लग्न - एक चर्चा !

चिन्मयी, बरोबर आहे आपले. दर चार सहा आठ वर्षांनी लग्नाळू मुलांचा एक गठ्ठा तयार होतो, जो याच प्रश्नांच्या उत्तराच्या शोधात असतो.
पण प्रत्येक पिढीला त्याची उत्तरे नव्याने शोधायची असतात. हीच तर खरी गंमत आहे.

राजसी, मला वाटलेले अनुभवी लोकं लिहीतील. पण बहुधा त्यांना परवानगीची गरज लागत असेल

राजसी __/\__

हा प्रणाम एवढ्यासाठी की आपल्या या वाक्याने एक फार जुनी आठवण आठवली.
माझे आताच्या गर्लफ्रेंडशी जेव्हा नुकतेच जुळले होते, म्हणजे आम्ही फ्रेंडशिपवरून लवशिपच्या घरात सरकलो होतो, तेव्हा एकदा आम्ही रस्त्यामधील डिवायडरवरून चाललो होतो. खरे तर ती डिव्हायडरवरून चालत होती आणि मी तिचा हात धरून खालून रस्त्यावरून चालत होतो. तिचा मूड जरा भारी असल्याने ती जरा अल्लड बालकासारखे नाचत उड्या मारत चालत होती. आणि मी तिचे ते वागणे, ते रूप एंजॉय करत होती. त्यानंतर ती मला म्हणालेली की यासाठी तू मला माझ्या आयुष्यात आणि आहेस कारण मी तुझा हात पकडून रस्त्याच्या मधून बिनधास्त उड्या मारत चालू शकते. याची ना मला लाज वाटते ना संकोच ना कसली भिती

स्वरूप, कन्फ्यूजन हे फॅशन नसून खरोखर तसे होत असावे. होत आहे. त्यामुळे त्याची कारणे शोधायला हवीत.

एक काळ होता जेव्हा आईवडील मुलांच्या लग्नाचा निर्णय घ्यायचे. मुलांची आवडनिवड जराही लक्षात घेतली जायची नाही. म्हणजे कन्फ्यूजनचा प्रश्नच नाही. कारण आईवडीलांचे निकष ठरलेले असायचे. जातपात, तोलामोलाचे घराणे आणि मानपान बघितले की झाले. ईतर गोष्टी तुलनेत गौण.

मग एक जमाना आला जिथे मुलांची ईच्छा विचारली जाऊ लागली. त्यांनाही नकार द्यायचा अधिकार दिला जाऊ लागला.

मग हळूहळू मुलांची आवड लक्षात घेऊ जाऊ लागली. आईवडील आणि मुले दोघांना पसंत पडेल हे बघितले जाऊ लागले. 50-50 चा जमाना म्हणू शकतो ...

मग एक हल्लीहल्लीचा जमाना ज्यात मुलेच आपला जोडीदार शोधतात पण तरीही आईवडीलांची पसण्ती त्यांचे मन राखण्याचा प्रयत्न असतोच.

पण आता जो काळ येतोय त्यात आईवडिलांची पसण्ती असो वा नसो मुलांनी ठरवले की झाले. तो त्यांच्या आयुष्याचा निर्णय आहे. आईवडीलांची शून्य ढवळाढवळ..

आता यात गंमत अशी की जोडीदार निवडायची संपूर्ण जबाबदारी हळूहळू आता मुलांवर स्वत:वर येतेय. त्यांना या निर्णयाची जबाबदारी स्वत: घ्यायची आहे. पण प्रश्न हा आहे की ते पेलण्यास सक्षम आहेत का?

