

चरचरीत, आंबट आणि तिखट अशी मिक्स चव असते गं.>> हो चव अशीच लागतेय आणि आम्हाला दोघांना आवडली चव. कांजीवडे साठी हीच कांजी वापरतात का?

क्वास करुन बघायला हवे.

मला दसऱ्याच्या नंतर हे प्रयोग करायला वेळ होणार आहे. तोवर हां धागा वर ठेवा काय!
अल्पना, तुम्ही आमच्या विनंतीला मान देऊन लॅक्टो फरमेंटेड भाज्या बद्दल एक वेगळा धागा काढून लिहाल का?

अल्पना, तुम्ही आमच्या विनंतीला मान देऊन लॅक्टो फरमेंटेड भाज्या बद्दल एक वेगळा धागा काढून लिहाल का?+१११