तुम्ही दूध/चहा/कॉफी कसे/कसा/कशी पिता?

मला टमाटर फ्लेवर चहाही फार आवडतो.
बहुधा मी मागेही एका धाग्यात हे लिहिलेले.
आम्ही कॉलेजला असताना.. सॉरी वीजेटीआयला असताना रोज संध्याकाळी कॉलेजातली सगळी चिमणी पाखरं उडून गेल्यावर आम्हा कावळ्यांचा कॅंटीनमध्ये कट्टा भरायचा. तेव्हा कटींग चहा, कॅंटीनमधील उरलेसुरले वडे समोसे (जे आम्हाला फ्री मिळायचे) आणि दोघातिघात एक वेज सॅंडवीच हा आमचा ठरलेला मेनू.
त्या सॅंडवीचमधील टमाटर स्लाईस घेऊन मी एकदाच चहातून डुबूक करून बाहेर काढायचो. एखादा नवीन फंटर असेल तर माझी ही कृती बघून डोळे विस्फारायचा. पण विश्वास ठेवा अन्यथा घरी हा प्रयोग करून बघा. मस्त हलकासा आंबटसा फ्लेवर येतो चहाला. झाल्यास त्या टमाटरला लागलेली हिरवी चटणीही चहात विरघळली तर सोबत एक तिखट ठसकाही येतो. लाजवाब!

यकक्क, सर्दी असणाऱ्याने वाफ घेतलेला चहा फक्त त्यानेच प्यावा
>>>
हो नक्कीच. हे मी सुद्धा लिहिले आहे ना पोस्टमध्ये
आणि ते नसेल आवडत तर फेकूनही देऊ शकता. किंवा खत करू शकता.

हिंदीत चहा मुलगी आहे
मराठीत चहा मुलगा आहे.
तो चहा
>>>>

हो खरेय.
मला ती चहा बोलायचीच सवय आहे
मुळात ईथे म्हणून चहा असे लिहितो. अन्यथा चाय किंवा कटींग असेच शब्द मला बोलीभाषेत वापरायची सवय आहे. चहा बोलले की फार पुस्तकी वाटते मला

मी जॉब लागे पर्यंत चहा प्यायची नाही रादर मला घरचे पिऊ नाही द्यायचे. पण मग ऑफिस मुळे चहा प्यायला सुरू केले, पण आवडायचा नाही. मग मम्मी मला घरी चहा करून देते तो प्यायला सुरवात केली, अन बस्स नंतर दुसरा चहा आवडलाच नाही. मम्मा फक्त दुधाचा, थोडीशी चहा पत्ती घालून बिनसाखरेचा चहा करते. भरपूर उकळून, ढवळून बनवते. छान लागतो.
वर कोणीतरी सोलापूरच्या चहा बद्दल लिहिलंय, माझा अनुभव सांगते. मला बिनसाखरेचा चहा प्यायची सवय तर तिकडचा चहा म्हणजे गुळवणी. मग मम्मीने त्या बाईला सांगितले दोन चहा फक्त दुधात बिनसाखरेचे दे, तर ती बाई कसली खुश झाली, म्हणे हे ही परवडेल आम्हाला, पण इकडचे लोक या चहात अजून साखर मागतात. ते नुसते ऐकूनच शिसारी आली होती मला. आधीच गुळवणी त्यात अजून साखर म्हणून काकवीच की. कसे पितात देव जाणे असे वाटले.

चहात केळी बूडवून पण खाल्ली आहेत का कुणी?
विजय सेतुपतीच्या एका तामिळ सिनेमात पाहिले होते.

चहात केळी बूडवून सिनेमात म्हणून दाखवले असेल.
पण प्रत्यक्षातही असू शकते.
जर लोकं शिकरण खाऊ शकतात दूधात केळी टाकून तर त्यालाच चहाचा फ्लेवर आला समजायचे.
मला मुळातच केळे आवडत नसल्याने नो कॉमेंटस.
पण केळा वेफर फार आवडतात. पण ते सुद्धा चहासोबत खायला मजा येत नाही. आधी चहा खारी खाऊन घेतो मग केळा वेफरचा समाचार घेतो.

दिवाळीचा फराळ म्हणजे शेव, चकली, पोह्यांचा चिवडा, शंकरपाळ्या आणि खुसखुशीत करंज्या हे सर्वच चहासोबत एकनंबर लागते

मी हे पाचही आयटम उपलब्धतेनुसार एकत्र घेऊन बसतो आणि वन बाय वन, बाईट बाय बाईट, तोंडात कोंबत राहतो. आणि मध्येमध्ये चहाचा घोट घेत राहायचा. तोंडात सगळ्यांचे वेगवेगळ्या प्रपोर्शनमध्ये एकेक विविध कॉम्बिनेशन होत राहते की हा खाण्याचा पट्टा संपूच नये असे वाटते. मस्त दोम तीन कप चहा झाला की मगच समाधान मिळते

