सोपे तरीही हेल्दी :-)

१. सोबा नूड्ल्स - हव्या त्या भाज्या, टोफू इ घालून करायच्या. भरपूर रेसिपी आहेत यूट्यूबवर
२. पेसरट्टू - हिरव्या मूगाचे डोसे.
३. सँडविच - भरपूर प्रकारे करता येतं. http://300sandwiches.com/recipes/lunch/ काही व्हेजिटेरियन सॅंडविचेस आहेत इथे.
४. हे ढकल ते ढकल थालीपीठ... (रेसिपी ठराविक नाही पण नखभर उरलेलं वरण्/भाज्या असलं काय काय घालून केलेलं थालीपीठ. पारंपारिक थालीपीठापेक्षा हे चविष्ट लागते )
५. ठेपला. तरला दलालच्या वेबसाईटवरचे जमतात.
६. लसणाची फोडणी असलेली उकड (उकडपेंडी) - जेवायला दिली तरी चालते मला.

https://www.maayboli.com/node/33570

इथे बघा. खजिना आहे

स्नेहा मी लिहिल्या आहेत , या तिन्ही सोप्या व शाकाहारी आहेत जमल्यास बघं.
https://www.maayboli.com/node/75104
या पास्त्यात पालक घालू शकतेस बारीक चिरलेला.

दुधीचा डोसा, सोपा आणि हेल्दी.
तासभर तांदूळ भिजवून वाटायचे, वाटतानाच दुधीच्या फोडी, हिरवी मिरची,जीरे घालायचे. छान मऊ डोसे होतात.

दुधीचे प्रमाण सांगा.

मी बनवलेले प्रमाण सांगते,
(200ml cup size)
1 कप raw rice,
1 कप dili rice/ boiled rice,
1litr बाटलीच्या आकाराचा दुधी,
ग्राईंड करताना लाल मिरची पावडर किंवा हिरवी मिरची जे आवडत असेल ते, जीरे, सौंफ, 3-4 पाकळ्या लसूण,जरासं आलं घालायचं.

खिचडी आणि सार. बरोबर काकडी-टोमेटॉच्या चकत्या
दाल-पकवान आणि बरोबर ताक आणि कोशिंबीर
दुधी/पालक्/कोबी अशा कोणत्याही भाजीचे मुटके करून ठेवायचे. तिळाच्या फोडणीत परतून खिचडी प्रकाराबरोबर किंवा तुकडे करून, भातात घालून पुलाव टाईप किंवा ग्रेवीत घालून पोळी/पराठ्याबरोबर

मुटके कसे करतात?

भाजीचा कीस, हळद, हिंग, मीठ, तिखट, तीळ, कोथिंबीर, आणि ज्वारी, बाजरी, राजगिरा, शिंगाडा, नाचणी, बेसन अशी हवी ती पिठं, एक किंवा जास्त घालून, पीठ भिजवा. त्याचे लांबट रोल वळा किंवा छोटे छोटे गोळे करा. वाफवा.
हवे तसे वापरा.

वाफवा, हवे तसे वापरा म्हणजे?
काय काय करता येईल यांचे, काही उदाहरणे?

लगेचच वापरावे लागेल ना
स्टोर नाही करता येणार?

हे मुटके..फ्रिज मध्ये १ आठवडे राहतात.. अळूवडी रोल वाफवून ठेवतात.. तसेच..
मुटके म्हणजे थोडा फार फरकाने मुठीयाच असतो..

फोडणीवर परतून खायचे. भाज्यांत घालायचे.

https://www.maayboli.com/node/57658 - सोप्पं आहे की नाही ते तुम्ही ठरवा. हेल्थी आहे.