लेखन उपक्रम २ - गिफ्ट - मामी

Submitted by मामी on 25 September, 2023 - 08:12

बाकीचे अजून आले नव्हते. गाडी यायला तसा वेळच होता तेवढ्यात त्याचं लक्ष तिच्याकडे गेलं...

ती चिमुरडी झाडाखाली बसून रडतरडत कागदावर काहीतरी एकाग्रतेने लिहित होती. त्यानं हळूच तिच्या मागे जात त्या कागदावरचा मजकूर वाचला.

कागदावर जागा मिळेल तिथे केवळ एकच शब्द पुन्हापुन्हा लिहिला होता तिनं - 'आई'!

दीर्घ उसासा सोडून त्यानं पाठुंगळीची सॅक खाली काढली. दोन खेळणी बाहेर काढली आणि तिची तंद्री भंग होणार नाही अशा बेताने तिच्याजवळ ठेवली. पुन्हा सॅक खांद्यावर टाकून त्यानं स्वतःचे डोळे पुसले.

तिची खरी मागणी पूर्ण करण्याची ताकद त्याच्यामधे नव्हती.

दूर कुठेतरी बाराचे टोले पडले आणि घंटांचा नाजूक किणकिणाट करत त्याचे नऊ रेनडिअर त्याची गाडी घेऊन आले.

विषय: 
उपक्रम
शब्दखुणा: 
एकारंभा अनंतार्था
शशक
Groups audience: 
मायबोली गणेशोत्सव २०२३
Group content visibility: 
Public - accessible to all site users
शेअर करा

धन्यवाद मंडळी.

मामीचा टडोपा मूड/मोड ऑन दिसतोय यंदा. >>> हो ना? मलाही असंच झालं.

Submitted by मामी on 25 September, 2023 - 10:08

तिची खरी मागणी पूर्ण करण्याची ताकद त्याच्यामधे नव्हती.>>

दूर कुठेतरी बाराचे टोले पडले आणि घंटांचा नाजूक किणकिणाट करत त्याचे नऊ रेनडिअर त्याची गाडी घेऊन आले.>>>

छान लिहिलय!

Submitted by छन्दिफन्दि on 25 September, 2023 - 21:29