मैत्री उपक्रम माहिती आणि आवाहन - २०२१

Submitted by हर्पेन on 14 January, 2021 - 07:31

ह्या धाग्याद्वारे मैत्रीच्या ह्या वर्षातील (२०२१) उपक्रमांविषयक माहिती आणि आवाहन एकाच ठिकाणी संकलित करण्याचा मानस आहे.

'मैत्री' ही पुण्यातील स्वयंसेवी संस्था मेळघाटातील अगदी दूरच्या गावांमधे आरोग्य , शिक्षण व शेती याकरता काम करते. स्वयंसेवेच्या माध्यमातून गेली अनेक वर्षे सरकारी मदत न घेता 'मैत्री'चे काम सुरू आहे. प्रत्येक माणसाला समाजासाठी काहीतरी करण्याची इच्छा आणि उर्मी असते यावर 'मैत्री'चा दृढ विश्वास आहे आणि म्हणूनच त्यासाठी लोकांना प्रोत्साहित करणे आणि संधी उपलब्ध करून देणे 'मैत्री' आनंदाने करते. शक्यतो मैत्रीच्या उपक्रमांमधे लोकांनी प्रत्यक्ष सहभाग घ्यावा ह्यावर 'मैत्री'चा भर आणि कटाक्ष असतो.

'मैत्री'चे काम मुख्यत्वेकरून अमरावती जिल्ह्यातील मेळघाट भागात चालते. तुम्हाला मेळघाटात जाणे शक्य नसेल तर तिथल्या उपक्रमांची आखणी करणे, पुर्वतयारी करणे ई. कामांकरता पुण्यातून मदत करू शकता.
उदा. शैक्षणिक साधने बनवणे, तान्ह्या बाळांसाठी कपडे तयार वा गोळा करणे, ते पिशव्यांमध्ये भरणे, औषधे जमा करणे, धान्य/ शिधा गोळा करणे व पाठवण्याची व्यवस्था करणे इ.

गेल्या अनेक वर्षापासून 'मैत्री' आपत्कालीन व्यवस्थापन संदर्भाने देखिल सातत्यपुर्ण कामगिरी करते आहे. त्याकरता त्या त्या वेळी प्रत्यक्ष
गरजेच्या ठिकाणी जाण्याबरोबरच तिथे न जाता करण्याजोगी अनेक कामे असतात त्यातही आपण सहभागी होऊ शकता.

'रद्दीतून सद्दी' ह्या उपक्रमा अंतर्गत तुमच्या सोसायटीमध्ये 'रद्दी संकलन' सुरु करून त्याच्या विक्रीतून आलेले पैसे मैत्रीला मदत म्हणून देऊ शकता. सोसायटीत मोठ्या प्रमाणावर जमणार नसेल तर स्वतःच्या आणि आपापल्या नातेवाएक मित्रमंडळी ह्यांच्या घरातली रद्दी विकून आलेले पैसे मैत्रीला मदत म्हणून देऊ शकता.

विविध कंपन्यामध्ये CSR ला पाठविण्यासाठी मेळघाट विषयीचे प्रस्ताव लिहिणे व त्याचा पाठपुरावा करणे या कामी आम्हाला मदत करू शकता. पुण्यातील ऑफिसमध्ये कार्यालयीन कामात काही वेळेला मदत लागते तेव्हा तुम्ही येऊ शकता.

'मैत्री' बाबत इतर लोकांना सांगून स्वयंसेवक व देणगी मिळवून देण्यासाठी आम्हाला मदत करू शकता.

अशा खूप काही कल्पना आणि मार्ग आमच्यापाशी आहेत आणि आम्हाला खात्री आहे की तुमच्याकडे यापेक्षा कितीतरी अधिक कल्पना असतील. चला तर मग, आपण एकत्र मिळून चांगले काहीतरी घडवूया.

Maitri is registered under the Bombay Public Trusts Act, 1950 on 31st July 1999 (E-2898 / Pune). PAN Number: AAATZ0344C, FCRA Registration Number: 083930473.

