वळण

अनेकदा टोकाची भांडणे झाली
महिनोंमहिने शीतयुद्धे चालली

रडूनपडून आदळआपट झाली
तुझी...माझी वाट वेगळी म्हणताना
निरोप-समारोप घेऊन झाले
केलेले उपकार.. राहीलेली परतफेड
ह्यावर अवमान-अपमान करुन झाले

सगळा गुंता नकोसा झाला
सोबत नकोशी झाली
एकमेकांच्या सावल्याही नकोशा झाल्या
आहे ते जगच नकोसे झाले

पण कुठेतरी आग विझायची बाकी होती
ओघळलेल्या आसंवामधून
आतमधे दडलेला ओलावा दिसायला लागला
भांडता भांडता भावना उलगडायला लागल्या
नवी वाट निवडताना जुन्या वाटेवर पाउल जड झाले
आणि धुमसत धुमसत प्रेम नावाचे एक वेगळेच प्रकरण सुरु झाले!!!

बी