आयपीएल-७ (२०१४)

पोलार्डच्या बॉलिंगवर MI चा अधिकच विश्वास आहे. Oh wait, they do not have 6th baller. Pollard is effective for couple of hours. Last year, Smith complimented him perfectly to finish up 4 overs quota for fifth baller.

३ असो या ४

चालला पण पाहीजे

हैदराबादने १७०+ स्कोअर केलाय. मुंबईच्या सध्याच्या फॉर्मवरून त्यांच्यासाठीं हें कठीणच लक्ष्य म्हणायला हवं ! पण टी-२० आहे, कोण कधीं अफलातून खेळी करेल ,सांगता नाही येत !!!
किती ४ किपर आहेत MI च्या टीममधे

<< "४ किपर आहेत MI च्या टीममधे">><< - आणी हैद्राबाद कडे २ (ओझा आणी राहूल).>> ह्या सर्वानी फलंदाज म्हणून स्वतःच्या यष्टीचं रक्षण केलं म्हणजे मिळवली !! ओझाने शेवटी येवून १०धांवा काढून हैदराबादसाठी आज हें केलंय !!

मुंबई ३१-३ !! बहुतेक, With no points at all to carry, Mumbai will travel light on return journey to India !!

पोलार्ड जिंकवणार का आज मुंबईला ??

काढलेलीच पोलार्डने मॅच.. पण मुंबई गंडलीच आहे.. हरभजनला त्या गौतमच्या आधी का पाठवला हे अनाकलनीय.. भज्जी आंधळ्यासारखा बॅट फिरवतो आणि त्याने बॉल फुकट घालवून सामना घालवण्याचे फुल्ल चान्सेस होते. भुवनेश्वरच्या ओवरला पोलार्डला एकच बॉल खेळायला मिळाला तिथेच सामना गेला !

इतर भेदक गोलंदाज संघात असूनही खास फॉर्मात नसलेल्या इर्फानला शेवटच्या ओव्हरसाठी राखून ठेवणं या धाडसी खेळीबद्दल धवनलाही श्रेय जातं !

इतर भेदक गोलंदाज संघात असूनही खास फॉर्मात नसलेल्या इर्फानला शेवटच्या ओव्हरसाठी राखून ठेवणं या धाडसी खेळीबद्दल धवनलाही श्रेय जातं ! >> calculations विसरला असेल कदाचित पोलार्ड समोर दोन लेगस्पिनर्स एकाच वेळी, हि बात काही झेपली नव्हती.

आज जागतिक कामगार दिवसा निमित्ताने आयपीएल ची एकही मँच ठेवली नाही

धन्य ते मालक आणि त्यांचे कामगार

नाबाद २५०*.

आज बहूदा सगळ्या टीम्स यूएई हून भारतात येत असाव्यात. उद्यापासून भारतातले सामने सुरू.

उद्या चेन्नाई रांचीत! धोनी ने शतक केलेच पाहिजे.

<< calculations विसरला असेल कदाचित >> नसावं. सामन्यानंतर धवनला ह्याबद्दल विचारण्यात आलं होतं. 'फ्रंटलाईन' गोलंदाजांना आधींच षटकं देवून बळी मिळवायचे व त्या दबावाखाली आलेल्या इतर फलंदाजांसाठी इर्फानचा उपयोग करायचा ही ठरवलेली व्यूहरचना होती, असं तो म्हणाला. [अर्थात, याबद्दल प्रश्न विचारल्यावर धवनने आयत्या वेळीं हा 'इम्प्रुव्हाईज्ड स्ट्रोक' मारला असण्याची शक्यताही नाकारता येत नाही !]
धवन हा किती धूर्त कप्तान आहे, हें अजून ठरायचं आहे. पण मैदानावर तरी तो कप्तानासारखा वागतो व नेतृत्व त्याला सहजसुलभ असल्याचं जाणवतं.

