मायबोली मास्टरशेफ - बाईमाणूस - मलई बदाम मटका विथ लेमन झटका

बदाम - बिस्कीटे थर:
१. मिक्सर मध्ये बदाम आणि बिस्किटे ह्यांची भरड करून घ्यावी.
२. त्यात १ चमचा वितळलेले बटर मिसळा. मिश्रण थोडे ओलसर झाले पाहिजे.
३. ह्या मिश्रणाचे ४ समान भाग करा म्हणजे थर लावताना कमी -जास्त होणार नाही.
४. आवडीच्या सर्विंग बोल मध्ये तळाला पहिली मिश्रणाचा थर लावा.
५. आता हे बोल फ्रीज मध्ये सेट करायला ठेवा.

मलई पुडिंग
१. १ १/२ कप मलईमध्ये थोडे पाणी एकत्र करून मिक्सर मध्ये वाटून घ्या.
२.उरलेल्या १/२ कप मलईचे बारीक काप करून घ्या.
३. गँसवर एका पँनमध्ये वरील मलईचे मिश्रण कमी आचेवर गरम करायला ठेवा.
४. त्यात साखर टाकून मिश्रण ढवळा.
५. कॉर्नस्टार्च २-३ चमचे पाण्यात नीट एकत्र करा. ते आता गँसवरील मिश्रणात टाकून सारखे मिश्रण ढवळा जेणेकरुन गाठी होणार नाहीत.
६.मिश्रण दह्याइतपत घट्ट्सर झाले की गँस बंद करा व गार करण्यास बाजूला ठेवा.
७. आता ह्यात १/२ कप मलईचे तुकडे हलक्या हाताने एकत्र करा.

लेमन सॉस
१. अर्धा कप पाण्यात कॉर्नस्टार्च मिसळून घ्या.
२. गँसवर पँनमध्ये बटर वितळायला ठेवा.
३.लिंबाचा किस त्यात एकत्र करा.
४.बटर वितळले की त्यात वर मिसळलेले पाणी टाका.
५.२-३ मिनिटांत मिश्रण थोडेसे घट्ट होऊ लागेल. त्यात लिंबाचा रस मिसळा.

१. आता फ्रिजमधल्या बोल मध्ये सावकाश मलई पुडिंग ओता.
२. बोल पुन्हा फ्रीजमध्ये १५-२० मिनिटे सेट होण्यासाठी ठेवा.
३. त्यावर बिस्किटे-बदामाच्या मिश्रणाचा थर द्या. बोल पुन्हा फ्रीजमध्ये १० मिनिटे ठेवा.
४. पुन्हा बोल मध्ये सावकाश पुडिंग ओता आणि फ्रीजमध्ये सेट होण्यासाठी ठेवा.
५. सगळ्यात वर आता लेमन सॉसचा थर द्या.
६.सजावटीसाठी लिंबाची फोड /पुदिन्याचे पान खोचा.
मलई बदाम मटका विथ लेमन झटका तयार...