हरवत चाललेले 'स'

हरवत चाललेले 'स'

' ए , तुला आठवत नाही का? तिची आणि माझी 'क' होती ना'. अनघा काल सांगत होती उत्साहाने.
मला खुदकन हसू आले तो "क' हा शब्द ऐकुन...खरच, विसरच पडला नाही लहानपणच्या त्या गमतीदार शब्दांचा.
पूर्ण शब्द न म्हणता एकच अक्षर म्हणायचे. क आहे. सो झाली वैगरे.
आज पेपर वाचताना , अचानक पुन्हा ती गंमत आठवली. पेपरमधल्या बातम्या वाचून वाटायला लागले की आपल्यातील 'स" हरवत चाललाय का?

आता हा 'स' आपल्याला ब-याच अर्थी वापराता येईल नाही. अर्थ काय घ्यायचा ते वापरकर्त्यावर अवलंबुन आहे म्हणा,
आता ही या निम्म्याहून अधिक बातम्या वाचताना आपली म्हणजे समाजाची संवेदनशीलता हरवत चालली आहे असे वाटते. नुसती संवेदनशीलता नाही तर सहिष्णुता ही कमी झाली आहे.

आजुबाजुला बघताना, वावरताना अजून एक मोठी पोकळी मला जाणवते ती म्हणजे संवादाची. आपला संवाद खरच हरवत चाललाय.. मित्रमंडळींच्या गप्पाच्या अड्ड्याबरोबरच , कुटुंबातील संवाद...नवरा बायकोतील संवाद, दोन पिढ्यातील संवाद, इतकेच काय पोटच्या पोरांशीही आताशा संवाद घडत नाही फारसे. संवादाची ही वानवा जाणवतेय हे मात्र नक्की.

तुम्हाला काय वाटते. अजून कुठले ' स ' हरवत चाललो आहोत आपण. आणि या मी वर उल्लेखलेल्या ' स ' बद्द्ल तुमचे मत काय?