ऋन्मेषचे धागे - एक मायबोलीय समस्या??

Submitted by Barcelona on 16 October, 2022 - 23:01

प्रतिसाद आवडला.

अवांतर:
कुठलीही टिकाटिप्पणी किंवा दोषारोप अंगाला लाऊन न घेण्याच्या गुणाबद्दल ऋन्मेषचे कौतुक वाटते.
जरा काही बोलले की रुसुन फुगून बसणारे आणि डूख धरुन तो राग इतर कुठल्यातरी धाग्यांवर काढणारे अनेक आयडी आजवर मायबोलीवर पाहिले आहेत..... अगदी संतुलित म्हणून नावाजलेल्या भल्याभल्यांचा तोल सुटलेला अनेकवेळा बघितलेला आहे त्या पार्श्वभूमीवर ऋन्मेषचा हा गुण विशेष उठुन दिसतो.
बाकी क्रिकेट आणि इतर धाग्यांवरचे मतभेद आहे तसेच राहतील; आपलाच मुद्दा पुढे रेटत राहण्याचा आणि त्याच्या पुष्ट्यर्थ कुठलेही गैरलागू संदर्भ देत राहण्यावरचा आक्षेप आहे तसाच राहील पण यासगळ्यात कडवटपणा आणू न देणे खुप कमी लोकांना जमते त्यातला एक ऋन्मेष आहे असे मला वाटते

स्वरुप +१

ऋ बद्दल / लिखणाबद्दल आक्षेप असणाऱ्याना ती १९२ संख्या का बरं दिसत नसावी असे राहून राहून वाटते. कुछ तो बात है म्हणून तर एवढी तगड़ी फॅन फॉलोविंग असते ना एखाद्याची.

सर आपण रागावणार नाही अस गृहीत धरून हा प्रतिसाद देतो आहे.
माझ्या नोटबुक मधून
---a book called Characters written by a Greek named Theophrastus 2,300 years ago
If you know someone who takes photos of his meals and posts them online, you might see him in the person Theophrastus calls the Garrulous Man, who “begins with a eulogy of his wife, relates the dream he had the night before, tells dish by dish what he had for supper,” and concludes that “we are by no means the men we were” in times past

garrulous
adjective
excessively talkative, especially on trivial matters.
"a garrulous cab driver"

पण माझ्या अंदाजाने ऋन्मेष हा आयडी प्रत्यक्षात excessively talkative तर नसावाच, उलट अगदी कमी बोलणारा, shy अशा व्यक्तिमत्त्वाचा आयडी असावा.

ऋन्मेऽऽष ने धागे काढावेत काय ? हो
वाचकांनी भले बुरे बोलावे काय ? हो
ऋन्मेऽऽष चे धागे न वाचण्याचा पर्याय आहे काय? हो.
ऋन्मेऽऽष चे प्रतिसाद न वाचण्याचा पर्याय आहे काय ? नाही
ऋन्मेऽऽष चे धागे मस्त टाईमपास असतात. लगे रहो ऋन्मेऽऽष भाई शिवाय ऋन्मेऽऽष ला वेडवाकडं बोललं तरी तो आपल्याला तसं काही बोलत नाही. (म्हणजे मला तरी अजून काही बोलला नाही). त्यामुळे ऋन्मेऽऽष चे धागे म्हणजे एक पंचींग बॅग आहे असे समजून मजा घ्यावी. मात्र ऋन्मेऽऽष ने सिरियसली काढलेल्या धाग्यांना सिरि यसली घेऊ नये.
इति ऋन्मेऽऽष पुराणं समाप्त !

तुमच्या धाग्यांबद्दल किंवा प्रतिसादांबद्दल चिडचिड मला कधीच समजली नाही. जास्तीत जास्त mild annoyance असू शकतील तुमचे धागे, त्यापलीकडे काही नाही.

काहीतरी जुने लफडे असणार असा अंदाज आहे ज्यामुळे सगळे तुम्हाला धरून धोपटतात.

ऋन्मेषची लिहायची शैली चांगली आहे. +१००

मलाही रुन्मेष चे धागे आवडतात पण प्रतिसाद कधीकधी बोअर होतात त्याचे,बऱ्याचदा अतिशयोक्ती वाटते

सर
चूक झाली. आता पुन्हा नाही करणार हा गुन्हा.

माझी पूर्ण शरणागती! आणि शरण आलेल्याला अभय द्या.

Runmesh,

(मला फोनवर हे नांव अचूक लिहिता येत नाही, क्षमस्व)

मागे एकदा कोठेतरी वेबमास्टर म्हणाले होते की धागे काढले जाण्याबाबत बाऊ करू नका.

त्यांच्या म्हणण्याचा अर्थ असा होता की धागे हवे तेवढे काढू शकता! त्या धाग्यांवर काय व कसे प्रतिसाद येतील हे बघत बसणे हे त्यांचे काम नाही, पण सदस्य धागे काढू शकतात.