येणारया पिढ्या सक्षम असतील. कारण ते त्या मानसिकतेतच लहानाचे मोठे झाले असतील. पण हा जो बदलाचा संक्रमण काळ आहे ज्यातून आमची पिढी जातेय, ती लहानाची मोठी होताना या बदलासाठी पुर्णत: तयार झाली नाहीये. आम्हाला हे निर्णयाचे स्वातंत्र्य हवेही आहे पण लहानपणी आपल्या आधीच्या पिढीला बघताना पुढे जाऊन हे स्वातंत्र्य आपल्याला मिळणार आहे याची कल्पना नसल्याने ती जबाबदारी उचलायची मानसिक तयारीही तितकीशी झाली नाहीये. म्हणून आता त्या दडपणाखाली अशी कन्फ्यूज अवस्था होत असावी

साती, आपले लिव इन मध्ये राहून झालेय. कमाल आहात.
मुलांबाबतचा आपला मुद्दा पटला. तो विचार करता लिव इन मध्ये मूल न होऊ देणे किंवा त्या आधी काय ते फायनल ठरवून लग्न उरकणेच योग्य.

दाद धन्यवाद, हो मोठ्याने विचार करून झाला आहे. फक्त तो विचार बाहेर मांडल्याशिवाय माझे समाधान होत नाही. ऐकावे जनाचे करावे हे मी कटाक्षाणे पाळत असलो तरी मनाचे करायच्या आधी जनाचेही ऐकायला आवडते.

श्री, आयडीचं लग्न
एखादी महिला आयडी नजरेत असेल तर सांगाल. माझी गर्लफ्रेण्ड माबोवर आयडी नाही काढणार, कारण अशीही ती मायबोलीला आपली सवत समजते

सस्मित, एक प्रत्यक्षातले. एक आयडीचे. उद्या तुम्ही तुळशीचेही मोजाल आणि किती लग्न म्हणून ओरडाल
तसेही त्या दिवशीच्या चर्चेचा संदर्भ घेता आम्ही दोघेही नोकरीधंद्याला जाणारे असू तर मुलांना सांभाळायला म्हणून दोघांपैकी एकाला दुसरे लग्न करावेच लागणार

हायला मग माबोकरच कमाल आहेत म्हणायचे.
तसे माझ्या गर्लफ्रेंडच्या नात्यातही एक जण लिव ईन मध्ये राहत आहे, ते देखील एका विधवेबरोबर जिला मूलही आहे. आणि त्यांनी स्वतःचे वेगळे मूल होऊ न देता त्यालाच सांभाळण्याचा निर्णय घेतला आहे.

पण त्यामुळे उद्या माझी गर्लफ्रेंड सुद्धा त्याच्या कडे बोट दाखवत मला सुद्धा असे राहायचे म्हणू शकत नाही. कारणे दोन. एक तर तो मुलगा आहे आणि ही मुलगी. त्यामुळे निकष वेगळे लागतात. आणि दुसरे कारण म्हणजे त्याचीही काही आरती ओवाळली जात नाही तर त्यांच्या नात्यातलेच लोकं त्याला कुजकट टोमणे मारताना पाहिलेय.

कऊ, मी लोकांच्या नावाला घाबरत नाही
सोनू, यूट्यूबवर शोधतो, आणि बघतो एकदोन दिवसांत, धन्यवाद

कुठे सापडतो हा कॉफी करण अक्षय ट्विंकल.. फुल्ल एपिसोड?? सगळे २-३ मिनिट क्लिप सापडत आहेत..

टवळ्या धन्यवाद

अक्षय ट्विण्कलचा विडिओ काही तांत्रिक कारणांनी अर्धाच बघता आला, पण त्यातूनही दोन गोष्टी समजल्या ..

1) एकमेकांची ज्योतिष कुंडली नाही बघितली तरी चालेल पण मेडीकल कुंडली जुळवून घ्यायची.
2) वयाची चाळीशीनंतर वा पन्नाशीला पोहोचताना दोघांनीही ईक्वली फिट आणि टकाटक दिसणे अति गरजेचे. (जर आपण कमी पडलो तर जोडीदारालाही अरबट चरबट खिलवून आपल्या लेवलला आणायचे)