ये गुलाबी

आकाशात इंद्रधनुष्य पाहताना मनात विचार आला. किती सुंदर रंग आहेत हे, मन एकदम प्रसन्न झाले. रंगाला आपल्या आयुष्यात खुपच महत्व आहे. ज्यानां रंग पाहता येत नाहीत त्यांच्याबद्दल खुप वाईट वाटत आहे. रंग नसते तर जीवन कसे भकास असते. रंगामुळे आपले जीवन रंगीत झाले आहे. आपल्याला साध्या टीवी पेक्षा रंगीत टीवी पहायला जास्त आवडते. निसर्गात सर्व रंगाच्या छटा असतात. निसर्गात सर्व रंगाची उधळन होत असते. आपल्याकडे रंगांचा उत्सव असतो. रंगपंचमी, होळी.
शाळेत असताना एक धडा होता. आकाश पहीले रंगीत होते, आणि सर्व फुले सफेद होती. फुलांना वाटले की आपण सुगंधी तर आहोतच आपल्याला रंग मिळाले तर आपणही रंगीत आणि सुगंधी होवु. त्यांनी आकाशाकडे रंगाची मागणी केली. आकाश फुलांना रंग देण्यासाठी खाली आले. फुलांना रंग मिळाले. पण काही फुले सफेदच राहीली, कारण आकाश फुलांना रंग देण्यासाठी आले तेव्हा काही फुले झोपली होती. म्हणुन ती सफेदच राहीली.
मोराचा रंग मोरपिसी, मेंदीचा रंग, गुलबक्षीचा रंग गुलबक्षी, डाळींबाचा रंग डाळींबी, मखमलीचा रंग मखमली हे आपण नाव दिलेले रंग. सातच रंग असतात जांभळा, तांबडा, नारंगी, पांढरा, नीळा, पिवळा, हिरवा. हे रंग मिळुन विविध रंग तयार होतात. रंगाबद्दल खुपकाही लिहीले गेले आहे. त्यातील मला दोन ओळी आठवत आहे. १)रंगात रंगुनी पण रंग माझा वेगळा २) पानी रे पानी तेरा रंग कैसा जिसमे डाला उसके जैसा.
मला सर्व रंग आवडतात. त्यात लाईट रंग जास्त आवडतात.
मला गुलाबी रंग फार आवडतो. ( बेबी पिंक ) लाल + सफेद रंग मिळुन गुलाबी रंग तयार होतो.
गुलाबी रंग म्हटले की डोळ्यासमोर येतात :
गुलाबी गुलाब
गुलाबी शहर (जयपुर)
गुलाबी बगळे (फेमींगो पक्षी)
गुलाबी केकचे क्रीम
मला गुलाबी रंग फार आवडतो. तसाच तो सर्वांना आवडत असेल का?
तुम्हाला गुलाबी रंग म्हटले की काय आठवते.
तुम्ही तुमचा आवडीचा रंग लिहा.
रंगाबद्दल अजुन काही लिहा.