ये क्या जगह दोस्तों...

"ये क्या जगह है दोस्तो...." शहरयार यांची ही रचना या पूर्वी ऐकली/वाचली होती. एका तरुणीची वेदना त्यात प्रकटते आणि एके ठिकाणी ती म्हणते "बुला रहा है कौन मुझ को, चिलमनो के उस तरफ, मेरे लिये भी क्या कोई, उदास बेकरार है...." ~ श्री.गजानन यांचा लेख वाचल्यावर उमजते की अशा एक नाही अनेक अल्पवयीन आणि दडपशाहीने वेश्याव्यवसायाला सामोरे जावे लागणार्‍या उमरावजानना आशा आहे की त्यानीही म्हणावे "मेरे लिये भी क्या कोई, उदास बेकरार है...". त्याना एकप्रकारच्या नरकातून वाचविण्यासाठी, शारीरिक हालअपेष्टातून सोडविण्यासाठी "रेस्क्यू फाऊंडेशन" अथकपणे झटत आहे. लेखातून संस्थेच्या कार्याची ओळख झाली, त्याशिवाय त्यांच्या वेबसाईटवरून पूर्ण माहिती मिळते...विशेषत; आचार्य पतीपत्नी करीत असलेले सामाजिक कार्य तर समोर येतेच शिवाय रेड लाईट एरियात प्रत्यक्ष जाऊन मनाविरूद्ध वेश्याव्यवसायात यावे लागलेल्या मुलींना तेथून सोडवून आणणे आणि केन्द्रात दाखल करणे...यातील जे संभाव्य धोके आहेत त्यानाही नीडरपणे सामोरे जाणे याबाबत तर त्यांचे, पोलिस मदतीचे, सहकार्‍यांचे जितके कौतुक करावे तितके कमीच.

लेख आणि फोटोगॅलरी या विभागावरून संस्थेच्या कार्याची व्याप्ती ठळकपणे समोर येते.

तुमच्या लेखात "...कंपनीने त्यांच्या काही प्रकल्पांकरताच्या खर्चाचा वाटा उचलला...." असा सुरुवातीला उल्लेख आहे. व्यक्तिगत पातळीवर मी फुल ना फुलाची पाकळी म्हणून काही रक्कम त्याना दिली तर ते घेतात का ? असेल तर संबंधित माहिती तुम्ही इथे द्याल ?

<< या मुली इथं येण्यापूर्वी त्यांनी नेमकं काय काय सहन केलं असेल याची कल्पना केली तरी मेंदूला झिणझिण्या येतात. बाराव्या वर्षी माता झालेल्या आणि त्या बाळाची जबाबदारी सर्वस्वी स्वतःवर येऊन पडलेल्या मुलीने भविष्याकडे काय म्हणून बघायचे? ड्रग्जच्या अंमलाखाली रस्त्यावर आणून टाकल्या गेलेल्या आणि तिथून इथं आणल्या गेलेल्या पण आता मागचा भूतकाळ अजिबात न आठवणार्‍या, नृत्यकलेत सरस्वतीचा वरदहस्त लाभलेल्या मुलीने जगण्याची कुठून सुरुवात करावी? पालकांचा ठावठिकाणा लागलाय पण लोकभयानं ते तिला इथून घेऊन जायला तयार नसलेल्या मुलीने कोणाला जवळ करावे? तेरा चौदाव्या वर्षी HIV ग्रस्त झालेल्या मुलीने कोणाला दोषी धरायचे? >>

अस्वस्थ करणारे प्रश्न. यांची अंशतः का होईना उत्तरे मिळवण्यासाठी झटत असलेल्यांना मनापासून अभिवादन.

चांगलं लिहिलं आहेस जीडी.

शीर्षक किती समर्पक निवडलं आहे !
ह्या संस्थेची माहिती दिल्याबद्दल धन्यवाद. वेबसाईट बघते.

शीर्षक किती समर्पक निवडलं आहे ! >>> +१ (आज माझा अगो ला +१ द्यायचा दिवस दिसतोय )

गजा, आपल्या बर्‍यापैकी सुरक्षित आणि बेसिक गरजा व्यवस्थित पुरवल्या गेलेल्या आयुष्या व्यतिरिक्त अशी आयुष्य बघायला मिळाली तर आपल्या पलिकडे काय जग आहे हेही कळते.

ह्या संस्थेची माहिती दिल्याबद्दल धन्यवाद. वेबसाईट पाहते
समर्पक शीर्षक!!

अशी एखादीची कहाणी वाचण्यात येते त्यावेळी वाटते, एखादीच असेल तशी.. पण ती तशी एखादीच नसते.
आज जगभरात फ्लेश ट्रेड ने भयावह रुप घेतलेले आहे. कल्पनाही करवत नाही एवढ्या प्रमाणावर हे चाललेले आहे.
अशा संस्था जितक्या निर्माण होतील तेवढ्या थोड्याच.

धन्यवाद गजानन.
वेसाईट पाहते.

गजानन, महत्वाची माहिती दिलीयेस. थोडक्यात पण कळकळीने लिहिलंयस.
संपर्क तपशीलाबद्दल वेगळे धन्यवाद. वेबसाईट पहाते, संपर्क करते.

अस्वस्थ वाटलं वाचून.
माहितीबद्दल धन्यवाद, गजाभाऊ.

माहितीबद्दल धन्यवाद.

चांगली माहिती ..

अस्वस्थ वाटलं वाचून. नीट माहिती दिली आहेस. सुपंथ तर्फे काही मदत करता येईल का ह्यबद्दल बघायचेय का ?

धन्यवाद ह्या माहितीबद्दल.
असामीला अनुमोदन.

