अटलांटा GTG १८ जुलै २००९

RJ | 3 August, 2009 - 11:48
GTG - part doux
=========

अटलांटावासी GTG साठी एकदम उत्साही.
"विकेंडला भेटायच का?" ह्या एवढ्याश्या पोस्टवर आमचं दुसरं GTG ठरलं आणि पार पडलं सुद्धा.

परवा 'मो'नी इथेच एक पोस्ट टाकलं की मुलांना piedmont park मधे न्यायच का?
पार्कमधे नेऊन मुलांना दमवले की घरी येऊन ती पटकन झोपतात. केवळ ह्या शुद्ध हेतुनी मी हो म्हटलं.
आणि एकत्र जमतोच आहोत तर नंतर कुठे तरी खादाडीसुद्धा करून घेऊ, असं शेपुटपण त्याला जोडून दिलं. अटलांटा बाफवर आधी झालेल्या 'मुलं आणि रेस्टॉरंट्स' ह्या चर्चेमुळे, नंतरच्या खादाडीसाठी एखादं देसीच ठीकाण गाठावं असही ठरलं.

त्यानुसार फोना-फोनी झाली. पोरं-बाळंवाले साधारण ५:०० वाजता piedmont park मधे जमणार आणि बाकीचे नंतर direct खादाडीसाठी येणार असा साधारण प्लॅन ठरला.

५:३० पर्यंत मो-राहुल आणि शिल्पा-राहुल बच्चे मंडळींसकट जमलो. आणि थोड्याच वेळात piedmont park च्या मोऽठ्या हिरवळीवर सतरंजी टाकून आयांच्या गप्पा, बाबामंडळींचा फ्रिस्बी खेळण्याचा (!) प्रयत्न आणि सैरावैरा धावत सुटलेली मुलं, असा अगदी प्लॅनींग केल्यापप्रमाणे कार्यक्रम चालू झाला. मधेच अडमानी एक फोन करून, पार्कमधे अजून किती वेळ लागेल ह्याची चौकशी करून घेतली. (तेवढ्या वेळात आ.स्व.पू. उरकून घेण्याचा त्याचा विचार असावा ). भावना-सुनीत सुद्धा पार्कमधून निघण्याच्या थोडं आधी, भोज्जा देण्यासाठी आले. मग पुन्हा एकदा गप्पा आणि फ्रिस्बीचा एपिसोड झाला.

आता कधी नव्हे ते केलेल्या पळा-पळी मुळे जोरदार भुक लागली आणि मोर्चा वळवला सर्वाणा भवन कडे. मंदळी स्थानापन्न झाली. मुलांना सांभाळणं अगदी सोपं असतं, असा अडमनी जोरदार दावा केला असल्याने आपसुकच जेवताना 'बेबी सिटींग' त्याच्याकडे आलं. अडमाच्या दुर्दैवाने सगळ्यात नाठाळ पोरग त्याच्या शेजारी बसलं होतं. आदित्यनी (RJ Jr.) सुरुवातीला ५-१० मिनीट शांत बसून दाखवलं. मग थोड्याच वेळात आपल्या करामतींनी अडमाला जेरीस आणलं. बाकीच्या पोरांनी तो पर्यंत आरडा-ओरडा करून, टेबलाभोवती पळा-पळी करून पार ठेसनाची कळा आणून सोडली.
१५ मिनीटात अडमानी पांढरे निषाण काढले. (तुमच्या) पोरांना सांभाळणे ही फार कठीण गोष्ट आहे आणि मी 'डे केअर' संकल्पनेचा पुनर्विचार करत आहे, असं म्हणून पार शरणागतीच पत्करली.

तेव्हा NJ ए.वे.ए.ठी. करांनो, बेबी सिटींगसाठी अडमावर विसंबून राहु नका (असा एक अनाहुत सल्ला ).

बाकी सर्वाणाचं साऊदींड्यन फूड छानच. (फिल्टर कॉफी मात्र अजीबात जमली नाही). त्या अनुशंगाने पुण्यातल्या साऊदींड्यन हाटीलांचा एक आढावा घेऊन झाला. (म्हणजे फक्त वैशाली आणि वाडेश्वर... त्या पुढे गाडी जात नाही. )
आता ह्या नंतर सुद्धा उत्साही मंडळी कोल्ड स्टोनच आईसक्रीम खाऊन घरी जाणार होती. कोल्ड स्टोनच आईसक्रीम एकदम अफलातून. त्यामुळे ऑफर एकदम टेम्प्टींग. पण आम्ही गाडीत बसल्यावर पोरं झोपणार असा सुज्ञ विचार करून घरी.

निघण्याआधी मागच्या पायंड्याप्रमाणे पुस्तकांची देवाण-घेवाण. आणि पुन्हा भेटुयाचा वायदा.

संपादन प्रतिसाद adm | 3 August, 2009 - 12:00
वृत्तांताचा निषेध..

ज्यूनिअर आर्जे ला मी नीट संभाळलं होतं... सर्वाणा मधे तो एकदाही रडला नाही... मी त्याला डोश्याच्या एक तुकडा बिस्कीट असं सांगून खायला दिला.. त्याने त्याचा राडा केला.. ते सगळं बघून एस्जे ने माझ्या कडे तु्.क. टाकला..
त्या तु.क. चा रागिट क. होण्यापूर्वी मी त्याला मागच्या भिंती वर चढू देऊन चमच्यांची फेकाफेक करू दिली.. मग तिथल्या म्यानेजरने पण आमच्या कडे तु.क. टाकला... पण मी त्याच्या कडे टोटल दुर्लक्ष केले.. !

त्याउलट मो चा मुलगा ती त्याच्याकडे दुर्लक्ष करून भावना बरोबर माबो च्या गॉसिप करत बसल्याने अधून मधून रडत होता... शेवटी तो स्वतःचे मन रमवण्यासाठी इकडे तिकडे पळत होता...

निघण्याआधी मागच्या पायंड्याप्रमाणे पुस्तकांची देवाण-घेवाण.. >>>>> सध्यातरी नेहमी घेवाण च होते..