तुमचे बहुतांशी धागे हे सदस्यांना या संकेतस्थळावर बोलके करणारे असतात. त्यातील विषय असे असतात ज्यावर जवळपास प्रत्येकाचे काही ना काही मत असू शकते. ती मते अनेक सदस्य व्यक्तही करत राहतात.

आज भाजी कोणती आहे, आज व्हेज आहे की नॉन व्हेज, असे प्रश्न ज्यांना पडत असतील त्यांना एक नक्की माहीत असते की आज इंद्रायणी भात आहेच! तुमचे धागे हे काम करतात.

तुमचे धागे हे काम करतात असे सकृतदर्शनी वाटत असतानाच हळूहळू लक्षात येते की सामूहिक मानसिकता प्रागतिकतेच्या दिशेने ढकलण्याचे कामही तुमचे धागे करतात. याचे कारण, विविध क्षेत्रातील तज्ञ, निव्वळ प्रतिसादशैलीतील सम्राट, काही बिचारे सरळमार्गी असे अनेकजण येऊन तुमच्या धाग्यांवर जे काही लिहितात त्यामुळे वाचक, प्रतिसाददाते व कदाचित काही प्रमाणात तुम्हीही वैचारिकदृष्ट्या आधीहून अधिक समृद्ध होत राहतात. विषय अगदी साधेसेच असतात व बहुतेकांना असेच विषय हवेही असतात, पण त्यावर येणारी मतप्रदर्शने ही अनेकदा मौलिक असू शकतात.

विविध लोकांना बोलके करत एखाद्या विषयाबाबत मुळात एक समाज घटक म्हणून भूमिका काय असावी हे पुढे आणण्यासाठी तुमचे धागे नकळतपणे कार्यरत राहतात

बाकी शाहरुख वगैरे व तत्सम विषय जाऊदेत, होणारी टिंगलटवाळीही जाऊदेत, पण एखादे यंत्र कंटाळवाणे वाटू नये यासाठी होत असणाऱ्या अनेकविध प्रयत्नांमध्ये कदाचित तुमच्याही नकळत तुमचे धागे उपयुक्त ठरत असतात एवढे नोंदवतो

आणि हो, होणारी टिंगलटवाळी तुम्ही ज्या दिलखुलासपणे स्वीकारता व कोणालाही न दुखावता अभिप्राय देता ते स्तुत्य आहे

नाहीतर, दुसऱ्याला जास्तीतजास्त दुखावता कसे येईल यासाठी प्रयत्नरत असणारे अनेक आय डी येथे सुखेनैव गाजत असतातच

तुमचा / चे इतर कुठला / ले आय डी सुद्धा असल्यास मला कल्पना नाही

माझा हा एकमेव आय डी आहे

स्माईल

-'बेफिकीर'!

Bravo ! @ 'बेफिकीर ' !

आत्मपरीक्षण करायचेच असेल तर "आपलाच मुद्दा पुढे रेटत राहण्याचा आणि त्याच्या पुष्ट्यर्थ कुठलेही गैरलागू संदर्भ देत राहण्यावरचा आक्षेप आहे तसाच राहील" ह्यावर कर. (वरती केशवकूल आयडी सोबतच तुझा जो सुख संवाद आहे तो बघितला कि लोकांना तुझे काय खटकत असेल हे समजणे खरतर फारसे अवघड नाही)

बाकी किती धागे काढायचे न काढायचे , कशावर काढायचे हा तुझा प्रश्न आहे फक्त धागा काढण्या आधी समर्थ काय सांगून गेले आहेत ते एकदा आठवलेस तर ... (आता समर्थांनीही असे बोलायला नको होतो हे तू आधीही एकदा बोलून झालेले आहेच तेंव्हा ....)

काय करावं माणसाने आशा वेळी Happy
अशा वेळी माणसाने शांतपणे डोळे मिटायचे हात डोक्यामागे ताणुन "दुनिया गई तेल लेने" म्हणत पुढचा धागा जोमाने टायपाय ला सुरुवात करावी.
उठा ले रे बाबा!!!!!!

धागे काढायचे असतील तर काढू दे. प्रतिसाद दिलेच नाहीत की काम झाले. खरे तर adverse प्रतिसादांमुळे प्रतिसाद संख्या वाढते. अशी शक्यता आहे की हे adverse प्रतिसादवाले आयडी परस्परांचे मित्रच असतील. उगीच गंमत बघत असतील.
हा आयडी कुणालाही शेलकी विशेषणे प्रदान करीत नसताना त्याला tounge in cheek अशी ( मोठमोठ्या संत तत्ववेत्त्यांच्या वचनांआडून) मूर्ख, वाचाळ अशी विशेषणे बहाल केली जातात. मग त्याचे fan following वाढेल नाही तर काय होईल!

नो वन ईज पर्रफेक्ट !
>>> मिनव्हाईल आमिर - होल्ड माय पाणीपुरी...

