झी-मराठी : येऊ कशी तशी मी नांदायला

अरे पण तो बाजूच्या डब्यात होता ना .
मग ट्रेन रिकामी झाल्यावर जायचं आणि गदागदा हलवायचं ना तिला.
यार्डात जाईपर्यंत कशाला थांबायच ???
हा प्रश्न माझ्या मुलीला पडला होता पण एवढ्यात नको तू विचार करू अभ्यास कर म्हणून तिला मी गप्प केले .

ओमसारखा श्रीमंत बिजनसमन ज्या रेस्टा मधे जातो तिथेच ही अतिगरीब मुलगी भेट ठरवते.
ट्रेनच्या जेन्ट्स डब्या तुन उतरून बाजुच्याच लेडीज डब्यातल्या स्वीटुला उठवायला न जाण्याचं काय कारण असेल?
अश्शया शिव्या द्याव्या वाटतात ना.....

ओम तिला कॉल पण करू शकला असता. कानातच वाजला असता तिच्या. >>>>> अरेच्च्चा , हो की

काय घिसीपाटी कल्पना
स्वीटू लाल रंग लागलेल्या तळव्याने चालत जाते आणि शकू कवतिकाने त्या ठशांकडे बघते.

आजचा भाग ऐकला. ओम्या कॉल करतो तिला पण ती झोपेची गोळी घेतल्यासारखी झोपलेली असते. ओम्यानेच टाकून दिलं की काय काहीतरी कॉफ़ी मध्ये. हॉटेलवाले कशी परवानगी देतात कॉफी बनवायला. बाईसाहेब उठल्यावर म्हणतात चल गाणी ऐकूया, घरी फोन करायचा वगैरे काही नाही. मग ती इअरफोनची कौतुकं. चिनूला ती कशी सापडते आणि ती सापडल्यावर ओम कुठे गायब होतो. मी ऐकत असल्यामुळे मला कळलं नाही.

चिनूला ती कशी सापडते आणि ती सापडल्यावर ओम कुठे गायब होतो. मी ऐकत असल्यामुळे मला कळलं नाही.>> आम्हाला बघुनही कळालं नाही तर तुम्हाला ऐकुन कळेल अशी अपेक्षाही नाही

तर.. स्टेशनच्या बाहेर स्विटू भयाकल्या सारखी चालत असते तेव्हा नेमकं माठ काका अन महामाठ चिन्या तिला शोधत तिथेच पोचलेले असतात. मग भर रस्त्यात त्यांची गळाभेट वगैरे होते अन तिला घेऊन ते घरी येतात. साळव्यांच्या घरात नुसती रडारड चालू असते.. स्विटूला बघून नलू पळत बाहेर येते अन स्विटूला मिठी मारते. नलू, माठ काकी अन स्विटूची रडारड चालू असते तेव्हाच बाबा साळवी फाटलेल्या सिक्युरिटी फोर्सच्या वेषात घरात अवतरतात. मग काय होत असेल अशी तुम्हाला आशा आहे...? अहो दळभद्री साळव्यांच्या घरात तेच होणार जे तुम्हाला अपेक्षीत आहे . सगळे साळवी एकमेकांची स्थिती पाहून धायमोकलून रडु लागतात. सगळ्या साळव्यांच्या डोळ्यांतुन वाहिलेले पाणी जमा केले असते तर ते जवळ जवळ १ ड्रम तरी नक्कीच भरले असते.

