चित्रपट कसा वाटला- भाग १०

ऐतबार मस्त आहे, गाणी सॉलिड, सर्वांचा अभिनयही आवडला, पण मूळ इंग्लिश मुवी सहज थोडा बघण्यात आल्यावर समजलं की सीन टू सीन कॉपी आहे, सेम मर्डर पिक्चरबाबत झालं माझं.

डॅनी. मला डॅनी आवडला. पण त्याला जास्त स्कोप नाहीये. सॅड. भाप्पी लाहीरीचे म्युझिक आहे! विश्वास बसत नाही.

छान दिलंय म्युझिक, सरप्राईजिंग एकदम.

'किसी नजरको' जास्त फेमस झालं. मला ते दुसरंही आवडतं 'दुनियासे कहदो ना हमको पुकारे, हम खो गये है यहा'.

Dany सॉलिड.

मी "कार्निवाल ऑफ सोल्स" नावाच्या सिनेमाचे परिक्षण लिहिले होते. तुम्ही ते वाचले का? इथे कुणीच वाचलेले दिसत नाही. एकदम क्लास movie आहे.

कुठे लिहीलंय, लिंक द्या इथे. नाही वाचलं मी.

'दुनियासे कहदो ना हमको पुकारे, हम खो गये है यहा'.>>> १०००+++

"प्रेतात्म्यांची जत्रा" एक सिने परीक्षण. भाग--१
https://www.maayboli.com/node/85342
भाग २ वाचायच्या आधी पिक्चर बघून घ्या. नाहीतर म्हणाल स्पॉईलर आहेत म्हणून.
"प्रेतात्म्यांची जत्रा" एक सिने परीक्षण. भाग—2
https://www.maayboli.com/node/85343

witness for the prosecution चे मराठी रुपांतर नाटक "खरं सांगायचं तर" बघितले आहे का? सुप्रिया पिळगावकर आणि विक्रम गोखले. कमाल अभिनय. मला ओरिजिनल पेक्षा कॉपी जास्त आवडली.
https://youtu.be/uMJ9gA2TFrM

खरं सांगायचं तर >>> हो. पाहिलंय. नाटक छानच आहे. पण सुप्रियाचा अभिनय जरा ओव्हर वाटला.

वाचेन केशवकुल, धन्यवाद. पिक्चर नाही बघायचा मला.

सुप्रियाचा अभिनय जरा ओव्हर वाटला. >>> यूट्यूबवर नाटक बघताना (म्हणजे नाटकाचं व्हिडिओ शूटिंग बघताना) तिचा अभिनय लाऊड वाटतो, पण प्रत्यक्ष रंगमंचावर ते नाटक बघायला जास्त भारी आहे.

मला ते दुसरंही आवडतं 'दुनियासे कहदो ना हमको पुकारे, हम खो गये है यहा'. >>> मला हेच जास्त आवडतं. आता वीकएन्डला शोधून बघणार हा सिनेमा.

https://youtu.be/nx1Nz0Q1WjE
ऐतबार साठी लिंक.

संशयी नवर्‍याच्या भुमिका राज बब्बरला चांगल्या जमत. एतबारची गाणी खुप सुण्दर आहेत.

संशयी नवर्‍याच्या भुमिका राज बब्बरला चांगल्या जमत>> +१ आणि ठरकी श्रिमंत मुलगा पण.

संशयी नवर्‍याच्या भुमिका राज बब्बरला चांगल्या जमत>>> पण इथे संशयी पेक्षा त्याची तिच्या पैशावर नजर आहे. संशयी नवरा शाहरुख ने "हम तुम्हारे है सनम " चू भू दे घे मध्ये छान रंगवला आहे.
आता तुम्ही ऋषि कपूर आणि नासिरुद्दीनचा "खोज" बघा. मला आवडलेला रहस्यपट.
"Chase a crooked shadow" ?

आता तुम्ही ऋषि कपूर आणि नासिरुद्दीनचा "खोज" बघा. >>>

राखी व मिथुनचा धुआ पण ह्याच कथेवर आधारीत आहे.

