रोज होतोच वाद एखादा

Submitted by वैभव फाटक on 19 June, 2015 - 01:26

रोज होतोच वाद एखादा
रोज होतोच बाद एखादा

साथ तू सोडलीस माझी पण
घालतो रोज साद एखादा

घालणारे किती इथे पूजा
वाटणारा प्रसाद एखादा

जीवनाला कलाटणी देतो
देत उत्स्फूर्त दाद एखादा

माफ केली तुझी किती पापे
सोड माझा प्रमाद एखादा

वैभव फाटक

विषय: 
काव्यलेखन
शब्दखुणा: 
वैभव फाटक; मराठी गझल
Groups audience: 
गुलमोहर - गझल
Group content visibility: 
Public - accessible to all site users
शेअर करा

जीवनाला कलाटणी देतो
देत उत्स्फूर्त दाद एखादा

माफ केली तुझी किती पापे
सोड माझा प्रमाद एखादा <<< व्वा व्वा! सुरेख शेर

पहिले दोन शेरही मस्तच! मस्त गझल! धन्यवाद!

Submitted by बेफ़िकीर on 19 June, 2015 - 01:56