हं.. अशी कुठली माहिती वाचनात आली की अस्वस्थच वाटतं..

अशी कुठली माहिती वाचनात आली की अस्वस्थच वाटतं.. >> अगदी

गजाननराव....

तुम्ही दिलेल्या admin@rescuefoundation.net या पत्त्यावर अ‍ॅडमिन याना मी मेल केली आहे. आज त्यांचे उत्तर आले की लागलीच पोस्टाने चेक पाठवून देतो.

साईटवरील विकल्प पाहिले. पण मला सर्वाधिक पोस्टाचाच मार्ग सोपा वाटतो. एकतर माझ्या घराशेजारीच पोस्ट ऑफिस आहे. शिवाय बॅन्केच्या त्या विविध सुविधा (कार्डस...सारख्या) माझ्याकडे नसल्याने अशी रक्कम पाठवायची झाल्यास चेकशिवाय अन्य मार्ग नाही.

रेस्क्यू फॉऊंडेशन समिती चेक स्वीकारतील अशी आशा आहे. त्यांच्याकडून उत्तर आल्यावर इथेही माहिती देतोच.

खरच अस्वस्थ वाटल वाचून

ह्या साईटची फोटो गॅलरी पाहिली.

रेडलाईट एरियामधले रुम्स आणि रस्त्यांचे फोटो बघवले नाहीत. ह्या धंद्याला कधीच मरण नाही म्हणून इतके जीव ह्यात ओढले जातात आणि त्यांची शरिरं/मनं जगण्याच्या लढाईत पाचोळा होऊन रहातात का? ह्या धंद्याला कारणीभूत असलेल्या अनकंट्रोल्ड वासना नामक राक्षस पोसणार्‍या समाजाच्या एका भागाची चीड आली. ग्राहक काही तासांसाठीच तिकडे मान वळवून बघतो आणि कार्यभाग साधला की उजळ माथ्याने पुन्हा उर्वरित समाजात मिसळून जातो. पण ह्या स्त्रियांचं काय? ह्यांच्या आरोग्यस्वास्थ्याचं काय? ह्यांच्या मनःस्वास्थ्याचं काय? ह्यांच्या जळून गेलेल्या स्वप्नांचं काय?

कवायत, प्रार्थना, कराटे, खेळ, शिवणकाम वगैरे करतानाचे फोटो आशादायी आहेत.

खूप खूप अस्वस्थ वाटलं काही वेळ. नंतर परत आपण आपापल्या उद्योगात रमून जाऊ, कुणालाच काडीचाही उपयोग नसलेल्या....फक्त स्वतःला आनंद मिळवून देणार्‍या छंदांमधे गुरफटून जाऊ. कारण आपलं विश्व तेवढंच. आपल्याच आजूबाजूला कित्येक काळोखे ग्रह असेच अनंत काळापर्यंत फिरत असतील. त्यांच्या कक्षा आपल्या कक्षेला कधी छेदत नसल्याने त्यांच्याकडे असं कधीतरीच आपलं लक्ष जाईल. थोडं चुकचुकू आणि परत आपल्या ऑर्बिटमध्ये फिरत राहू . गिल्ट येतोय.

गजा, ह्यावेळच्या ववि संयोजन मंडळाला ह्या संस्थेचं नाव सुचव डोनेशनसाठी.

मला त्या साईटवरचे फोटो दिसत नाहीयेत.
सुन्न करणारे वास्तव आहे हे!
माहितीबद्दल धन्यवाद गजानन. त्यांना देणगीखेरीज इतर कोणकोणत्या मार्गाने - प्रकारे मदत करता येईल हेही कळू शकले तर बरे होईल.

अस्वस्थ वाटलं वाचून.
माहितीबद्दल धन्यवाद, गजाभाऊ. >>>>> +१०० ...

त्या तारामाश्याच्या गोष्टीतल्यासारखे एखाद्याच्या आयुष्यात तरी आपण बदल थोडाफार बदल घडवून आणू शकतो. >>> हो. जमेल तसं करायचंच अश्या गोष्टींनी मनाला पडलेल्या पिळाचा एक वळसा तरी मुद्दाम सोडवायचा नाही. आपण आपल्यातच मश्गुल असलो तरी तो वळसाच कायम आठवण देत राहतो की बाई गं, तुझ्या पलिकडेही जग आहे आणि त्याची कायम आठवण ठेव.

गजाननराव....

रेस्क्यू फाऊंडेशनचे प्रोजेक्ट ऑफिसर श्री.अमिष नाथवानी यानी माझ्या पत्राची नोंद घेऊन लागलीच अगत्याने देणगी संदर्भात जादाची माहिती पाठविली आहे. त्यानुसार आज मी चेकने रक्कम पोस्टाद्वारे पाठविली आहे. मदतीसंदर्भात श्री.नाथवानी यानी खालील पत्ता व फोन नंबर दिला आहे. त्याचा वापर इथल्या कुणा सदस्यांना करायचा असेल तर ते करू शकतात :

Rescue Foundation, Plot No.39, Fatimadevi Road, Behind Our Lady of Remedy School,
Poisur, Kandivali (W), Mumbai - 400067, Maharastra, India.

Telephone : +91-22-28060707 / 28625240
Mobile : +91-98202 10705
E-mail : admin@rescuefoundation.net

( एक किरकोळ शंका : तुमच्या लेखात "बोईसर" असा उल्लेख आहे...तर अमिष यानी दिलेल्या पत्त्यात Poisur असे टंकलेले दिसले. दोन्ही ठिकाणे एकच का ? )

अस्वस्थ वाटलं वाचून.
माहितीबद्दल धन्यवाद, गजाभाऊ. >>>>> +१०० ...