Office Address
Flat No. 9, Mahadev Smruti,
Near Bal Shikshan Mandir,
Mayur Colony,
Kothrud, Pune 411038

Telephone Numbers
Office: 9309930010

Website : http://www.maitripune.net
E-mail: maitri1997@gmail.com

मैत्रीच्या मेळघाट व इतर कामांसाठी तुम्ही यथाशक्ती आर्थिक मदत करू शकता.
ONLINE DOMESTIC DONATION
Maitri Account Details (avail this facility at no cost)
Bank : H D F C Bank
Branch : Kothrud, Pune
Savings Account Number : 01491450000152
Account Name : Maitri
MICR : 411240009
Details for RTGS / NEFT / IFS Code : HDFC0000149

ONLINE FOREIGN DONATION
Maitri Account Details (avail this facility at no cost)
Bank : H D F C Bank Limited
Branch : Kothrud, Pune, Maharashtra, India.
Savings Account Number : 01491170000017
Account Name : Maitri
MICR Code : 411240009
Swift Code : HDFCINBB

गेली अनेक वर्षे सुरु असलेली “मैत्री” ची मंगळवारची बैठक करोनाच्या काळात खंडीत झाली. सध्या ही बैठक प्रत्येक मंगळवारी नेहेमीप्रमाणे साडे सहा वाजता पण ऑनलाईन पद्धतीने सुरु आहे. ही बैठक ४० मिनिटांची असते. या बैठकीत उपस्थितीत राहणार्‍यांनी मैत्रीला 9309930010 वर तसे कळवावे.

विषय: 
समाज
सेवाभावी संस्था
शब्दखुणा: 
'मैत्री'
मेळघाट
समाजसेवी संस्था
Groups audience: 
ध्यासपंथी पाऊले
Group content visibility: 
Public - accessible to all site users
शेअर करा

>>>>>राज्यात येत्या ४ ऑक्टोबरपासून शाळा सुरू करण्याची घोषणा
उत्तम बातमी

Submitted by सामो on 25 September, 2021 - 08:59

मैत्री उपक्रमात सहभाग आणि जमेल तेवढी मदत हे गेले कित्येक वर्षे बकेट लिस्टमध्ये होतं. या मंगळवारी 'मैत्री'त सहभागी होऊन, लिस्टमधला आयटेम टिक करणार आहे.
खुप उत्साह आहे, भरभरून इच्छा आहे आणि आता सध्या वेळ आहे, त्यामुळे शक्य तेवढी मदत करायचा प्रयत्न असेल.

Submitted by मीरा.. on 25 September, 2021 - 13:57

मेळघाटमधील कोरोनाबाधीत रुग्णांची संख्या वाढताना दिसतेवेळी “मैत्री” काम करत असलेल्या गावांत करोना प्रतिबंधात्मक (preventive) व लोकशिक्षणाचं काम “मैत्री”ने सुरु केले. याच संदर्भात काम करत असलेल्या स्वयंसेवक आणि कार्यकर्त्यांशी झूमद्वारे नियमित संवाद साधला जात होता. तसेच “मैत्री” च्या डॉक्टर स्वयंसेवकांकडून कोरोनाविषयीची सविस्तर माहिती आणि गावांतून काम करत असताना स्वत:ची काळजी घेण्यासाठी काय करायला हवे याविषयीचे प्रशिक्षण घेण्यात आले. यात रुग्णाचा ताप आणि ऑक्सिजन लेव्हल कशी चेक करावी याचाही सामावेश होता. गावांतून काम करताना या प्रशिक्षणाचा निश्चितच उपयोग झाला.

लसीकरणासाठी लोकांना तयार करण करणे हे एक मोठेच काम होते.

• जून महिन्यात गावा गावांमध्ये जाऊन लोकांना प्रत्यक्ष भेटी, गाव बैठका, मुलांना व्हिडीओ दाखवले, सरपंच व गावांमधील प्रमुख लोकांना भेटून लसीकरणाचे महत्व समजावून सांगितले.
• यासाठीचे माहिती पत्रकं - पोस्टर्स आमच्या मित्रांनी सोप्या भाषेत करुन दिली.
• काही लोक जसे तयार झाले तसे लगेच लसीकरण सुरु केले. यामुळे चिलाटी, सिमोरी १००% तर डोमी, हतरु, भुत्रुम, सरवारखेडा या गावांमध्ये ७०% लसीकरण पुर्ण करुन घेतले.
• काही गावात लोकांनी हाकलूनही लावले. परंतु “मैत्री” चे कार्यकर्ते मागे न हटता या गावांमध्ये परत परत गेले. त्यामुळे लोकांना विश्वास देऊ शकले. लोकांच्या मनातील करोनाविषयीची भीती काढून टाकण्यात यश आले. आजच्या घडीला सर्व गावांमधील लोक लस घ्यायला तयार आहेत.
• लसीचा तुटवडा असल्याने या कामाचा वेग कमी झाला. तरीही रोज कमीत कमी १०० लोकांचे लसीकरण होत आहे.
• आपल्या भागातील सर्व गावांमध्ये लसीकरण व्यवस्थित सुरु आहे. डोमी, चिलाटी, सिमोरी, भुत्रुम या गावामध्ये तर दोन्ही डोस पुर्ण झाले आहेत.
• प्रथम १००% लसीकरण पूर्ण झालेल्या चिलाटी गावाला २ ऑक्टोबरला बक्षीस देणार आहोत. त्यासाठी एक छोटा ऑनलाईन कार्यक्रम घेणार आहोत.