दादा साळव्यांचा सिक्युरिटी फोर्सचा वेष कसा फाटला ते सांगतो - साळवी दादांना ताप आलेला असतानाही ते नोकरीवर जातात अन तिथे त्यांना झोप येते. मग मोहीत येतो अन त्यांना झोपेतून उठवून झाड झाड झाडतो. ते आजारी आहेत असं कळल्यावर तो त्यांना झोपेची गोळी देऊन पुन्हा झोपवतो अन कंपनीचा माल गपापा होतो. मग आयत्या चालून आलेल्या संधीचा फायदा उठवावा म्हणुन दादा साळव्यांना हे असे धू-धू धुतलेले असते.. वर ही गोष्ट तायडीला कळते तेव्हा तर ती साळव्यांना सळो की पळो करण्याचे प्लॅनच बनवू लागते..! )

बघितला भाग मी दुपारी दोनला (घरून काम करण्याचा फायदा). स्वीटू लहान मुलींसारखी का वागते. स्टेशनबाहेर की कुठेतरी अशी बावचळल्यासारखी का उभी असते. अंबरनाथ मध्येच असते ना ती मग अचानक अमेरिकेत पोचल्यासारखी काय घाबरते. साळव्यांचं रडणं संपतच नाही.

अण्णा नाईकांचा ट्रेनचा टीझर पाहिल्यावर असं वाटतंय की स्वीटुला भुताटकी झाली असावी.
जवळच मुलाला भेटायला गेलेली पण परत ट्रेनने येते.
चेप पडल्यासारखी झोपते. गाडी कारशेडमधे गेली तरी उठत नाही.
मग अण्णा ओमचं रुप घेऊन आला. आणी मग गायब झाला.

लुटुलुटु मान हलवून हा शब्दप्रयोग खुप आवडला आहे.

सस्मित

कालच्या भागात मेलोड्रामा ठासून भरला होता. साळव्यांचं रडणं भेकणं संपून दादा साळवी सगळा दोष स्वतःच्या उरावर घेत समस्त साळवी कुटूंबाची मान शरमेने खाली जाण्यास कारणीभूत आहे असं सांगतात (साळवी कुटुंबाची मान शरमेने खालीच असते की नेहमी.. यांनी कधी उठलेली बघुतली काय महित..!) अन ते ऐकुन सर्वांना पुन्हा एकदा दु:खाचा कड येतो. मग दादा साळवीच कसे चांगले बाबा, चांगला नवरा, चांगला भाऊ, चांगला दीर आहेत हे एकेकजण पोटतिडकीने सांगु लागतो (महामाठ चिन्या मात्र चुलत्याबद्दल एकही शब्द बोलत नाही हे खटकलं..!) अन सगळ्यांचा राऊंड झाल्यावर स्विटु अपल्या बाबांना सॅल्युट ठोकते.. तिचं बघुन मग उरलेले साळवी पण दादा साळवींना कडक सॅल्युट ठोकतात अन दादा साळवींची मान ताठ होते अन मग आपली त्या नकोशा प्रसंगातून सुटका होते.

इकडे खानवीलकरांच्या घरात शकू अन रॉकी दोघे मिळून मोमोचं भजं करतात. सासू-सुनेचं नातं कसं असावं हे मोमोला पटवून देतात. सुनेने घरात स्वयपाक, स्वच्छता, इस्त्री वगैरे कामे केली पाहिजेत असं सांगून तिच्याकडून किचन मधे हिरवी चटणी वाटून घेतली जाते जी मिक्सरचं टोपण उडाल्यामुळे तिच्या चेहर्‍यावर लागते. मग ओटा पुसणं अन इस्त्री वगैरे केल्यामुळे तिचं टारलं फिसकटतं अन ती रडत तायडीकडे येते. तायडी मोमोला समजाऊन खुर्चीत बसवते अन मोहितला 'चोवीस तास उपलब्ध असणारा व्हि.आय.पी. सर्व्हंट' असं संबोधत त्याला मोमोचे केस विंचरायला सांगते. त्या अपमानाने मोहीत आतल्या आत चरफडतो अन योग्य वेळेस या अपमानाचा बदला घेईन असं मनातल्या मनात ठरवत मोमोचे केस विंचरू लागतो.

