मायबोली गणेशोत्सव २०१८ - काव्य अंताक्षरी

कहर केला इंधनदराने
थरथर लागली रुपयाला
नोटा मजून दमलो तोवर
कर्जबुडवा भुर्र गेला

कहर फुलत्या ऋतूने मांडलेला
बहर भरगच्च दाटुन सांडलेला
झुळुक रेंगाळलेली गंधवेडी
पदी रंगीत नाजुक घट्ट बेडी

भरत

गेला आधार अनेकांचा
गेली ती जगण्याची भावना
दुःख आप्त दुरावण्याचे
कोणासही साहे ना

ना तरी ठरलेच नव्हते जायचे आहे कुठे
चालली, सरली म्हणेतो वाट वाटेला फुटे
अंत नाही चालण्याला, खंत नाही मानली
थांबला तो संपला ही खूण केवळ पाळली

स्वाती सुंदर!

थांबला तो संपला ही खूण केवळ पाळली
धावलो जागेवरी न फक्त कॅलरी जाळली
ऋतुजाच्या डाएटने काया माझी वाळली
आताआताश्या फक्त ५५ मिनिटे सांभाळली

दीक्षित काही पाठ सोडत नाहीत!

फक्त पंचावन्न मिनिटे तेवढी सांभाळली
गोडधोडा पाहता दृष्टी किती का भाळली
आग्रहाला निग्रहाने ठाम दिधली उत्तरे
दीक्षितांची भाषणे गीता नि बाय्बल रे खरे!

खरे खरेसे सारे अता, भास वाटू लागले
भास सारे होउनि खरे, त्रास वाटू लागले
कोवळे हे वय असे, सारे खास वाटू लागले
फसवी ही अंतरे, सारे आसपास वाटू लागले

लागले बोलायला डोळे जरासे, तोच मी
घेतली ओढून सत्वर पापण्यांची ओढणी
जवळ येइल, खोल पाहिल वाकुनी, तेव्हा कुठे
लपवलेल्या सर्व गुपितांची उघडतिल संपुटे

Submitted by स्वाती_आंबोळे on 14 September, 2018 - 19:39>>>. जमलंय

मागील पानावरील भरत. यांच्याही चांगल्यात .

संपुटे म्हणजे काय ?

शिंपल्यांची बंद जोडी पाहिली आहे का? त्याला संपुट/संपुष्ट म्हणता येईल. सरधोपट अर्थ बंद डबी.
इथे पहा.

संपुटांवरही अता पुटे चढाया लागली
स्मरणे सारी तुझी विस्मराया लागली
एक होते झाड ज्यावर दोन पक्षी राह्यचे
मधुकुजने ती अताश्या दूर विराया लागली

दीक्षितांची भाषणे गीता नि बाय्बल रे खरे! >>
काय विषय आहेत काव्यांचे एकेक, नोटाबंदी, पेट्रोल भाव, दीक्षित डाएट !!

मस्त.
आता मी 'लागली'वरून लिहिणार नाही! पर्यायी शब्द द्या.

संपुटे कधी न उघडली स्त्रीजन्माची
समतोल राखत माहेर सासरची
जीव गुंतवते चुल मातीची
ज्योत तळपते प्रसंगी झाशीची

लागली कुणाची 'उचकी'

उचकी घ्या उचकी..... पुढचा शब्द!

उचकी?
स्वरूप, तुम्ही डॉक्टर आहात का? (होपफुली पेशन्ट नसाल ) डायेट काय, उचकी काय!

३) शेवटचा शब्द/ओळ घेताना ती आहे तशीच घेतली जावी. त्याची रूपे किंवा समानार्थी शब्द घेऊ नयेत.
<<
या नियमाने स्वरूप यांची कविता बाद आहे. "संपुटे" असेच यायला हवे.
कल्पेशकुमार यांची बरोबर आहे.

उचकी आली कारण नसता, जीव घाबरा झाला
ओठांपाशी पाण्याचा येऊन थबकला पेला
काय कुणी माझेसुद्धा या निर्मम जगात आहे?
आठव होऊन मनी कुणाच्या मीही रहात आहे?

आ.रा.रा., खरंच की! धन्यवाद.

स्वाती
नाही नाही डॉक्टर नाही!
अधिक माहितीसाठी प्रोफाइल बघा

झाशीची ती ज्योत तळपली
विश्वाला आदर्श घालावया
स्त्रीजन्म का फक्त बांधील
चूलमूल कूपमंडुक बनावया

डॉक्टर शब्द टायपल्याबरोबर आ.रा.रा. अवतीर्ण झाले हा योगायोग की काय?

आठव होऊन मनी कुणाच्या मीही रहात आहे?
सलज्जतेने मनीदर्पणी कुणी मजला पहात आहे?
किती सुखद ही जाणीव सजणा; तनमन हासत आहे
खरोखरी की भासच अवघा; स्वप्नच भासत आहे

अरे त्या बाद झाल्या चारोळ्या - आता 'बनावया'पासून लिहायला हवं.

बनावया मी सज्जच आहे
बनवायाला ये बिन्धास्त
इन्टरनेट जोडणीपलिकडे
काही लागत नाही जास्त!

बनावया'ला' चालतय का? विचारुन घ्या..... नाहीतर ही पण बाद व्हायची

आता?