
थँक्स गिविंग डेच्या सुमारास बाजारात मोठ्या मोठ्या भोपळ्यांच्या राशी दिसायला लागतात. (काही देशांतच थँक्सगिविंग वेळेवर करतात, बाकी आळशीपणा, पण असो :)). पाव किलो भोपळा आणण्याची सवय असलेल्या कुटुंबात वाढलं असल्यानं या भोपळयाचं करायचं काय असा सुरुवातीला प्रश्न पडायचा. पण लोकांनी वेगवेगळ्या आकाराचे, रंगांचे भोपळे घराच्यासमोर ठेवलेले दिसले आणि भोपळा आणून त्याची बेक्कार भाजी न करता इतरही उपयोग असू शकतात या ज्ञानाने पाश्च्यात्यांबद्दलचा आदर दुणावला.
या भोपळ्यावर स्पुकी चित्र कोरून (कार्व करून) त्यात बारकी मेणबत्ती लावून घराच्या बाहेर ठेवलं की भारी दिसतं हे लवकरच समजलं. गेल्यावर्षी पहिल्यांदा प्रयत्न केला आणि फार कठीण नाही हे जाणवल्यावर या वर्षी परत करून फोटो काढले.
साहित्य: भोपळा, कार्विंग टूल (बारीक करवती सारखं), आयस्क्रीम स्कूप/ मोठा चमचा/ डाव, मेणबत्ती, सुरी, कचऱ्याचा डबा.
१. एक मध्यम आकाराचा भोपळा आणा. बाहेरून भोपळ्याला बघून तो जाड आहे का पातळ (थिन) हे समजत असेल तर पातळवाला (वाली नाही) आणा. नारळ आणताना वाणी अंगठी मारतो तसं ४-५ भोपळ्यावर मारा. फरक काहीच कळणार नाही (वाण्याला तरी कुठे कळतो). मग एक न फुटलेला, जरा गोरा गोमटा दिसणारा, ओबडधोबड न दिसणारा असा भोपळा निवडा. भोपळ्याची रास जरी दुकानाच्याबाहेर पडलेली असेल तरी आता जाऊन पैसे द्यावे लागतात हे विसरू नका. आत सेल्फ चेकआउट असेल तर वरील सगळी स्पेसिफिकेशन विसरून ज्या भोपळ्यावर ४ आकडी नंबर दिसेल तो उचला.
२. हॅलोविनच्या आदल्या दिवशी ऑफिसमध्ये 'पमकीन कार्विग स्टेनसिल' असा सर्च देऊन जे आवडेल/ सोपं वाटेल अशा स्टेस्न्सिलची प्रिंट घ्या. ती न विसरता घरी न्या.
३. आता पेनने भोपळ्याचा देठाकडच्या भागावर एक वर्तुळ काढा. (कंपास शोधू नका) हाताने जसं जमेल तसं काढा.
या वर्तुळाला एका बाजूला एक notch काढा, जेणे करून ते देठ परत झाकण म्हणून ठेवलं तर कसं ठेवायचं ते समजेल.
४. आता मोठ्या सुरीने तो आकार कापून घ्या, झाकण उघडलेला भोपळा असा दिसेल.
५. बिया खायला आवडत असतील तर त्या हाताने आधी काढून घ्या. नंतर आतून भोपळा स्वच्छ करा. आयस्क्रीम स्कूप/ डावेच्या मदतीने आतुन खरवडून काढा. आतला पृष्ठभाग जितका स्वच्छ करता येईल तेवढा करा. आत मेणबत्ती लावायाचेय, भोपळा ग्लो व्हायला हवा तर तो आतून नितळ करा. जास्त स्कूप करायचा आणखी एक फायदा म्हणजे जास्त जाड कोरत बसायला लागत नाही. ज्या बाजूला कार्व करणार आहात त्या बाजूने थोडा जास्त स्कूप करा. साधारण असा दिसेल.
