Submitted by सत्यजित... on 18 March, 2017 - 04:07
लांबती हे श्वास हल्ली..सोबती घेवून जा...
तू मला भेटायला ये..एकदा येवून जा!
शेवटी आयुष्यही असते प्रवासासारखे...
तू तुझ्या गावात थांबा तेवढा ठेवून जा!
तो तसा आला नि गेला..वादळाच्या सारखा...
पण मला सांगून गेला..दीप हो,तेवून जा!
वाहते आहे अनावर,तू मला प्राशून घे...
या नदीला सागराची वा दिशा देवून जा!
सूर्य विझता रातही चालून येते नेमकी...
तू नभीचा चंद्रमा हो..चांदणे लेवून जा!
—सत्यजित
Groups audience:
Group content visibility:
Public - accessible to all site users
शेअर करा
वाहते आहे अनावर,तू मला
वाहते आहे अनावर,तू मला प्राशून घे...
या नदीला सागराची वा दिशा देवून जा!>>>> मस्त...मस्त...मस्तचं..
अरे वा! एवढा तत्काळ प्रतिसाद!
अरे वा! एवढा तत्काळ प्रतिसाद!
खूप धन्यवाद कावेरीजी!
अप्रतीम ...
अप्रतीम ...
ॠषभजी धन्यवाद!
ॠषभजी धन्यवाद!