यू ट्यूब वर मिळाला तर बघेन. Not a member of OTT.

यु ट्युबवर आहे. मी तेव्हा थेटरात जाऊन पाहिलेला.

सन्जिव कुमार, सारिका, रंजिताचा कत्ल पण यु त्युबवर आहे. तोही सुरेख आहे. तोही एका एन्ग्रजी चित्रपटाची फ्रेम टु फ्रेम कॉपी आहे, हिन्दीकरण करताना रंजिताचा रोल वाढवला/शेवट बदलला बहुतेक. मी दोन्ही पाहिले होते, पण इंग्रजी आता स्मरणातुन गेला.

घराला सर्विस दरवाजा असणे, नुसत्या लॅचवर घर लॉक करणे आणि चित्रपटात त्या दरबाजाचा वा लॅचचा रोल असणे इत्यादी गोष्टी भारतीय चित्रपटात दिसल्या की समजुन जावे चित्रपट तिकडुन आयात केलाय.. भारतात भरभक्कम गोदरेज टाळे लावल्याशिवाय घरमालकाला चैन पडणारच नाही

>>>>>>भारतात भरभक्कम गोदरेज टाळे लावल्याशिवाय घरमालकाला चैन पडणारच नाही Happy
हाहाहा मस्त नीरीक्षण

गोट लाईफ पहिला.नजीब चा इंटरव्ह्यू आधी पहिला होता, गोट लाईफ पुस्तक पण वाचले होते त्यामुळे कथा माहीत होतीच.पण तरी सॉलिड वाटला.अफाट पसरलेलं वाळवंट, केरळ मधले व्हिज्युअल्स, पृथ्वी आणि त्या दुसऱ्या मुलाचा मेकप आणि कमी केलेलं वजन, आफ्रिकन कलाकार हे सर्वच पाहण्यासारखं आहे.अनेक लोक 'तो उंट घेऊन का नाही पळाला' विचारत आहेत.पण इतका मोठा उंट, ज्याच्या स्वारीची सवय नाही, तो भाषा येत नसलेल्या,रस्ते माहीत नसलेल्या, कायदे तुमच्या बाजूने नसलेल्या देशात चोरून घेऊन जाणे हा मूर्खपणा ठरला असता.90ज मध्ये जेव्हा गुगल युट्युब आणि एकंदर जगाची माहिती सहज मिळत नव्हती तेव्हा अश्या अनेक फसवणुकी झाल्या असतील.अजूनही होतायत.
(सौदी मधलीच एक खरी आणि क्रांतिकारी संधी आमच्या आयुष्यात एकदा आली होती.चांगलं पद, चांगलं काम,टेक्नॉलॉजी, चांगला पगार इत्यादी.पण मन नको म्हणत होतं.त्यामुळे नकार कळवला.
काही वर्षांनी काही तांत्रिक कारणांनी तो प्रोजेक्ट 90% कमी झाला.अर्थात नकारनिर्णय योग्य ठरला.)

भारतात भरभक्कम गोदरेज टाळे लावल्याशिवाय घरमालकाला चैन पडणारच नाही >>>

काही विशिष्ठ गोष्टी सुरू असताना घराचेच नव्हे तर बेडरूमचे दार कलते उघडे असणे हा ही एक आयात मार्कर आहे

संशयी नवर्‍याच्या भुमिका राज बब्बरला चांगल्या जमत >>> हे टोटली!

ऐतबार पाहिला आहे. किसी नजर को आणि खो गये है हम यहाँ दोन्ही गाणी छान आहेत. खोज, धुआँ, धुंद, कत्ल यातले २-३ पाहिले आहेत. नक्की कोणते ते लक्षात नाही.

