शशक पूर्ण करा - गर्दी - प्राचीन

शशक - गर्दी
काहीच सुचत नाहीय. सगळीकडे फक्त अंधारच अंधार. कानावर फक्त पाण्याचा आवाज पडतोय. मनाला एक अनामिक हुरहूर लागून राहिलीय. तेवढ्यात दरवाजा उघडला जातो >>>
' अंगावर जखमांचे लेणे असल्याने आम्ही प्रयत्नपूर्वक डोळे उघडतो..
गिलच्यांनी  केलेलं कोंडाळं बाजूला सारून कुणीतरी आलंय..
अगम्य भाषेत बोलणं सुरू आहे.. अर्थबोध व्हावा, इतक्याशा  उत्सुकतेनेदेखील मेंदू शिणतोय...
परंतु त्यायोगे असंबद्ध काहीतरी आठवतंय, 'कुंजपुरा, बुंदेले, दिल्लीविजय, गोलाची रचना,
चेहरेही  तरळताहेत  .. नाना, मल्हारराव, बापू,, बचेंगे तो और भी लडेंगें,' म्हणणारा दत्ताजी, आणि.. आणि..   जेमतेम मिसरूड  फुटलेला माझा लाडका.. अरेरे..
अश्रुपूर्ण नेत्रांनी उभी असलेली ही कोण?... पार्वती....
..  परत येण्याचं वचन निभावता येईल का आम्हांला ..

'भाऊ गिलच्यांच्या गर्दीत दिसेनासे झाले' वृत्त पुण्यात पोहोचले.