M1.jpgm2.jpg

Submitted by हर्पेन on 28 September, 2021 - 05:08

WhatsApp Image 2021-11-22 at 12.59.07 PM.jpeg“मैत्री” च्या ‘मेळघाट आरोग्य’ या प्रकल्पांतर्गत आपल्या कार्यक्षेत्रातील गावांमध्ये दि. १९ नोव्हेंबर, शुक्रवारपासून हिमोग्लोबिन तपासणी शिबीरास सुरुवात झाली. शनिवार, रविवार या दोन दिवसात जवळ जवळ २०० महिला / मुलींची तपासणी झाली आहे. ३० नोव्हेंबर पर्यंत एकूण जवळ पास ११०० महिला / मुलींची तपासणी करून लोहाच्या गोळ्या आपण देणार आहोत. आपण वय वर्ष १४ ते ३० या वायोगटातील महिला व मुलींची तपासणी करत आहोत. १० पेक्षा कमी हिमोग्लोबिन असणाऱ्या महिलांना आणि मुलींना आपण लोहाच्या गोळ्या पुढील तीन महिने देणार आहोत. सुरुवातीला एका महिन्याच्या गोळ्या देत आहोत. - मैत्री मेळघाट
१.
WhatsApp Image 2021-11-22 at 11.54.06 AM.jpeg
२.

WhatsApp Image 2021-11-22 at 11.54.05 AM.jpeg

Submitted by हर्पेन on 22 November, 2021 - 04:21

धन्यवाद झेलम आणि हीरा.

बालकांमधील कुपोषणाचं एक महत्वाचं कारण, ॲनिमीया आहे, तो आईच्या पोटात बाळ असल्यापासूनच शोधून बरा करता येण्यासारखा आजार आहे. मुलींना आणि गरोदर स्त्रियांना वेळेवर उपचार मिळाले तर, त्यांना होणारे बाळ सशक्त जन्मेल, पर्यायाने कुपोषण टाळता येईल.
मेळघाटातील मुली आणि महिलांचं हिमोग्लोबिन तपासून, त्यांना आवश्यक ते उपचार करण्याचा मैत्रीचा आरोग्य कार्यक्रम आहे. प्रत्येक ॲनिमीक महिलेचा उपचार खर्च साधारण ₹५००/- आहे. आपल्या गावांमध्ये जवळजवळ १००० महिलांची संख्या अपेक्षित आहे.

“मैत्री” या कामासाठी निधी संकलन करत आहे. आपल्या मदतीचा विनियोग मुली आणि माता, तसंच नवजात बालकांसाठी होणार आहे. मदतीसाठी जरुर संपर्क साधावा असं आवाहन.
9309930010, maitri1997@gmail.com
www.maitripune.in

Submitted by हर्पेन on 23 November, 2021 - 00:56

मेळघाटात “मैत्री” काम करत असलेल्या गावात तान्ह्या मुलांसाठी कपड्यांची गरज असते. बरेच लोक हे कपडे आम्हाला नियमितपणे आणून देत असतात. आपल्या घरातल्या बाळाला वापरू असे स्वच्छ धुतलेले कपडे फक्त लहान बाळांसाठी आम्ही घेतो. स्वत: शिवून देणाऱ्या अनेक मैत्रीणी आहेत तसंच मुद्दाम बाळंतविडे शिवून घेऊन आम्हाला देणगी म्हणून देणारे अनेक जण मैत्रीसोबत जोडले गेले आहेत.
सध्या तान्ह्या बाळांसाठी उबदार गरम कपडे, लोकरीचे कपडे आणि बाळंतविडे हवे आहेत. त्यासाठी संपर्क साधावा अशी विनंती आहे. त्यासाठी “मैत्री” कार्यालयाशी -सोमवार ते शुक्रवार ११ ते ३ या वेळेत आपण संपर्क करावा. +91 93099 30010 , maitri1997@gmail.com

Submitted by हर्पेन on 27 November, 2021 - 08:15

नियमात काही बदल झाले आहेत बहुदा. यापूर्वी जे डिटेल्स वापरून अमेरिकेतून देणगी दिली होती तेच डिटेल्स वापरूनही वायर ट्रान्स्फर परत आली.