खोज: मेलेली बायको परत आली
धुंद: डॅफने दु मॉरियर च्या रिबेका चे हिंदी रूपांतर
धूऑ: माहीत नाही
कतल: आंधळ्या संजीव कुमारने घेतलेला अन्यायाचा बदला

कोहरा (विश्वजीत व वहिदा) पण रिबेकाचं हिंदी रुपांतर आहे ना? पण त्यात वहिदा जरी रिबेकाच्या मागे रेंगाळलेल्या अस्तित्वाला घाबरलेली असली तरी मुखदूर्बळ, इन्फिरीऑरिटी कॉम्प्लेक्स असलेली, नवऱ्यापेक्षा वयाने खूप लहान तरुणी वाटत नाही. वहिदा नेहमीच मेन्टली स्ट्रॉंग वुमन वाटते. विश्वजीत तर अजिबात सुट होत नाही मिस्टर डिविंटरच्या भुमिकेत. त्यातलं झुम झुम ढलती रात आवडतं.

खोज व धुआ - मेलेले लोक परत आले, मेन पात्र सोडुन बाकी सगळ्यांनी स्विकारले.

धुंद - अन एक्सपेक्टेड गेस्ट वर आधारीत.

रिबेका वरुन कोहरा बनवला, तो फसला. रिबेका मध्ये तिच्या नवर्‍यानेच खुन केलेला असतो. (जुन्या) हिंदी चित्रपटातील नायक म्हणजे साक्षात सर्वगुणसंपन्न मर्यादापुरुषोत्तम रामच. तो खुन कसा करेल? त्यामुळे ष्टोरी बदलावी लागली आणि त्यात ती फसली.

कोहराची सगळीच गाणी श्रवणीय आहेत. हेमंत कुमार निर्माता, संगितकार व गायक. बीस साल बाद पण त्याचाच.

साधना बरोबर… आणि मॅक्झिमिलीअन डिविंटर थोडासा लहरी, आपल्याला हवे ते करणारा तरीही मनाने चांगला असणारा अपेक्षित आहे. विश्वजीत गुळमट्ट आहे. तो पहिल्यांदा प्रेमात पडलेल्या नवथर तरुणाप्रमाणे वागतो. याचा काही कॉम्प्लिकेटेड भूतकाळ असावा असी शंकासुद्धा येत नाही. शिवाय हिंदी सिनेमाच्या प्रथेप्रमाणे त्यांच्या लव्हस्टोरीने फुटेज खाल्लंय. त्यामुळे मुळ गोष्ट, त्यातलं टेन्शन चटावरच्या श्राद्धाप्रमाणे उरकलंय. शिवाय मिसेस डिविंटरचं, काहीश्या घाबरट तरुणीचं नवऱ्याला भक्कम पाठिंबा देणाऱ्या पत्नीत होणारं रुपांतर अखिल भारतिय सिनेमा कॅटेगरीतल्या अथ ते इति पतीला परमेश्वर मानणाऱ्या स्त्रीमध्ये करून टाकलंय.
हो. हेमंतकुमारचं संगीत हाच एक तारणहार या पिक्चरचा.

तरीही चित्रपट पडला. ललिता पवारचे पात्रही गोंधळात टाकणारे आहे. शेवटही अचानक केलाय. दलदलीत गाडी सापडते, त्यात रिबेका आणि तिचे चरित्र संशयास्पद. बस्स झाला द एंड.

घराला सर्विस दरवाजा असणे, नुसत्या लॅचवर घर लॉक करणे आणि चित्रपटात त्या दरबाजाचा वा लॅचचा रोल असणे इत्यादी गोष्टी भारतीय चित्रपटात दिसल्या की समजुन जावे चित्रपट तिकडुन आयात केलाय.. भारतात भरभक्कम गोदरेज टाळे लावल्याशिवाय घरमालकाला चैन पडणारच नाही >>> हाहाहा. खरं आहे आणि एवढ्या मोठ्या बंगल्याची चावी कोणी कारपेटखाली, रोप लावलेल्या कुंडीत लपवून जाणार नाहीत.

ओह हां.तो कोहरा रिबेका होता. धुंद आठवला.चुकून गाडी बंद पडून आलेल्या पाहुण्यावर खुनाचा आळ येतो अशी काहितरी स्टोरी होती बहुतेक,।

रिबेकाचा लेटेस्ट हिंदी रिमेक "अनामिका". एक अत्यंत बघणीय पिक्चर.
https://www.youtube.com/watch?v=2-eww7BI8Q0