प्रीकॅप मधे मोमो साठी फुलटाईम अटेंडंट म्हणुन स्विटू हवी असते अन त्यासाठी ती स्वतःहुन साळव्यांच्या घरी येते अन स्विटूला खानविलकर व्हिलात यायला सांगते. स्विटू नलूला समजावत असते की चालून आलेली नोकरी कशी काय धुडकावून लावावी बरे. त्यांच्याकडे ही नोकरी स्विकारण्याशिवाय आता दुसरा कोण्ताही पर्याय नाही हे नलूला पटलेलं दिसलं.

सो कॉल्ड मॉडर्न मुलीं ची जिरवायची असली की त्यांना किचनमध्ये जुंपायचं हा झी मराठीचा फंडा दिसतोय. आधी राधिकाने शनायाला
सुगृहिणीपदाचे धडे देऊन जेरीस आणलं . आता शकु पण तेच करतेय. पुढेमागे मोमोला कोथिंबीर वड्या करायला सांगतील बहुतेक

ती नलू कायम पोक काढून तुरूतुरू चालत असते.

साळव्यांसारखीच मालिका पण दळिद्री आहे !

सुगृहिणीपदाचे धडे देऊन जेरीस आणलं . आता शकु पण तेच करतेय. पुढेमागे मोमोला कोथिंबीर वड्या करायला सांगतील बहुतेक >> अगदी.. अगदी..

पण मोमोला घरातील कामे सांगण्या आधी शकूने आपण तायडीला नाहीतर ओमला एक तरी काम करायला सांगितलं आहे का हे आठवुन बघणं गरजेचं आहे

आजच्या भागात तर नुसती मज्जा.. सगळं कसं पुन्हा रुळावर आलं

भागाची सुरुवात महामाठ काका त्याच्या चहाच्या कमाईचे पैसे नलुच्या हाती सोपवताना होते. कसले? का? कशाला? हे प्रश्न विचारून झाल्यावर ते पैसे सुमन काकीच्या हाती द्या असं ती सांगते. त्यावर नलूमुळे अन दादामुळे तो आणि त्याचा परिवार टिकला असं ऐकवून आता हे पैसे नलूने घरात वापरावेत असं सांगतो. परंतु नलू काकाला समजावते की आजवर तुमच्या हाताला यश येत नव्हते ते आले.. या पैशांतुन सुमनसाठी काहीतरी घ्या अन लगोलग सुमनला बोलावून ते पैसे तिच्या हाती सोपवते. सुमनला ते पैसे नवर्‍याच्या कमाईचे आहेत हे समजल्यावर तीही ते पैसे नलूच्याच हाती सोपवून तिला मिठी मारते. साळवी दळभद्री असले तरी त्यांच्या कुटुंबाचा समंजसपणा चांगला वाटतो.

तेवढ्यात अक्षरशः हिडिंबा झालेली मोमो रॉकीसोबत साळव्यांच्या घरात पोचते अन स्विटूला पुन्हा तिची अटेंडंट व्हायची गळ घालते. मग नलूच्या सगळ्या ''का? कशाला? कधी? केंव्हा?" च्या प्रश्नांना अन हातात शकुने दिलेले सोन्याचे कडे बघुन परत पुन्हा तेच प्रश्न विचारून स्विटूला ती भंडावून सोडते. शेवटी कशीबशी नलूला समजावत स्विटू खानविलकर व्हिलात जाते.

तिथं पोचल्यावर काय आनंद होतो शकूला.. अरे बाप रे...! मैत्रीणीच्या मुलीच्या स्वागतासाठी पार खानविलकर व्हिलात "स्विटू आली.. स्विटु आली.." गजर करत पुन्हा दारात येत भाकरीचा तुकडा ओवाळायचा सोपस्कर शकू पार पाडते. तेवढ्यात तायडी तिथं पोचते अन स्विटूचा सर्वांदेखत पाणौतारा करते. ओम तायडीला थांबवायला जातो पण तायडी कसली बधते. शेवटी घरात येताना तिचा धक्का लाल रंग घेऊन चाललेल्या नोकराला लागतो (नोकर असा भडक लाल रंग नेमका कुठे नेत असतो ते काही कळालं नाही.. खानवीलकर व्हिला तर फिकट शेड्स मधे न्हालेला आहे..!) अन सगळा लाल रंग दारात उभा असलेल्या स्विटूच्या पायावर पडतो. मग स्विटू तशीच पुढे घरात जाऊ लागते अन तिच्या पायाचे ठसे उमटत जातात... शकू त्या ठशांकडे अपूर्वाईने बघू लागते... (असे भरीव ठसे मी पहिल्यांदाच पाहिले..!!)

