Name: फणसाचे उंबर
Cook time: १ दिवस
Yield: खाल तसे.
Cuisine: कोंकणी
Ingredients: २ वाटी बरका फणसाचा गर; दिड वाटी तांदूळाची पीठी; फणसाचा गर गोड नसेल तर आवडीप्रमाणे गूळ किसून; १ चमचा साजूक तूप; मूठभर ओले खोवलेलं खोबरं जरा आणखी वाटून घेवून; पाव वाटी अति बारीक वाटलेली चाळून घेतलेली काजू पूड; आवडीप्रमाणे केसर पूड; आवडीप्रमाणणे वेलची पूड. चवीला मीठ; तळायला आवडीप्रमाणे साजूक तूप नाहीतर तेल.

Submitted by देवीका on 28 May, 2015 - 15:52

प्रत्यक्षात लागणारा वेळ:

१ दिवस

लागणारे जिन्नस:

२ वाटी बरका फणसाचा गर,
दिड वाटी तांदूळाची पीठी,
फणसाचा गर गोड नसेल तर आवडीप्रमाणे गूळ किसून,
१ चमचा साजूक तूप,
मूठभर ओले खोवलेलं खोबरं जरा आणखी वाटून घेवून,
पाव वाटी अति बारीक वाटलेली चाळून घेतलेली काजू पूड,
आवडीप्रमाणे केसर पूड,
आवडीप्रमाणणे वेलची पूड.
चवीला मीठ,
तळायला आवडीप्रमाणे साजूक तूप नाहीतर तेल.

क्रमवार पाककृती:

१. जुना तांदूळ धूवून सावलीत वाळवून त्याची पीठी करावी.
२. चवीला मीठ घालून त्यात काजू पूड एकत्र करून घ्यावे. हातानेच चांगले एकत्र करावे.
३. गूळ हि घालून तसेच एकत्र करावे. नाहितर एकत्र फूड प्रोसेसर मध्ये घालावे व ब्लेंड करावे.
४. आता गर, वेलची पूड, केसर पूड, जायफळ पूड वगैरे घालून घुसळावे. त्याचा एकत्रित गोळा होइल. पाणी घालू नये.
५. हा गोळा रात्रभर झाकून आंबून ठेवावा. कमीत कमी १०-१२ तास आंबले पाहिजे. तसे आंबले तरच वडे करावे.
६. सकाळी एक चमचा शुद्ध तूपात पीठ जरासे मळून अनारसे करतो तसे वडे करावे पण खाली तीळ लावावे. म्हणजे तीळावर थापावे व तळावे. नाही तीळ लावले तर चालतील. पण ती चव येणार नाही.( भोक न पाडता)
७. बटाटयाच्या सुकी तिखट भाजीबर्बर खावे नाश्त्याला.

वाढणी/प्रमाण:

खाल तसे.

अधिक टिपा:

फणस जर नाहीच मिळाला(आता मौसमात मिळेलच) तर केळं, भोपळे आहेतच नेहमीच बंदे. पण ह्याची जी चव आहे ती काही अनुभवता येणार नाही.
अनारसा सुद्धा कमी पडेल ह्याच्या चवीपुढे.
काजू पूड व ओलं खोबरं सुद्धा नाही घातली तरी होइल पण मग पीठीचे प्रमाण जरा वाढवावे.

काजूची वस्त्रगाळ पूडच हवी. जरा जरी दाणे असतील तर पातळ थापले जाणार नाहीत.

माहितीचा स्रोत:

काही निवडक कोंकणी घरातला पारंपारीक नाश्ता. बटाटयाची भाजी हि अलीकडची आवड

आहार:

पाककृती प्रकार:

प्रादेशिक:

शब्दखुणा:

Groups audience:

पाककृती आणि आहारशास्त्र

Group content visibility:

Public - accessible to all site users

शेअर करा

वेगळा आहे प्रकार. छान वाटतोय

वेगळा आहे प्रकार. छान वाटतोय पण कधीच चाखलेला नाही.

Submitted by योकु on 28 May, 2015 - 15:57

मस्तं वाटतंय वाचायला. फोटो

मस्तं वाटतंय वाचायला.
फोटो टाकलात तर मजा येईल.

Submitted by साती on 29 May, 2015 - 00:10

आमच्याकडे , पाचकळश्यांकडे ,

आमच्याकडे , पाचकळश्यांकडे , उम्बर भज्यांसारखे करतात .
मालपोआ सारखी चव लागते पण आकार भजीचा .
श्रावणात जिवतीच्या पूजेला दर शुक्रवारी हा प्रकार असतो .
खरतर केळं घालून करतात पण मला चव आवडत नाही म्हणून साबा माझ्यासाठी वेगळे करतात.

Submitted by स्वस्ति on 29 May, 2015 - 01:58

मस्त आमच्याकडे करतात .. पण

मस्त आमच्याकडे करतात .. पण फक्त फणसाचा रस घालुन ( गावी जास्त बरका फणस असेल तेव्हा हे केल जायचे ) आता जास्त कोण करत नाही..

Submitted by सृष्टी on 29 May, 2015 - 02:08

नविन प्रकार .. साहित्य बघून

नविन प्रकार .. साहित्य बघून वाटल होत की फणस आणि तांदुळाची पिठी घेऊन बोंड बनवत आहात कि काय ..
इथ कुणालाच कोहळ्याचे ( भोपळा ) बोंड हा प्रकार माहिती नै वाटत ..

रेसिपी टाकावी म्हणते, कसे ?

Submitted by टीना on 29 May, 2015 - 02:20

सर्वांना धन्यवाद. सृष्टी आणि

सर्वांना धन्यवाद.
सृष्टी आणि स्वस्ति, तुमचे प्रतिसाद वाचून आनंद वाटला. कारण हा पदार्थ जवळपास विस्मरणात गेला आहे. जवळ जवळ नाहीच करत कोणी.
सृष्टी, तुम्ही कोकणात कुठून?( सहज विचारतेय .. कारण हा पदार्थ तुम्हाला माहीत आहे म्हणून.)

काजू पूड वगैरे आजीचे लाड होते कारण फणसाबरोबर काजूचे उत्पादन होत असे.

गावाहून फणस आला की बनवेन व टाकेन.

टीना, तुम्ही घारगे म्हणता आहात का? भोपळ्याचे ना? कोहळ्याचे माहीत नाही.
बोंड हा फणस वापरून सुद्धा केला जातो काय? आणि काय प्रकार असतो? तुम्ही कोकणातला सांगताहात का हा बोंड पदार्थ?

Submitted by देवीका on 29 May, 2015 - 04:32

देवीका तुम्ही नको प्लीज

देवीका तुम्ही नको प्लीज ..
फणसाचे बनतात अस वाटत तर नै ..
बोंड हा एक गोड पदार्थ आहे विदर्भात बनतो .. गावाकडे भोपळे असतात घरी वेलीला लागलेले टणक आवरण असणारे त्यापासुन बनतो .. मला नै ऐकीवात घारगे हा शब्द .. झाल तर पाकृ टाकेल मी पण .. पण प्रचि असल्याशिवाय मज्जा नै येत म्हणून थांबलेली आहे.. तुमच्या पन पाकृ चा प्रचि टाका लवकर