<< धन्य ते मालक आणि त्यांचे कामगार >> व धन्य तो अतिप्रचंड ग्राहकवर्ग [म्हणजे आपण !] जो त्यानी बनवलेला कसलाही माल ते सांगतील त्या किंमतीत उचलतो !!!
<< चेन्नाई रांचीत! धोनी ने शतक केलेच पाहिजे.>> झक्कीजी, सामना केकेआर विरुद्ध आहे. सध्याचा केकेआरचा फॉर्म बघतां, धोनीला शतक करण्यासाठी टॉस जिंकून [ जी त्याची स्पेश्यॅलिटी आहे ] प्रथम फलंदाजी घ्यावी लागणार !

<< धोनीला शतक करण्यासाठी टॉस जिंकून [ जी त्याची स्पेश्यॅलिटी आहे ] प्रथम फलंदाजी घ्यावी लागणार ! >> चला , यांतला पुढचा अर्धा भाग तर पार पडला; आतां पाऊस थांबल्यावर बघूं झक्कींच्या वेधशाळेच्या अंदाजानुसार धोनी धांवांचा पाऊस पाडतो का !!!

मायभूमीत येवून, कन्यारत्न झाल्याचा शुभसंकेत मिळूनही गंभीरच्या स्वतःच्या व त्याच्या संघाच्या कामगिरीला कांही उर्जितावस्था येत नाहीच आहे !! आणि, चेन्नईसाठी तर 'सर' जडेजा धोनी सांगेल त्यांचे व सांगेल तितके बळी मोठ्या खुन्नसने घेतोय !!!
[ पण बाप झाल्याबद्दल काल त्याचं अभिनंदन केल्यावर गंभीर खूप दिवसानी प्रथमच मनापासून गोड हंसताना दिसला !!]
आज मायदेशीं आल्याने मूंबईच्या तरी ग्रहदशेत कांही फरक पडतो का तें पहायचंय !

अवघड दिसतंय एकुण. मुंबई १६९ काढेल का?

पोलार्ड डंक आणि रोहित शर्मा बहुतेक खेळुन जातील

पंजाब - १६८ -५ [ मॅक्स्वेल ४५, साहा -५६ ];
बेन डंगबद्दल जें बरंच ऐकलंय तें मुंबईसाठी आज खरं ठरवेल तो ? मुंबई आज नेहमीपेक्षां बर्‍या मूडमधे दिसतेय, हें मात्र खरं . आज दोन्ही संघाना ह्या आयपीएलमधला हरण्या/जिंकण्याचा विक्रम अबाधित ठेवण्याचा /मोडण्याचा मोका साधायचा आहे !

संदिप शर्मा CSK साठी खेळता तर भारतीय संघात असता आयपील नंतर

रोहित पोलार्ड अ‍ॅंडरसन तारे.......... खेळुन गेले ......... पहिला विजय मुंबईचा......... पहिला पराभव पंजाब चा

क्रिकेटला अनिश्चततेचा खेळ म्हणतात ते याचसाठी ..

चला, मुंबईने काढून टाकला एकदांचा मानसिक 'मेगॅब्लॉक' !!
तारे झाला तारणहार !!!

त्याचं नाव तरे आहे. इंग्लिश स्पेलिंग मुळे त्याला सगळे तारे म्हणतात. (असंच आपलं लिहितोय, त्याला वाईट वाटू नये म्हणून )

संदिप शर्माच्या सगळ्या विकेटस क्लास प्लेअर्सच्या आहेत. पुढच्या वर्षी तो चेन्नई कडे जाईल असे दिसते.

<< इंग्लिश स्पेलिंग मुळे त्याला सगळे तारे म्हणतात.>> म्हणून मीही तेच तारे तोडले ! आतां ती चूक नाही करणार. धन्यवाद.
<<....पुढच्या वर्षीं तो चेन्नईकडे जाईल असं वाटतं >> धोनीच्या आवडी-निवडी गुणवत्ता व कामगिरीवरच अवलंबून असतातच असं नाहीं !!

