दारात सांज येता

Submitted by निलेश वि. ना. शेलोटे on 9 April, 2020 - 14:52

दारात सांज येता होतात भास काही
आहे उगाच डोळा माझ्याच आस काही

झाला अबोल आता संवाद आपलाही
आहे उदास जे तू मीही उदास काही

जेव्हा प्रकाश होता आला जगात साऱ्या
काळोख दाटलेला माझ्या नभास काही

वाटेल ना जरी हे सारे खरेच आहे
देतात काळजाला नातीच त्रास काही

आक्षेप ना तसाही खोटा निलेश त्यांचा
मोडेल कायदा ती लोकेच खास काही

निलेश वि. ना. शेलोटे
आनंदकंद(गागाल गालगागा गागाल गालगागा )

विषय: 
साहित्य
काव्यलेखन
Groups audience: 
गुलमोहर - गझल
Group content visibility: 
Public - accessible to all site users
शेअर करा