हातांचे आरोग्य, निगा इ. अनुशंगाने चर्चा

रोज रात्री झोपण्यापुर्वी हाताला मॉईश्चरायझर लावा. माझे हात खरखरीत झाले होते याउपायाने फरक पडला. त्वचा राठ आहे तर रात्री मॉ. लावायच्या आधि १० मि. गरम पाण्यात हात बुडवून ठेवा आणि मग मॉ. लावा.

बॉडीशॉपचे HEMP हॅन्डक्रीम हातांच्या कोरडेपणावर उत्तम उपाय आहे. तुम्ही जर मोटरबाईक चालवत असाल तर हँड ग्लोव्हज नक्की वापरा.

योकु, मॅनिक्युअरने खूप फरक पड्र्लसं वाटत नाही, पडला तरी टेंपररी. मुळातच हात राठ आणि कोरडे असल्यास मॉईश्चराईज करुन जरा मऊ ठेवणं हाच उपाय असावा. मुळात स्किन तशी नसल्यास काय बदललं हे बघायला हवं.

ऑलिव्ह / खोबरेल तेल + साखर घेउन स्क्रब करणे आणि नंतर मॉईश्चराईझर लावणे.

योकु, भांडी विसरणे, घासणे इत्यादी कामे करत असताना gloves वापरा, कुठलेही केमिकल (including dish bar, detergents) साफसफाईची विशेष करुन, हातावर फार वेळ राहणार नाही याची काळजी घ्या,‌
नखांच्या बाजूला कडक होऊन साल निघत असतील तर रात्री झोपताना Vaseline लावता येईल. त्याने त्वचा जास्त वेळ मऊ पडते. नखाभोवती जिव्हाळं निघालं की ते लगेच nailcutter नी काढा म्हणजे ते वाढत नाही.
माझी आजी ‌‌‌‌‌‌‌‌दह्य दुधाचे पातेले घासायला टाकण्या‌ आधी चोपडे हात कोपरा पर्यंत चोळून घ्यायची तिचे हात पाय इतके मऊ आहेत अजूनही.

द बॉडी शॉपचे हेम्प हँड क्रीम खरोखर अफलातून आहे. नक्की वापरा. वास जरा घाण आहे फक्त. अ‍ॅक्चुली घाण नाही. असा आजीच्या मलमांना यायचा तसा वास आहे.

इथे मायबोलीवरच वाचले होते, बहुतेक रूनी पॉटरने लिहिले होते. ग्लिसरीन, एरंड तेल व कुठलेही मॉइस्राईझर समप्रमाणात एकत्र करून ठेऊन ते झोपायच्या आधी लावा. माझेही तळहात खूप कोरडे आहेत. मी अधून मधून हा उपाय करते. आधी तीनही गोष्टी मिसळून ठेवलेल्या पण तो वास आवडला नाही. आता ग्लिसरीन व एरंडेल वेगळेच ठेवलेय, हातावर समप्रमाणात घेऊन मिक्स करते व हातापायाला चोळते. फरक पडतो.

विकतच्या मॉइस्राईझरमध्येही ग्लिसरीन व एरंडेल असते. हे दोन्ही घटक त्वचा मऊ करतात.

माझा धाकटा गेली ५-६ वर्षे जिम्नॅस्टिक्स मधे भाग घेत आहे. आठवड्याला १०-१५ तास पॉमेल, मश्रूम, स्टिल रिंग्स, पॅरलल आणि हाय बार यांची प्रॅक्टिस . शिवाय कंडिशनिंग / स्ट्रेन्थ ट्रेनिंग म्हणून प्लँक्स / पुल अपस इत्यादी . त्याच्या हाताला घट्टे आणि ब्लिस्टर्स कायम असतात.
त्याचे कोचेस सांगतात की रात्री झोपताना पेट्रोलियम जेली चोपडून मग हातावर मोजे घालून ठेवायचे. आठवड्यातून ३-४ वेळा तरी त्याला हे करायला लावतो आम्ही. त्याच्याने खूप फरक पडतो. अलिकडे बॉडी शॉप चं कोको बटर ट्राय केलं त्याने आणि ते त्याला आवडलंय. सकाळी आंघोळ झाल्यावर कोको बटर आणि रात्री पेट्रोलियम जेली.

