जुनी शाई नवी शाई

Submitted by वैवकु on 5 January, 2015 - 10:45

जुनी शाई नवी शाई लगेचच ओळखू येते
तुझी "इतिहास-भरपाई" लगेचच ओळखू येते

कुठे लपवायला जमते तुला प्रत्येक जखमेला
तुझ्या नटण्यातली घाई लगेचच ओळखू येते

इथे रात्री जरी लाख्खो फुलांचा गंध दरवळतो
मनाने वेंधळी जाई लगेचच ओळखू येते

जरी करतेस शब्दांची अशी आरास सोनेरी
तुझ्या डोळ्यातले बाई लगेचच ओळखू येते

उगाचच कान धरणे तू उगाचच मागणे माफी
कुणी केली दिरंगाई ..लगेचच ओळखू येते

मने पहिल्याच हप्त्याला पुन्हा भजतात स्वस्ताई
खिशांपुढली महागाई लगेचच ओळखू येते

उभी दुनिया जिथे गाते तिची गाणी उजेडाची
तुझी ती किर्र अंगाई लगेचच ओळखू येते

तिचा संसार दिसतो "एकटीचा" ..सर्व बाजुंनी
तुझ्या गर्दीत रखुमाई लगेचच ओळखू येते

विषय: 
काव्यलेखन
साहित्य
Groups audience: 
गुलमोहर - गझल
Group content visibility: 
Public - accessible to all site users
शेअर करा

इथे रात्री जरी लाख्खो फुलांचा गंध दरवळतो
मनाने वेंधळी जाई लगेचच ओळखू येते

जरी करतेस शब्दांची अशी आरास सोनेरी
तुझ्या डोळ्यातले बाई लगेचच ओळखू येते<<< वा वा

तिचा संसार दिसतो "एकटीचा" ..सर्व बाजुंनी
तुझ्या गर्दीत रखुमाई लगेचच ओळखू येते<<< मस्त

शेर आणि गझल आवडली.

फेसबूकवर दिलेल्या प्रतिसादाव्यतिरिक्त आत्ता नव्याने आवडलेला एक शेर खाली कोट करत आहे.

>>>कुठे लपवायला जमते तुला प्रत्येक जखमेला
तुझ्या नटण्यातली घाई लगेचच ओळखू येते<<<

सुंदर!

Submitted by बेफ़िकीर on 5 January, 2015 - 10:48

मनाने वेंधळी जाई लगेचच ओळखू येते<<<

तुमच्या काही ओळी कायमस्वरुपी स्मरणात राहणार्‍या आहेत तशीच ही एक ओळ!

ह्या आधीची आठवणारी एक (वरवर स्वस्त वाटेल अशी, पण निखालस निरागस आणि नैसर्गीक) ओळ म्हणजे:

'भिजण्यास घाबरतात त्या पोरी कश्या पटवायच्या'

Submitted by बेफ़िकीर on 5 January, 2015 - 10:49

धन्यवाद बेफीजी
गुरुकृपा आहे ..दुसरे काय !

पुनश्च धन्यवाद
आपले आशीर्वाद असेच माझ्या गझलेच्या पाठीशी राहूद्यात सर

Submitted by वैवकु on 5 January, 2015 - 10:56

जमीन चांगलीच आहे बरका

मला एक शेर पाडता आला ह्या जमीनीत

सुखांची प्रेतयात्रा वा असो बारात दु:खांची
मला हल्ली तुझी आई..लगेचच ओळखू येते !!

शेर जरा हसवा आहे बरका..

असो
येतो ..बाय !

Submitted by वैवकु रीटर्न्स on 6 January, 2015 - 00:58

तिचा संसार दिसतो "एकटीचा" ..सर्व बाजुंनी
तुझ्या गर्दीत रखुमाई लगेचच ओळखू येते >>> लै झ्याक बगा!

Submitted by अत्रुप्त आत्मा on 6 January, 2015 - 08:49

जमीन जबरदस्तच !
सगळेच शेर थोड्याफार फरकाने आवडले .

किर्र अंगाई ...सगळ्यांत जीवघेणा. Happy

Submitted by सुशांत खुरसाले on 6 January, 2015 - 12:13

अर्रर्र, लिहायला लागले का तुम्ही.

''मने पहिल्याच हप्त्याला पुन्हा भजतात स्वस्ताई'' ही ओळ
आस्वादाला घेतो, सध्या जरा बीझी आहे, तोपर्यंत केवळ पोच.

जुनी दारु, नवी दारु दुकानात लगेच ओळखून येते.
बिनवासाची किती मारा, पिलो हे तिला ओळखून येते.

अहाहा. कसला खतरा शेर सुचलाय. क्या बात है, मस्त.

-दिलीप बिरुटे

Submitted by प्रा.डॉ.दिलीप बिरुटे on 7 January, 2015 - 09:57

वैवकुंच्या सुंदर गझलांवर बिरुटेंचे केविलवाणे, क्षीण व आचके देणारे विनोद मोफत मिळतील अशी एक पाटी लावा आता.

Submitted by बेफ़िकीर on 7 January, 2015 - 13:10

तरी म्हटलं बाळ बेफिकीर अजुन कसा वकीलपत्र घेऊन आला नाही. पाटी लावायचीच तर
''शिष्यासाठी फुकटात वकिली व जिलेबी'' तयार करून मिळेल, अशी पाटी लावू हं आपण.

बाकी आमच्या ओळी म्हणजे विनोद आणि तुमच्या ओळी म्हणजे महाकवी कालिदासाला सुचल्या नाहीत अशी जगप्रसिद्ध रचना, हे काही बरोबर नै हं !

-दिलीप बिरुटे

Submitted by प्रा.डॉ.दिलीप बिरुटे on 7 January, 2015 - 17:55

अवांतर - सगळे गझल करणारे प्राध्यापक एक सारखेच असतात की काय?

नाही. मला म्हटलंत का ?

Submitted by समीर चव्हाण on 13 January, 2015 - 09:50