Submitted by vijaykulkarni on 6 December, 2021 - 21:07

चांगले तान्हे बाळ कपडे थेट फर्स्टक्राय/अमेझॉन वरून घेऊन थेट मैत्री कार्यालयात(नाव/इतर डिटेल देऊन) शिप केले तर चालतील का?
तसेच साधारण किती कपड्यांची/कोणाकोणत्या इज ग्रुप साठीची गरज सध्या आहे?

Submitted by mi_anu on 8 December, 2021 - 02:22

vijaykulkarni - मैत्रीच्या वेबसाईटवर एक स्वतंत्र बटण आहे परदेशातून मदत पाठवायची असल्यास. खालील लिंक वर क्लिक केले असता दिसू शकेल.
http://maitripune.net/#appeal

धन्यवाद कुमार१

चांगले तान्हे बाळ कपडे थेट फर्स्टक्राय/अमेझॉन वरून घेऊन थेट मैत्री कार्यालयात(नाव/इतर डिटेल देऊन) शिप केले तर चालतील का? >>>
चालतील की.
चालणार नाहीत असे का वाटतेय? म्हणजे त्याप्रमाणे मी मैत्रीच्या कार्यालयात तसा प्रश्न उपस्थित करतो.

तसेच साधारण किती कपड्यांची/कोणाकोणत्या इज ग्रुप साठीची गरज सध्या आहे?

साधारणपणे तीन वर्षाखालील मुलां करता म्हणूनच आपण कपडे देत असतो. त्याच्या पेक्षा मोठ्या वयाच्या मुलांना नाही. कपडे कुठलेही चालतील. झबली, टोपडी, दुपटी, स्वेटर वगैरे.

Submitted by हर्पेन on 8 December, 2021 - 03:01

ओके, चालतील का म्हणजे 'कपडे स्वतःच्या घरी विकत घेऊन कार्यालयात स्वतः द्यायला जावे लागेल का' या सुरात विचारले होते. पूर्ण कार्यालय पत्ता इथे दिल्यास पाठवते किंवा पूर्ण पत्ता फेसबुकवर शोधते.

Submitted by mi_anu on 8 December, 2021 - 03:04

अनु, हात्तीच्या झालं Proud

पत्ता वरती धाग्यात दिलाय तोच आहे.
इंग्रजीतला मराठीत करायचा होता त्याआधीच संपादनाची मुदत संपून गेली.

मैत्री कार्यालय
फ्लॅट नंबर ९, महादेव स्मृती,
बाल शिक्षण मंदीरा जवळ, मयुर कॉलनी,
पुणे ३८

Submitted by हर्पेन on 8 December, 2021 - 04:31

याला काही अमुक तारखेच्या आतच पाठवायचे, तरच मेळघाट ला जातील वगैरे असे आहे का?
सर्व डिलिव्हरी १५ डिसेंबर-१६ डिसेंबर पर्यंत दाखवत आहे मैत्री कार्यालय पिन कोड साठी. चालेल ना?

Submitted by mi_anu on 8 December, 2021 - 05:57

हो चालेल.

ह्या वर्षीचा आनंद मेळावा जो एरवी दिवाळीच्या सुट्टीत असतो तो नाताळात होणार आहे. त्यांच्या सोबत जाऊ शकेल हे ही सामान.

Submitted by हर्पेन on 8 December, 2021 - 06:27

अनु कपडे मिळाले. धन्यवाद.
मैत्रीच्या कार्यालयीन नोंदींकरता तुमचे नाव आणि पत्ता कळवणार का?

फोन किंवा ई-मेल कोणत्याही प्रकारे चालेल.
Office: 9309930010
E-mail: maitri1997@gmail.com

Submitted by हर्पेन on 14 December, 2021 - 07:26

Pages