तरीही तुम्हाला वाटत असेल की जगी कोणी असा पर्रफेक्ट असेल तर मग मी तरी का माझा मुद्दा रेटू नये >> ह्यासाठी तुला कारण लागते का पण ?

आत्मपरीक्षण करण्याच्या बाफावर तुझी उत्तरे वाचून गम्मत वाटतेय. चालू दे तुझे !

स्टॅटिस्टिकली धागे जास्त आलेले नाहीत हे ह्या धाग्यावरुन समजले. तरी जवळ जवळ सगळ्या चर्चांच्या धाग्यात अनेकोनेक वेळा तू 'यावर धागा काढतो' लिहिले आहेस. पूर्वानुभव बघता ते आज ना उद्या खरं होईल याची खात्री अजुनही वाटते. ते तसं लिहिलं नसशील आणि कुठला फिल्टर लाऊन सिद्ध केलेस तर ते ही मान्य करू. पण माझे तरी तसे परसेप्शन आहे.
वरच्या हर्पेनच्या प्रतिसादात त्याने लिहिले आहे ते परत लिहित नाही. पण परसेप्शन बदलण्यास वेळ लागेल. आधी दुधाने ... आणि ...एका दुधाने नाही तर चार-प्रकारच्या दुधांनी एकाच वेळी इतकेवेळा तोंड भाजले आहे की बेनिफिट ऑफ डाऊट द्यायची सुतराम शक्यता नाही. आता ताक आईसकोल्ड दिलेस तरी कोण विश्वास ठेवणार?
पूर्वी अनेकदा तुझ्याशी इरेला पेटून वाद घातला आहे. मग तुझ्यात बदल झालेला दिसल्यावर तुझ्या भजनी-मंडळाचा सदस्य अशी टीका झाली तरी हिरीरीने तुझे समर्थनही केलेले आहे. आज परत अनेक धाग्यांत (अगेन स्टॅटीस्टिकली मी बरोबर असेनच का माहित नाही, परसेप्शनने तरी नक्की तसे आहे) गोफ विणायची चाहुल लागू लागली म्हणून तसे लिहिलेले. इरिटेट झालो तर परत तसंच म्हणेन. त्यावरुन तू धागे काढावेस का न काढावेस तुझा प्रश्न. ही ना माझी जागा आहे ना तुझी. खाजगी जागेचा मालक आणि तू बघुन घ्यालच. इतके वर्षांत इतकी अक्कल आलेली आहे. पण म्हणून धाग्यानी त्रास झाला तर गप्प बसणार नाही. समस्या वाटली तर तसंच लिहीन.
शेवटी, तुझ्या धाग्यांमुळे कोणी मायबोली सोडून गेले म्हटलं तर 'गेले त्यांची झाली माती' असच म्हणेन. कोणी कुणामुळे जात नसतो. त्यांना असंही जायचंच होतं विव्हळायला तू कारण मिळालास. इतकंच. गेलेले कितीही भारी असले तरी आज जे आहेत ते सगळ्यात जास्त महत्त्वाचे इतकं मला तरी समजतं. वेमांनाही तेच वाटत असावे असे मला वाटते. गेलेल्यांच्या आठवणी असल्या, तरी त्या वरच्याच समर्थांनी, 'सांगे वडिलांची किर्ती तो एक मूर्ख' सांगितलेच आहे.
थोडक्यात तू काय करावंस न करावंस यात काहीही समस्या नाही. तुझे फालतू (माझ्यामते) धागे कमी झाले आहेत. पण सतत धागा काढतो वाचलं की कमी झालेले असले तरी जास्त वाटतात. याचा अर्थ तू तसं न लिहावसं का? तर ते मी कोण सांगणारा. जो जे वांछिल तो ते लाहो.

अरे पण पर्सेप्शन का बदलावे म्हणतो मी...

सर तुमची पावले कुठं आहेत??
प्रभुनंतर तुम्हीच थेट

<< स्टॅटिस्टिकली धागे जास्त आलेले नाहीत हे ह्या धाग्यावरुन समजले. >>
दिलेले स्टॅटिस्टिक्स चूक आहे. सदस्यनाव, कालावधी आणि काढलेले धागे अशी तुलना करून बघा. मग कळेल की भारंभार धागे कुणी काढले आहेत.

ऋन्मेऽऽष (८ वर्ष ३ महिने) ५२२ धागे
च्रप्स (९ वर्ष ४ महिने) २० धागे
कुमार१ (१५ वर्ष १ महिना) १६९ धागे
जाई. (११ वर्ष २ महिने) ३८ धागे
स्वाती_आंबोळे (१६ वर्ष १ महिना) ६९ धागे
मनीमोहोर (९ वर्ष) ९८ धागे
हर्पेन (१६ वर्ष ५ महिने) ९३ धागे
प्रकाश घाटपांडे (१४ वर्ष ७ महिने) ४८ धागे
Barcelona (११ वर्ष ३ महिने) ४४ धागे
फारएण्ड (१७ वर्ष ५ महिने) ७९ धागे
....