पूर्वी मी धूम्रपान करायचो. तेव्हा चहा सोबत सिगरेट लागायचीच. कुणाकडे गेलो की तिथे सिगरेट कशी ओढणार, तेव्हा मी चहा प्यायचो नाही. तेव्हा चहा सोबत काही खाणे, चहात बुडवून काही खाणे हे प्रकार अर्थातच नव्हते.
आता सात वर्षे झाली धूम्रपान सोडून, पण चहा सोबत काही न खायची सवय कायम आहे.
गेले पाच सहा वर्षांपासून मी वेगवेगळ्या प्रकारचे चहा पीत असतो, बरेच महिने एखाद्या प्रकारचा चहा झाला की मग, दुसरा प्रकार. या आधी रामतुळस, वनतुळस आणि कृष्णतुळस यांचा चहा,लिंबाच्या रसाचे चार थेंब टाकून घेत होतो.

मुंबईत - चहा पिली सर्रास बोलतात... चूक नसावे..

सर्रास पणे अनेक गोष्टी बोलतात लोक, म्हणुन चूक नाहीच मानायचे का?

चहा पिली तर ठिके पण च्या पिल्ली म्हणतात बरेच जण

सर्रास पणे अनेक गोष्टी बोलतात लोक, म्हणुन चूक नाहीच मानायचे का?
>>>
हो. पुस्तकी भाषेनुसार चूकच आहे हे

चहा हा पदार्थ बहुधा मूळचा महाराष्ट्रीय नसावा. त्यामुळे जेव्हा हा पदार्थ आला तेव्हा त्यासोबत त्याचे नाव आले. त्यामुळे प्रत्येकाने आपल्या हिशोबाने तो वापरायला सुरुवात केली.
माझ्या आजीने शाळा केलीच नव्हती. ती चहाला चा बोलायची. आम्हाला हसायला यायची. पण गोड वाटायचे

मी पण ऐकलंय .. चहा पिली असे.. पण त्यांचे शब्द थोडेसे वेगळे असतात..म्हणजे ते कधी कधी चाय खाल्ली असे पण म्हणतात..

चार कप चहा बनव असे न म्हणता काही जण चार कप चहा टाक असेही म्हणतात.
मला ते सुद्धा फार गंमतीशीर वाटते. अरे कुठे टाकू चहा ठेव हे जास्त योग्य नाही का?

सर्रास पणे अनेक गोष्टी बोलतात लोक, म्हणुन चूक नाहीच मानायचे का?
>>> चहा पिला चूक वाटते... चहा मेल हे कोणी ठरवले?

श्रवू, चाय खाल्ली काही पण.

चहा ठेव हे जास्त योग्य नाही का?
मी पण चाय रखा है, असंच म्हणते.
चाय डालू क्या. कसं वाटेल.

.

चहा मेल हे कोणी ठरवले?>>>
ज्यांनी कांदा मेल, आणि वांग न्यूट्रल, पालक मेल, आणि कोथिंबीर फिमेल ठरवले त्यांनी.

चाय खाल्ली>>>
ती व्यक्ती बंगाली असावी.
बंगाली सोमोसा रोसोगुल्ला ख्वाबे, आणि चाय, दारू पण ख्वाबेच.

मी अनु.. मस्त लागतो आले, पुदिना,गवती चहा आणि तुळस घालून केलेला चहा , म्हणजे मी बनवलेला बरा लागत असावा. कारण आता संध्यकाळी कॉफी ऐवजी चहा घेतो नवरोबा..

सर्दी झाली तरी मी आल्याचा चहाची वाफ घायचा अघोरी प्रकार करणार नाही..

पुन्हा एकदा ऑफिसला जायला लागले कि मग चहा फक्त रविवारी..

मृणालिनी मी नाही म्हणत चाय खाल्ली असे. आमचा शिपाई म्हणतो.. आणि काही पण नाही ग .. थोडेसे आगरी भाषेचा विचार करून बघ..कि त्यांचे शब्द कसे असतात..कोणाला दुखवायचे नाही आहे..

मानव अहो तो बंगाली नाही आहे.. कोकणातला ..हेदवी गावचा आहे..

आम्ही तर चहा ढोसा म्हणतो

माझ्या अंगात राखेचा मधली सरिता शिरली कि मग मी हि चहा ढोसा म्हणते..

मग खरगपूरमध्ये शिपायाचा कोर्स केला असेल.

"आणि सिगारेट देखील ख्वाबे" - एका क्रिकेट व्हिडीओ मधे अंशुमन गायकवाड, पतौडीविषयी बोलताना, 'वह अंदर गये, सिग्रेट खायी ....' असा उल्लेख आहे. त्यामुळे हे अगदीच अनकॉमन नसावं.

श्रवू , अगं कधी ऐकलं नव्हते ना म्हणून.
आगरी भाषा पण माहीत नाही.
तरी कुणी दुखवले गेले असल्यास क्षमस्व.