६. आता ते स्टेनसिल भोपळ्यावर ठेवून एखाद्या अणुकुचीदार वस्तूने (बारीक स्क्रू-ड्रायवर, पिन) बाह्यारेषांची नक्षी भोपळ्यावर टिंब टिंब काढत उतरवून घ्या. तुम्ही कलाकार असला तर हातानेही काढू शकता. फक्त काय ठेवायचं आणि काय उडवायचंय याचं भान ठेवून चित्र काढा. तयार कार्विग केलेल्या भागाला स्ट्रेन्थ असली पाहिजे इतका तरी भाग जोडलेला असुद्या.
हे ट्रेस करताना कागद हलू देवू नका. हलणार असेल तर सरळ चिकटपट्टीने कागद चिकटवा आणि ट्रेस करा. ट्रेस करून झाल्यावर गोंधळ होत असेल तर पेनने परत एकदा रेषा ठळक काढून घ्या.
७. आता सावकाश जॉईन-द-डॉटस करत, कार्व करा. वरील चित्रातला काळा भाग काढायचाय आणि पांढरा ठेवायचाय.
८. कार्विंग बऱ्यापैकी सोपं आहे, ढोबळ आकार आले तरी चालेल. झालं. आता आतमध्ये एक छोटी मेणबत्ती लावा आणि ट्रिक-ओ-ट्रिटला लहान पोरांबरोबर कोस्चुम घालून दारोदार भटकून भरपूर chocolates आणा.
९. हा Jack-o'-lantern घराबाहेर ठेवतात. आपण केलेला सगळ्यांना कळायला नको का? फोटो काढून फेस्बुकावर, whatsappवर टाकून लोकांना वात आणा.
अमित खुपच छान ... अगदी स्टेप
अमित खुपच छान ... अगदी स्टेप बाय स्टेप.. परागचे पण झब्बु मस्तच..
छान. मागच्या वर्शि
छान. मागच्या वर्शि बाप-लेक्सांनी एक केला होता. यंदा सगळेच ढीले पड्लेत. आज ट्रीक ऑर् ट्रीटला लोका'चि कारागिरी पाहून आलो.
लिखाण व फोटो, दोन्ही आवडले.
लिखाण व फोटो, दोन्ही आवडले. प्रतिसादांतील झब्बूही मस्त आहेत.
मस्त जम्लेत... तुमचेपण आणि
मस्त जम्लेत... तुमचेपण आणि झब्बु देण्यार्यांचे सुद्धा ..
मामी, रुनी इज म्हणीग राईट. तो
मामी, रुनी इज म्हणीग राईट. तो ४ आकडी नंबर नसेल तर घेतलेली वस्तू पालेभाजी/ फळभाजी/ फळ आणि त्यांची चित्रे आणि मग त्यांचे शंभर प्रकार या वर्गावारीतून शोधावी लागते, नाही शोधता आली की अटेंडंटला बोलवा किंवा कंटाळून काहीतरी नावापुढे क्लिक करून गोष्ट आणा.
पराग झब्बू मस्त.
सगळ्यांचे आवडल्याबद्दल धन्यवाद.
मस्तच अमित. कार्विंगही छान
मस्तच अमित. कार्विंगही छान झालयं!
नारळ आणताना वाणी अंगठी मारतो तसं ४-५ भोपळ्यावर मारा. फरक काहीच कळणार नाही (वाण्याला तरी कुठे कळतो). >>>>>:हहगलो:
आत मेणबत्ती ठेवल्यानं आतून खरपूस भाजून निघालेल्या भोपळ्याच्या काही रेस्प्या नसतात का?>>>>>मामे
मस्तच!
मस्तच!
छान दिसतोय.एकदम झकास.
छान दिसतोय.एकदम झकास.
(No subject)
पाव किलो भोपळा आणण्याची सवय
पाव किलो भोपळा आणण्याची सवय असलेल्या कुटुंबात वाढलं असल्यानं या भोपळयाचं करायचं काय असा सुरुवातीला प्रश्न पडायचा. >> अगदी खरे आहे अमितव
खूप सुंदर झाले आहे भोपळ्याचे कोरीव काम
पण मला त्या आकाराचे महत्त्व नाही कळले. मी हवे तर त्यावर एखादे फुल बिल काढेल
मी पपईचे एक कार्व्हिंग केले आहे ते नंतर डकवेन माझ्या रंगीबेरंगीवर.
