मायबोलीकरांचे आभार - कथाकारीला पुरस्कार

Submitted by बेफ़िकीर on 22 November, 2021 - 09:50
kathakari

नमस्कार मायबोलीकर,

माझ्या कथाकारी या कथासंग्रहाला महाराष्ट्र साहित्य परिषदेचा पुरस्कार मिळाला आहे.

या सर्व कथा प्रथम मायबोलीवरच लिहिल्या गेल्या. त्यातील निवडक कथांचा संग्रह प्रकाशित करण्यात आला.

या सर्व कथांवर आलेले अभिप्राय हे मला आधीहून अधिक बरे लिहिण्याचा प्रयत्न करण्यास प्रोत्साहीत करत होते. एका अर्थाने, येथील वाचकवर्गाने केलेला लोभ आणि येथील प्रशासनाने दाखवलेले औदार्य हेच या पुरस्कारास कारणीभूत आहेत.

गझल लेखनाने मला अनेक पुरस्कार दिले, पण गद्य लेखनाला मिळालेला हा पुरस्कार मला एक वेगळाच आनंद देऊन गेला.

येथील प्रशासक, वाचक, प्रोत्साहक, सकारात्मक टीकाकार यांचे मी मनापासून आभार मानत आहे.

येथे मिळालेला स्नेह मला या वळणावर घेऊन आला आहे याची नम्र जाणीव मनात ठेवून थांबतो.

-'बेफिकीर'!

विषय: 
लेखन
शब्दखुणा: 
कथाकारी पुरस्कार
Groups audience: 
आपली मायबोली
Group content visibility: 
Public - accessible to all site users
शेअर करा

खूप खूप अभिनंदन बेफी.
तुमच्या कथा कादंबरी मुळेच मी माबो जॉईन केली होती. आता इथे राहिलेल्या अपूर्ण कथाही पूर्ण करा किंवा नवीन लिहा ही विनंती.

Submitted by निल्सन on 22 November, 2021 - 09:56

अभिनंदन Happy
पुस्तकात कोणत्या कोणत्या कथा आहेत? माबोवर पूर्वप्रकाशीत आहेत का नवीनच आहेत?

Submitted by रीया on 22 November, 2021 - 11:09

अभिनंदन बेफी, मी मोजकेच वाचतो. पण त्यात माबोवर आपल्याच कथा सर्वाधिक वाचल्या आहेत.

बाई दवे,
आता त्या कथा आम्ही माबोवर शोधून फुकट वाचायच्या की पुस्तक विकत घ्यायचे Happy

Submitted by ऋन्मेऽऽष on 22 November, 2021 - 11:15

खूप अभिनंदन बेफिकीर ! आनंद झाला.
तुम्ही चांगलंच लिहिता.
दहा वर्षांपूर्वी तुमची "२०३ डिस्को, बुधवार पेठ, पुणे २"
या लेखमालिकेबद्दल मला एकाने सांगितले होते.
ती वाचण्यासाठी पहिल्यांदा इकडे मायबोली वर आलो होतो. Happy
तेव्हाच अंदाज आला होता की हे पाणी खोल आहे..!

बाकी तुमच्याकडून असंच सणसणीत लिहिणं होत राहो, या शुभेच्छा आहेतच.
पण 'मराठी'ला आणखी दहावीस बेफिकीर लाभो, जेणेकरून मराठी साहित्याचं/वाचकांचंही काही भलं होईल, अशीही आशा यानिमित्ताने व्यक्त करतोय. Happy

पुनश्च अभिनंदन _/\_

Submitted by पाचपाटील on 22 November, 2021 - 11:59

अभिनंदन बेफिकीर! Well deserved!

तुमच्या कथा प्रचंड वाचनीय आणि खिळवून ठेवणार्‍या आहेत. अजूनही लिहीत राहा. आवडेलच वाचायला.

Submitted by फारएण्ड on 22 November, 2021 - 12:17

अभिनंदन बेफी.
बरं वाटलं वाचून. मस्तच.
असेच लिहीत रहा छान छान कथा.

Submitted by 'सिद्धि' on 22 November, 2021 - 12:32

Pages