कटिंग स्लॅक

अनेक वर्षांपूर्वी माझं कोणाशीही पटत नसे. आख्ख्या जगाबरोबर माझे वैर होते. रीडींग बिटवीन द लाइन्स - मधे माझ्याइतके निष्णात अन्य कोणी नव्हते. रीडींग बिटवीन द लाइन्स - आपले विचार, आपले गुणावगुण आणि आपला त्या त्या क्षणीचा मूड अन्य व्यक्तीवरती आरोपित करणे. मी अमक्याला १०० वॅटेज स्मितहास्य दिले व तिने मला, ५० च वॅटेज स्मित परत केले म्हणजे सरळ सरळ अर्थ आहे की तिला मी आवडत नाही. सासूबाईंनी गणपती घराच्या अमक्या कोपर्‍यात ठेवला कारण तो उजव्या सोंडेचा आहे. बरोबर मुद्दाम ठेवला त्यांनी. त्यांना काय पडलीये माझं भलं करण्याची चिंता. अमकीने माझ्याकडे रोखून पाहीलं कारण सरळ आहे मत्सरी आहे ती. हे आणि असेच मोनोलॉग माझे स्वतःशी होत.
पुढे मूडस संतुलित झाले, एक छानसा पॉझ जीवनात आला. मेंदूत नवीनच न्युरॉन्स कदाचित तयार झाले (?) कदाचित पुनर्जिवीत झाले. आय हॅव्ह नो आयडिया काय झाले पण औषधांमुळे, माझी वृत्ती १८० कोनातून फिरली.
आणि मला कळू लागले - अरे तिची टक लावून पहाण्याची पद्धत तशी असेल, तिचे चेहरा रिलॅक्स असलेला तसाच दिसत असेल. तुला त्रासलेला वाटतो पण तसे नसेलही. ती वेगळी- तो वेगळा-तू वेगळी. तुमचं नाक सेम टू सेम आहे का नाही तर मग तुमचे सर्व विचार, आचार कसे अनुकूलच असतील? प्रत्येक व्यक्ती खरे तर एक, विविध रसायनांनी बनलेले मिश्रण असते. वी आर नथिंग बट अ बन्च ऑफ केमिकल्स. हे सर्व स्वभाव, षडरिपु, आवडी-निवडी हे आपल्या हातात फार थोड्या प्रमाणात आहेत. लहानपणापासून आपले एके प्रोग्रॅमिंग झालेले आहे. आपल्या संप्रेरकांची मोगलाई आहे. टायरनी आहे हार्मोन्स्ची.
आपण १००% परिपूर्ण आहोत का नाही पण आपण अन्य व्यक्तीकडून मात्र परिपूर्णतेची अपेक्षा ठेवतो. आपण स्वतः इव्हॉल्व्ह होतोय असे आपण मानतो & वी कट अ स्लॅक टु अवरसेल्वज. परंतु जेव्हा समोरच्या व्यक्तीची वेळ येते तेव्हा आपण समजतो की ती व्यक्ती फिनिश्ड प्रॉडक्ट आहे आणि पुढे इव्हॉल्व्ह ती होतच नाहीये. ती त्या क्षणी एक संपूर्ण आणि परिपूर्ण व्यक्तीमत्व आहे मात्र आपल्याशी ती व्यक्ती मुद्दाम खुनशीपणे वागते आहे. मत्सरयुक्त वागते आहे वगैरे वगैरे. पण तसे नसते ना. प्रतिक्षण, ती व्यक्तीही प्रगल्भ होत असते, शिकत असते, उत्क्रांतीच्या फूटपट्टीवरती पुढे सरकत असते.
साधी सकाळची कॉफी उशीरा झाली, झोप निट लागली नाही, कोणीतरी आपल्याशी वाईट वागले तर आपला दिवस खराब जाऊ शकतो नव्हे जातोच. झोप निट लागली नाही की मी खूप खाते, खूप खर्चही होतो त्या दिवशी - हे माझे नीरीक्षण आहे. पुढे एका संशोधनात ही बाजू वाचलेलीही आहे. मग अन्य व्यक्तींचे ही तसेच नसेल का? नसेल आज त्यांचा मूड. तब्येत बरी नसेल, त्यांच्या डोक्यावर काळजीची तलवार असेल, व्हाय नॉट कट अ स्लॅक टु देम? आपण का नाही समजाउन घेउ शकत?
माफ करा, हे बालिश वाटले असेल. पण मला माझ्या स्वभावात पडलेला हा मोठा फरक याबद्दल लिहायचे होते. कटिंग स्लॅक ज्याला मराठीत काय म्हणु आपण - समोरच्या व्यक्तीला सांभाळून घेणे. अगदी आपण स्वतःला सांभाळतो तितके हे मला महत्वाचे वाटते. अर्थात त्याचा अर्थ माझे खटके उडत नाहीत असे नाही. पण खटके उडले की वाईट वाटते खरे.