ह्या चित्राचं महत्त्व काही
ह्या चित्राचं महत्त्व काही नाहीये. अगदी सोपं नको होत, आयतं चित्र हवं होतं, स्पूकी हवं होतं आणि हे मला आवडलं इतकचं. पूर्ण भोक पाडून कोरीवकाम न करता फक्त साल खरवडूनपण करतात, ते पण मस्त दिसतं. बाकी ज्याचीत्याची आवड. हेलोवीनला स्पूकी/ भीतीदायक कार्विंग करायची पद्धत आहे, अर्थात फुलाचं पण स्पूकी करता येईलच. पपई कार्विंग लाव.
पग्यानं टाकलेले भोपळे पण भारी
पग्यानं टाकलेले भोपळे पण भारी आहेत. आमचे भोपळे काही केल्या स्पूकी, स्केअरी होत नाहीत.
ओह भीतीदायक कार्विंग आता
ओह भीतीदायक कार्विंग आता कळले.. धन्यवाद. लावेन.
मायबोलीवर काही सर्च केलं आणि
मायबोलीवर काही सर्च केलं आणि नाही मिळालं असं होतच नाही. अमीतव, तुम्ही लिहीलय पण मस्त आणि भोपळा कोरलाय पण मस्तच . बाकी ही फोटो छानच.
मी ह्या वर्षी हॅलोविन ला परदेशात होते , घरातले सगळे प्लास्टिक चा आणू या अस म्हणत होते कारण कसा कोरतात ते अजिबातच माहीत नव्हतं . पण दुकानात भोपळे, करवती वैगेरे दिसल्यावर मला राहवलं नाही . मला एकंदर carving मध्ये खूप रस आहे . त्यामुळे मी ही संधी सोडली नाही. माझा पहिलाच प्रयत्न होता , त्यामुळे अगदी सोप्प डिझाइन घेतलं आहे पण जमलं बऱ्यापैकी . भोपळा कोरताना खूप मज्जा पण आली. आत मेणबत्ती लावल्यावर दिसत पण मस्त होत.
हा मी कोरलेल्या भोपळ्याचा फोटो.
ममो.. कसलं प्रो कार्व्हिंग
ममो.. कसलं प्रो कार्व्हिंग झालंय
मस्त मनीमोहोर.
मस्त मनीमोहोर.
हे आमचं या वर्षीच
नारळ आणताना वाणी अंगठी मारतो
नारळ आणताना वाणी अंगठी मारतो तसं ४-५ भोपळ्यावर मारा. फरक काहीच कळणार नाही (वाण्याला तरी कुठे कळतो >>> मस्तच. प्रतिसादातील भोपळेही भारी.
यन्दा शाळेत पम्पकिन डॅकोरेशन
यन्दा शाळेत पम्पकिन डॅकोरेशन स्पर्धेत भाग घ्यायचाच असा लेकाचा आग्रह त्यात दिवाळी २ दिवसावर मग पेन्ट केला humty dumty sat on wall
काहिनि फार उच्च केले होते
भारी मस्त आहे.
भारी मस्त आहे.
हॅपी हालोविन!
हॅपी हालोविन!


हे यावर्षीचे कार्विंग.
१.
२.
सुन्दर!!!
सुन्दर!!!
व्वा! भारीच झालेय!
व्वा! भारीच झालेय!
छान दिसते आहे!
छान दिसते आहे!
खतरनाक आहे अमितव
खतरनाक आहे अमितव
मस्त झालंय!
मस्त झालंय!
सही आहे चेटकीण!
सही आहे चेटकीण!
चेटकीण मस्त जमलिये.
चेटकीण मस्त जमलीये.
जबरी!
जबरी!
Wow. Mast!
Wow. Mast!
वा भारीच कलाकृती
वा भारीच कलाकृती
खूप पेशन्स लागत असणार हे करायला।चेटकीण जबरदस्त जमलीय
Pages