बेस्ट उपमा कसा जमवावा

इस मे अंडा कहाँ हय?
शब्दखुणांत शाकाहारी अंड्याचे प्रकार दिसताहेत.

मस्त. कार्यालयातल्या लग्नाच्या दिवशी सकाळी सकाळी नाश्त्याला असतो हा उपमा...मस्त लागतो.

मी दोन चमचे उडीद डाळ १५ मिनिटं गरम पाण्यात भिजवून घालतो उपमा करताना. आणि पाणी वेगळं गरम करत नाही.
फोडणी करून त्यात पाणी घालतो आणि पाण्याला उकळी आली की त्यात भाजलेला रवा हळूहळू घालतो.

बाकी साहित्य आणि कृती तीच.

मस्तच,

मी दोन चमचे उडीद डाळ १५ मिनिटं गरम पाण्यात भिजवून घालतो उपमा करताना. आणि पाणी वेगळं गरम करत नाही.>+१ एक भांडे धुवायला कमी.

सर्वाणा भवन असेल.. तिथे रवा खिचडी नावाचा प्रकार मिळतो तो उपमा सारखा असतो. त्याचा जगभरात शाखा आहेत.

कार्यालयातल्या लग्नाच्या दिवशी सकाळी सकाळी नाश्त्याला असतो हा उपमा...मस्त लागतो.
➡➡➡➡

वाह काय आठवण काढलीत. मी खास या उपम्यासाठीच लहानपणी आईबरोबर लग्नाला जायचो. त्यानंतर ते लग्न कोणाचे आहे. मी मुलाकडचा आहे की मुलीकडचा याच्याशी माझे काही घेणेदेणे नसायचे. हल्ली होतात का हा उपमा असलेली लग्ने? आमच्याईथून तरी हरवलीत.. आता माझ्याच लग्नाला ठेवावा लागेल

सायो, साऽत वर्ष लागली उपमा बेस्ट जमवायला?

माझे दोन पैसे.

१) उपमा फोडणीस टाकायच्या आधी. काजू काप मंद आचेवर तेलात गुलाबी परतून घ्यावेत व वेगळे ठेवावेत
२) फोडणीत उडीद डाळ/ भिजवलेली हरबरा डाळ घालून परतून घ्यावे व मग जिरे व मोहरी कढी पत्ता, मिरची चे बारीक तुकडे थोडा हिंग घालून मग त्यात कांदा बारीक चिरलेला व मटार घालायचे. ( मला कोबी आवडत नाही उपम्यात मी गाजर, फ्लावर मटार कांदे घालते.
३) मग उकळते पाणी फोडणीत घालायचे व उ कळी आली की त्यात चवीचे मीठ, एक चमचा तूप व एक चमचा दही घालायचे. हे उकळले की मग तो रवा घालायचा. व दोन ते तीन वाफा काढायच्या.
सर्व्ह करताना ते काजू तुकडे, खोबरे व कोथिंबीर वरून घालायची.

बरोबर क्रिस्प मेदू वडा व चटणी असल्यास पूर्ण ब्रेकफास्ट.

उपम्याची पाकृ आवश्यक होती.

दरवेळी अगदी जसाच्या तसा न बनणारा पदार्थ आहे हा!

धन्यवाद!

मी फक्त उडिद डाळच घालून करते. आता असा चणा डाळ घालून करुन बघायला हवा. मस्त रेसिपी...फोटो हवा पण!

उपमा आणि उप्पीट यात फरक काय..?

मी टोमेटो किंवा भाज्या घालत नाही. फोडणीत डाळ आणि कांदा लालसर परतला की भाजलेला रवा हळद आणि कोथिंबीर्‍ घालून पुन्हा थोडा परतते. पाणी उकळून आधीच बाजुला ठेवलेले असते (पाणी उकळतानाच त्यात मीठ घालते). रवा थोडा परतल्यावर गॅस बंद करुन त्यात हळू हळू उकळेलेले पाणी घालते. एकदा चमच्याने मिक्स करून, झाकणावर पाणी ठेवून एक वाफ काढते.

