रणशिंग फुंकणार आता खुशाल आम्ही...!

Submitted by आशिष कांबळे on 22 March, 2020 - 04:55

अजूनही सोसायचे किती हाल आम्ही!
रणशिंग फुंकणार आता खुशाल आम्ही!!

संकटाना धडक आता सांगून देतो!
हिमालयाहूनही शतदा विशाल आम्ही!!

सांगून ठेवतो बघ अन्याया तुज पुन्हा!
प्रश्नांना करणार सुटता सवाल आम्ही!!

भीती नाही अंधाऱ्या रात्रीची इथे!
हातात घेतली पेटती मशाल आम्ही!!

बाजार मांडला आहे का शिक्षणाचा?
दमडीत विकणारे नाही दलाल आम्ही!!

जरी नित्य वाहतो माणुसकीचे ओझे!
भले म्हणती आम्हास..हमाल आम्ही!!

विषय: 
काव्यलेखन
शब्दखुणा: 
**
Groups audience: 
गुलमोहर - गझल
Group content visibility: 
Public - accessible to all site users
शेअर करा