इथे काही बागकाम / सुतारकाम वगैरे करणारी मंडळी बॅग बाम नावाचे प्रॉड्क्ट पण वापरतात .

मी हॉस्टेलमध्ये रहात असल्याने कपडे धुवून धुवून हात रखरखीत झाले आहेत. तसे पहिल्यापासूननच तळहात कोरडे आहेत. आत्ता सर्जन वापरतात तसले ग्लोव्हज आणले आहेत पण ते लगेच फाटतात. अजून कुठले ग्लोव्हज असतात का? जरा टिकाऊ आणि जाडसर.प्लीज मदत करा

बोटात नीट बसणारे ग्लोव्हज, जेणेकरून बोटाने / बोटात नीट पकडणे जमेल, असे असले तर ते परत वापरणे कठीण होते.
एकवेळ वापरासाठीच ठीक असतात. ऍमेझॉन वर Hand Pro Nitrile Gloves सर्च करा. आपल्या पंजाच्या आकारानुसार small / medium / large निवडायला विसरू नका. जर लहान साईझचे घेतले तर वापरणे जवळजवळ अशक्य होते. पण किचकट काम करायचे असेल तर ते फाटू शकतात.
जाड ग्लोव्हज असतील तर बोटांत पकडणे वगैरे कामे कठीण होतात. केमिलक राजीस्टंट ग्लोव्हज विकत घ्या / मागवा ते असे जाड असतात. बराच काळ चालतात.
ऍमेझॉनवरन मी SAFEYURA Nitrile Solvent/Oil and Fat/Chemical Resistant Hand Gloves घेतले ते वापरतो.

कपड्याच्या, भांड्याच्या साबणाने किंवा डिटर्जंटने त्रास होत असेल तर बदलून पाहणे. याने बराच फरक पडतो. मला विमने त्रास व्हायचा आता एक्सपर्ट वापरते.

अमेरीकेत असाल तर विविध प्रकारची मसाज ऑइल्स मिळतात. डॉक्टर टील यांचे निलगिरी किंवा लव्हेंडर ऑइल वगैरे. त्याने हात अतिशय मऊ होतात. स्वानुभव! अ‍ॅमेझॉनवरही मिळतात.

मानव काका, cuty जी,सामो जी सर्वांना धन्यवाद

शक्य झाल्यास 'अर्थ फ्रेंडली' (पर्यावरणाला अनुकूल) साबण वापरुन पहावा असे सुचवेन.

धन्यवाद सुनिधी जी

कोरडे पण जाण्यासाठी ग्लिसरीन आणि गुलाबजल समप्रमाणत एकत्र करून बाटलीत भरून ठेव। रात्री झोपताना हातापायाला आणि संपूर्णे शरीराला लावले तरी चालत त्वचा एक्दम मऊ होऊन जाते। दिवसा लावल्यास उन्हात जाऊ नका।

बॉडी मसाज ऑइल. मी चेहरा आणि मानेला आंघोळीनंतर लावते. जनरसली. त्याचा साईड इफेक्ट आहे की हात फार मऊ पडतात. अर्थात चेहराही किंचीत तेलकट दिसतो सध्या घरात असल्याने चालून जातय.
_______
अर्र वरती स्वतःचा प्रतिसाद वाचलाच नाही. असो.

धन्यवाद सन्मितदा,सामोताई

योग्य धागा दिसला नाही म्हणून ईथे विचारत आहे.

पायाजवळील एक नख काळसर झालेय. म्हण्जे खराब झालेय. बा़कीची नखे नीट आहेत.

ते नख काढून टा़कणे याशिवाय दुसरा ऊपाय आहे का ?

ते नख काढून टा़कणे याशिवाय दुसरा ऊपाय आहे का ? >>> नख दुखत वगैरे असल्यास वैद्यकिय सल्ला अत्यावश्यक! दुखत नसेल अणि फंगसमुळे असेल तर एक औषधी nail lacquer मिळते. नाव आठवत नाहीये आता.

नेलकटर मागच्या घासणीने नखाचा वरचा थर घासून काढायचा, आणि मग नखावर ते nail lacquer लावायचे. असं दर आठवड्याला करायचे - २ - ३ महिने !

धन्यवाद माधव . तुम्ही सुचवलेले करून बघते आणि लिहिते .