मग खानविलकर व्हिलात मोमो, रॉकी, डॅडी, तायडी यांना सर्वांना स्विटूच्या हजरजबाबी अन कामसू वृत्तीमुळे जे हवं ते पटकन मिळातं अन त्यामुळे तायडी उलट मोहितवरच जाळ काढते.. ओम्याच्या अंगात घातलेल्या फिक्कट गुलाबी शर्टाच्या तुटलेल्या बटनाला देखील स्विटू उभ्या उभ्याच शिवूनही देते अन तो प्रसंग नेमका मोहीत बघतो.

शर्टाचा प्रसंग बघितला मी. दोऱ्याचं बंडल अगदी फिकट गुलाबी रंगाचच निघतं. जादूचं असेल ते. ज्या रंगाचा शर्ट, त्याच रंगाच बंडल बाहेर निघणार. साळवी म्हणतात मी लाज आणली तेव्हा मलाही हेच वाटलं की लाज आधी होतीच कुठे यांच्याकडे. लाज आणि स्वाभिमान हे शब्द माहीतच नाहीत त्यांना. स्वीटू अशी नोकराची कामं करायला का जाते तिथे, त्यापेक्षा पुरणपोळ्या करून तरी विकायच्या. पायाला रंग लागल्यावर त्याच पायाने कोण आत जाईल, आतली फरशी कोण पुसणार. मोमो गोड आहे.

काकाची पहिली कमाई आहे हे आज कळले. इतके वर्ष नक्की काय करत होते ?
काहीही कसं काय दाखवतात हे लोक ? आणि काका ने दूध चहा पत्ती साखर कुठल्या पैशातून आणली म्हणे ?

काका ने दूध चहा पत्ती साखर कुठल्या पैशातून आणली म्हणे ?>> ये राझ राझ ही रहेगा तो ही बेहत्तर

भिकार , भम्पक आणि कैच्याकै शिरेल आहे ही. ती स्विटी तर गळेपडू , लबाड आणि महाबनेल आहे. चांगल सावज सापडल आहे , कधी एकदा लग्न होऊन श्रीमंत बनेल अस झालंय तिला.

कैच्याकै शिरेल आहे ही, मला शुभांगी गोखलेंचे आश्चर्य वाटले की त्या अशी शिरेल करतायेत.
ह्या शिरेलीत फक्त एकच पात्र आवडले अन अभिनय पण छान केलाय ती म्हणजे मोमो. खूप गोड वाटते ती. छान जमलंय तिला. नाहीतर स्वीटू, बघवत पण नाही. जाडपणाचा प्रश्न नाही पम ही खरेच बनेल वाटते, यापेक्षा सुंदरा मधली लती छाने, शोभली आहे तिकडे

लतिका काय आणि स्वीटू काय, जाड मुली सुगरण असल्याच पाहिजेत असा नियम असल्यासारख्या दोघी सुगरण, गृह कृत्य दक्ष, सगळ्यांशी अति चांगल्या वागणाऱ्या, संत पदी पोचलेल्या आहेत.
ते पोक काढून चालणे, फिसकारलेले केस वगैरे भूमिकेचा अभ्यास आहे म्हणे. दीप्ती केतकर हिने आई, मावशी, कामवाली बाई यांचे निरीक्षण करून ते पात्र उभे केले आहे, इति दीप्तीताई केतकर उर्फ नलू मावशी.
रच्याकने, नलूचे ते फिसकारलेले केस आणि स्वीटूचे कधीही न बांधलेले लांबसडक केस, कधीही खोकल्याची उबळ येणारी काकू यांना बघूनही यांच्या चपात्या आणि ईतर पदार्थ कसे खपतात. घरचे बाकीचे लोकही तेवढेच अस्वच्छ वाटतात. स्वीटू घरी काम करताना जे कपडे घालते तेच कपडे घालून बाहेर जाते. गाऊनवर आणि केस बांधून दाखवली असती घरी तर जरा खरी वाटली असती.
त्या तीनशे चपात्या ते एकाच दुकानात विकतात ना, मग बाहेर फळ्यावर किती चपात्या उरल्या ते कसं काय लिहितात.

