कथाशंभरी - संध्यारजनी - नानबा

Submitted by नानबा on 4 September, 2022 - 07:01

बर्‍याच दिवसांनी दोघींना मोकळा वेळ मिळाला होता. नाही म्हटले तरी काही वर्षे लोटली होती. पूलाखालुन बरेच पाणी वाहून गेले होते. अचानक एकीचे लक्ष तिकडे गेले. अरे हे काय .....

तिसरी आज इतक्यात?

तशा त्या रोजच भेटतात. मोकळा वेळ वगैरे शब्दांचे बुडबुडे! अंधार पडला की अनादि कालापासून रंगणारा खेळ सुरू!

अरे, चौथी पण आली, पाचवी, सहावी...

कुणी आपल्याकडे पहात असेल, ह्याची त्यांना कल्पनाही नव्हती!
पण अंगणात बाजेवर पडून ह्या अद्भूताकडे अनिमिषपणे बघणारे बालकवी भारावून म्हणाले,
"प्रथम तारके! पहा सखी तव एक पुढे आली,
ही दुसरी, ही तिसरी - आता कितीतरी भवताली!
आली होती भरती, आता अस्त समुद्राला,
त्या लाटांतून काय सांडल्या ह्या मौक्तीकमाला!"

विषय: 
साहित्य
शब्दखुणा: 
मायबोली गणेशोत्सव २०२२
Groups audience: 
मायबोली गणेशोत्सव २०२२
Group content visibility: 
Public - accessible to all site users
शेअर करा

छान

Submitted by मनीमोहोर on 4 September, 2022 - 07:53

छान!

Submitted by मानव पृथ्वीकर on 4 September, 2022 - 08:14

मस्त जमलीय!!

थीमला अडसर ठरणाऱ्या शब्दांना "शब्दांचे बुडबुडे" वगैरे म्हणण्याची आयडिया भारी आहे Wink

Submitted by स्वरुप on 4 September, 2022 - 08:47

थीमला अडसर ठरणाऱ्या शब्दांना "शब्दांचे बुडबुडे" वगैरे म्हणण्याची आयडिया भारी आहे >> हे हे.. Lol

शीर्षकावरून अंदाज आला. >> काही सजेशन्स?

Submitted by नानबा on 4 September, 2022 - 10:16

शाळेत एका मुलाला निबंध लिहायला सांगितला. त्याने एका पुस्तकातून जशाचा तसा उतरवून काढला. मास्तर म्हणाले हे काय?
त्याने उत्तर दिले मला जे काय म्हणायचे होते ते यांनी अगदी उत्कृष्ठ शब्दात मांदले आहे, मी आणखी काय लिहिणार?

Submitted by नन्द्या७५ on 4 September, 2022 - 20:22

Chhan!

Submitted by देवकी on 4 September, 2022 - 20:24

पण फक्त ४५ शब्द स्वतः लिहीले, बाकी बालकवी- स्मार्ट अप्रोच!! >> lol..
नाही नाही, संध्यारजनीच्या 4 ओळी बसवण्याकरता (कारण तो कथेचा बेस होता) म्हटल्यावर बरेच शब्द कमी करावे लागले.. 5-6 ड्राफ्ट फक्त शब्द कमी करण्याकरता झाले..

Submitted by नानबा on 4 September, 2022 - 22:08

एकदा एकाची मोटार सायकल बिघडली. तर तो मेकॅॅनिक कडे घेऊन गेला. मेकॅॅनिकने हलकेच एक स्क्रू पिळला. मोटार सायकल सुरु झाली.
"किती पैसे द्यायचे?"
"द्या पन्नास रुपये." मेकॅॅनिक बोलला.
"पन्नास रुपये? एक साधा स्क्रू तर पिळलात. त्याचे पन्नास रुपये? कमाल आहे!"
"हो. नाही म्हणजे स्क्रू पिळायचे पन्नास पैसे. बाकीचे एकूणपन्नास रुपये पन्नास पैसे कुठला स्क्रू पिळायचा त्याचे."

Submitted by केशवकूल on 4 September, 2022 - 22:34

एकदा एकाची मोटार सायकल बिघडली. तर तो मेकॅॅनिक कडे घेऊन गेला. मेकॅॅनिकने हलकेच एक स्क्रू पिळला. मोटार सायकल सुरु झाली.
"किती पैसे द्यायचे?"
"द्या पन्नास रुपये." मेकॅॅनिक बोलला.
"पन्नास रुपये? एक साधा स्क्रू तर पिळलात. त्याचे पन्नास रुपये? कमाल आहे!"
"हो. नाही म्हणजे स्क्रू पिळायचे पन्नास पैसे. बाकीचे एकूणपन्नास रुपये पन्नास पैसे कुठला स्क्रू पिळायचा त्याचे."
>>> Wow! U made my day!

Submitted by नानबा on 5 September, 2022 - 07:38

तरल !

Submitted by बिपिनसांगळे on 11 September, 2022 - 12:10

कल्पना आवडली. मुख्य म्हणजे काहितरी अत्यंत क्रिप्टीक, प्रचंड थरार, अंगावर येणारा ट्विस्ट, काळजाला चटके असं नसलेली शशक (किंवा पंशक ;)) पाहून छान वाटलं.. Proud

Submitted by पराग on 12 September, 2022 - 10:20