नेत आहे मी मला माझ्यामधे

Submitted by वैवकु रीटर्न्स on 16 June, 2016 - 03:21

नेत आहे मी मला माझ्यामधे
यायचे तर या चला माझ्यामधे

चित्र दुनियेचे हुबेहुब काढतो
एक आहे कुंचला माझ्यामधे

कालचीही रात्र गेली कोरडी
चंद्र नाही सांडला माझ्यामधे

लाट तू होऊन ये भेटायला
मी किनारा थाटला माझ्यामधे

कोण असते आतमध्ये र्‍हायला
हा कुणाचा बंगला माझ्यामधे

का मला हुसकावता येईचना
जो विटेवर थांबला माझ्यामधे

~वैवकु

विषय: 
काव्यलेखन
साहित्य
Groups audience: 
गुलमोहर - गझल
Group content visibility: 
Public - accessible to all site users
शेअर करा

हा कुणाचा बंगला माझ्यामधे - व्वा व्वा

एकुण गझल छान पण अश्या रदिफेमुळे खयालांवर मर्यादा येतात मला तरी गझल रचताना!

Submitted by बेफ़िकीर on 16 June, 2016 - 04:45

छान

Submitted by अरविंद चौधरी on 16 June, 2016 - 08:14

सर्वांचे आभार
अश्या रदिफेमुळे खयालांवर मर्यादा येतात << अगदी मान्य !! माझ्यासकट सर्वांच्या बाबतीत हे विधान पटते

Submitted by वैवकु रीटर्न्स on 17 June, 2016 - 01:44

कालचीही रात्र गेली कोरडी
चंद्र नाही सांडला माझ्यामधे
लाट तू होऊन ये भेटायला
मी किनारा थाटला माझ्यामधे। वा खूप छान आणि ह्या ओळी तर खुपच आवडल्या ।।

Submitted by गजानन रताळे on 18 June, 2016 - 08:15

चित्र दुनियेचे हुबेहुब काढतो
एक आहे कुंचला माझ्यामधे

लाट तू होऊन ये भेटायला
मी किनारा थाटला माझ्यामधे

कोण असते आतमध्ये र्‍हायला
हा कुणाचा बंगला माझ्यामधे >>> या द्विपदी खूप भावल्या

Submitted by इस्रो on 28 June, 2016 - 23:03