संध्याकाळच्या वेळी

संध्याकाळच्या त्याच वेळी
आठवण तुझीच आली
क्षणभर माझी पापणी
आसवांमध्ये न्हाली

मला साद देताना
डोळे तुझे खुलायचे
ओठ हसर्‍या झोक्यावरती
खुप खुप झुलायचे
आठवुन आता काळजामधे
होतय पाणी - पाणी
क्षणभर ......

तीच आठवण येते पुन्हा
गुलाबावाचुन घडलेली
माझा प्रश्न नि उत्तर तुझं
दोन्ही वाचुन नडलेली
डोळ्यामधल्या भावनांना
अधिरता मग आली
क्षणभर ......

कुठे आहेस तु आता
आठवण माझी काढतेस का ?
माझी आठवण आल्यावरती
माझ्यासारखी रडतेस का ?
डोळ्यावरची ओली रेघ
आता पुसुन झाली
तरी पुन्हा माझी पापणी
आसवांमध्ये न्हाली....

-- जोतिराम