चेन्नई, पंजाब, पाठोपाठ राजस्थानने आपली विजयी घोडदौड कायम राखल्यास आणि मुंबईने या विजयानंतर आपली विजयी दौड सुरू केल्यास १४ पैकी ७ सामने जिंकून अंतिम फेरीची स्वप्ने बघू शकते का? उर्वरीत ८ पैकी किमान ६ सामने जिंकायची करामत करावी लागेल पण पंजाबवरच्या विजयाने आत्मविश्वास आला असेल. पोलार्ड आणि मलिंगा हे मुंबईचे नेहमीचे ट्रंपकार्ड या विजयात चमकले हि जमेची बाजू. तारे रायडू गौतम हे छोट्यामोठ्या स्फोटक खेळी करू शकतात. बस्स आता शर्माला पुरेपूर सूर गवसून त्याने डावाला स्थैर्य देण्यात मोलाची भुमिका बजावावी.

- एक आशावादी मुंबईकर आणि मुंबई इंडियन्स सपोर्टर

अरेच्चा, डि व्हिलीयर्सला सलाम ठोकायलाही कुणी आलं नाही इथं ! ह्या आयपीएल मधील एक सर्वोत्कृष्ट खेळी केली काल एबीने बंगलोरला जिंकून देण्यासाठी.
[ काल शेवटी खरी निर्णायक लढाई होती स्टेन वि. एबी; पण एबीने स्टेनलाही झोडलाच. पण सामना संपतांच आपला संघ हरलाय याची पर्वा न करतां स्टेनने आपल्या या देशवासीयाला ज्या कौतुकाने व प्रेमाने मिठी मारली, तें पाहून कौतुक वाटलं. Blood is thicker than water, याचा प्रत्यय आला ! ]

डि व्हिलीयर्सच्या जागी धोनी नि स्टेनच्या जागी एखादा भारतीय बॉलर तर लोकांचे काय reactions असती ?

१-२ वर्षांपूर्वी पण असेच स्टेनच्या एका ओव्हरमधे २३ धावा काढल्या होत्या. एकाच टीममधून खेळत असल्यामूळे स्टेनच्या बॉलिंगचा अधिक अंदाज येत असेल का ? शेवटची सिक्स जबरदस्त होती.

एक मिस्टर ३६० होता आणि एक स्टेनगन होता........
इतकेच त्या ओव्हर चे वर्णन होउ शकते

<< डि व्हिलीयर्सच्या जागी धोनी नि स्टेनच्या जागी एखादा भारतीय बॉलर तर लोकांचे काय reactions असती ? >> " मुद्दामच दिले रे धोनीला मारायला; नाय तर इंडियाच्या टिममधे येण्याचा चान्सच नाही ना त्याला ! ", ही रिअ‍ॅक्शन तर अपेक्षित नाही ना ?
पण स्टेनच्या बाबतीत याच संदर्भात एक गोष्ट जाणवली; भुवीसारखे गोलंदाजही अशा वेळीं आतां ऑफ स्टंपबाहेर 'वाईड'च्या सीमेवरच मुख्यत्वें मारा करतात. स्टेन सहसा तसं करत नाही. तो विकेट घेण्याचाच प्रयत्न करतो. पण काल नाईलाजाने त्याला त्यावेळीं तसा चेंडू टाकावाच लागणार याचा नेमका अंदाज घेवून एबीने आधीच ऑफ स्टंपबाहेर जावून तो शेवटचा अफलातून षटकार मारला.
<< एकाच टीममधून खेळतात म्हणून..... >> दाट शक्यता आहे; अति परिचयात अवज्ञा !!!

राजस्थान -१७०.
केकेअर -आज प्रथमच उथाप्पा व गंभीर इतक्या आत्मविश्वासाने व बहरात येवून खेळताना दिसताहेत. ५०-०