ती स्विटी तर गळेपडू , लबाड आणि महाबनेल आहे. चांगल सावज सापडल आहे , कधी एकदा लग्न होऊन श्रीमंत बनेल अस झालंय तिला >>>>>>> मग बरच आहे ना ते महादळीद्री साळवी कुटुंबासाठी. त्यान्चे हाल तरी सम्पतील

मोमो गोड आहे. >>>>>>>> +++++++१११११११

सुंदरा मधली लती छाने, शोभली आहे तिकडे >>>>>> अगदी अगदी.

लतिका काय आणि स्वीटू काय, जाड मुली सुगरण असल्याच पाहिजेत असा नियम असल्यासारख्या दोघी सुगरण, गृह कृत्य दक्ष, सगळ्यांशी अति चांगल्या वागणाऱ्या, संत पदी पोचलेल्या आहेत. >>>>>>>> लतिका सगळयान्शीच चांगल वागत नाही. कामिनी, सज्जन, दौलत, तर कधी कधी अभिला सुद्दा जशास तसे उत्तर देते वेळ पडली तर. स्विटू मध्ये मात्र तो स्पार्क नाही.

नलू टायटल साॅन्ग मधे मात्र रोलमधून बाहेर पडून नाचते.

आजकाल या मालिकेत लेखक दिग्दर्शक स्थळ काळ यांचं भान नसल्यासारखे वागत आहेत. यार्डात गेलेली लोकल पुन्हा चालू होऊन स्वीटू घरी आली, दादा साळवी ड्युटीवर झोपून आणि मार खाऊन सेम वेळेस कल्याणहून अंबरनाथला परत आले.पण मॅड काका मात्र वेळेत घरी पोचला. खानविलकर मुंबईत कुठेशी रहातात म्हणे?? ज्या वेगाने आणि फ्रिक्वेन्सीने मोम्या ओम्या आणि रॉकी ये जा करतात त्यावरून फार तर डोंबिवलीत रहात असावेत, आणि महादरिद्री साळवी अंबरनाथच्या बाहेर न जाऊ शकल्याने त्यांना ती मुंबई वाटत असावी

आणि करोडपती खानविलकर, अब्जाधीश मोमो यांना पार्लर, ब्युटीशीअन याबद्दल काही आयडिया नाही का? केस नीट करायला मोहित आणि स्विटू हा ऑप्शन? सिरियसली???

स्वयंपाकघरातील स्वच्छता हा स्वतंत्र विषय आहे.
काल तिकडे , ते शुभ्रा आणि राजे चपला घालून कीचन मध्ये वावरत होते.

चंपा

मोमो गोड आहे. >>>>>>>> खरच. कधी कोणाशी वाईट वागत नाही. त्या तायडीच्या तोंडावर बोलायची हिम्मत नाही शकुची म्हणून ह्या बिचारीला उगाच त्रास देते

आजकाल या मालिकेत लेखक दिग्दर्शक स्थळ काळ यांचं भान नसल्यासारखे वागत आहेत >>
अगदी अगदी.. १ दिवसापूर्वी मार खाल्लेले आणि चेहेर्‍यावर एकदम माराच्या भरपुर खुणा असलेले दादा साळवी काल एकदम फेशिअल केल्यासारखे गोरे पान दिसत होते. घरच्या सगळ्यांनी सलाम केल्यामुळे जादू झाली का काय ?