जमवला! आणि डब्यात सुद्धा आणला..
थँक्स सायो

रवा कोरडाच पण खमंग भाजून वेगळा ठेवायचा. त्यानंतर फोडणी करून उडीद डाळ आणि चणाडाळ कोरडीच त्या फोडणीत लालसर परतून घ्यायची, कांदा कढीपत्त्याची पानं ही घालून परतून घ्यायचं. मग रवा घालून एकदा परतायचं; सगळी फोडणी रव्याला नीट माखली की मग उकळीचं पाणी घालून वाफ आणायची. नीट शिजला की त्यात चमचाभर साजुक तूप कडेनी सोडायच आणि गरमागरम खायला घ्यायचा. साजुक तूप + कढीपत्त्याच्या पानांचा एक मस्त सुवास येतो या उपम्याला. नुसताही मस्त लागतो.

हवं असेल तर मटार घालता येतात, फ्लॉवरही मस्त लागतो. वरून भुजीया शेव/ आलू भुजीयाही मस्त लागतो. लाड करायचे असतील तर काजू वगैरे तळून घालता येतील. चटणी + सांबार बरोबर असेल तर बर्‍यापैकी हेवी नाश्ता/ ब्रंच होतं.

मी पण असाच करते माझा एक आणा ... मी अर्धी वाटी दूध घालते ... उपमा पांढरा व मऊ होतो ...

मी टोमेटो किंवा भाज्या घालत नाही. फोडणीत डाळ आणि कांदा लालसर परतला की भाजलेला रवा हळद आणि कोथिंबीर्‍ घालून पुन्हा थोडा परतते. पाणी उकळून आधीच बाजुला ठेवलेले असते (पाणी उकळतानाच त्यात मीठ घालते). रवा थोडा परतल्यावर गॅस बंद करुन त्यात हळू हळू उकळेलेले पाणी घालते. एकदा चमच्याने मिक्स करून, झाकणावर पाणी ठेवून एक वाफ काढते. >>> +१ माझी ही हीच कृती आहे. आंबटपणासाठी लिंबू घालते, ते नसेल तर उकळते पाणी घाल्ताना ताक/दही चालते.

मला पुणे विद्यापीठातला किंवा लग्नाकार्यात मिळतो तो पांढरा उपमा प्रचंड आवडतो. पण साबांचे म्हणणे आहे कि बाहेर रवा पुर्ण भाजत नाहीत. कच्चाच असतो बराचसा. त्यामुळे त्याला चांगली चव आली तरी पचायला जड असतो.
(कोण रे म्हणतंय तिकडे "नाचता येईना..." )

पांढरा उपमा भाजत नसतील तरी उकळते पाणी घालतात म्हणून शिजतोच वाफा व्यवस्थित काढल्या की. आमच्या नणंदेच्या साबा पांढरा पण चविष्ट उपमा करतात. आमच्या घरी आपल भाजून लाल केलेल्या रव्याचा उअप्मा खायची सवय, पण तो ही चांगला लागतो.

मला समहाउ आही आवडत भाजून लाल केलेल्या रव्याचा उपमा.

डोळे मिटून खायचा.. खमंग लागतो.

अनघा

तसा भुकेच्या वेळी आवडतोच. पण मनापासुन खावा असा पांढरा उपमाच. त्यात पुणे वि. मधला तर..

बर. नीट वाफा काढलेला खात जा पण. मला कायम पां.उ. कच्चा आहे असे वाटते अन पचयला जड,

बर. नीट वाफा काढलेला खात जा पण. मला कायम पां.उ. कच्चा आहे असे वाटते अन पचयला जड,

उपमा झाला की गॅस बंद करुन झाकण ठेउन पाच दहा मिनिटे तसाच ठेवायचा आणि मग खायचा. मस्त मऊ मोकळा होतो.

जे आहे ते तसंच राहू दे. लोकांना जी कुठली पाकृ आवडेल ते ती करतील.

रच्याकने, इथलं शीर्षक संपादित करू शकतेस - 'बेस्ट उपमा कसा जमवावा' आणि पुढे कंसात - 'कोबीसहीत'