वारी

Submitted by कविन on 20 June, 2023 - 00:25

मनाच्या गाभारी, आत्मा हा विठ्ठल
आत्मपरीक्षण, तीच वारी

जे जे असे पिंडी, तेची रे ब्रह्मांडी
ओळख आत्म्याची, तीच वारी

पश्चात्ताप हेची, चंद्रभागा स्नान
सोडी काम क्रोध, तीच वारी

पावित्र्य जपावे, उणे ना वागावे
सन्मार्गे चालावे, तीच वारी

देह हा नश्वर, आत्मा हा ईश्वर
आत्म्याचे पूजन, तीच वारी

विषय: 
साहित्य
काव्यलेखन
Groups audience: 
गुलमोहर - कविता
Group content visibility: 
Public - accessible to all site users
शेअर करा

सुंदर...

Submitted by दत्तात्रय साळुंके on 20 June, 2023 - 03:17