अवयव दाना संबंधी - काही माहिती

इब्लिसराव आम्हाला बिलकुल माहिती नसलेल्या जगाचा खजिना आहे तुमच्याकडे, व्यनी तुन कशाला चर्चा.
तसे ही मनात कधीतरी, कुठेतरी रुतुन बसलेले गैरसमज, नाना शंका कुशंका निरसन होइल आपोआप.
अधिक माहिती आली तर चांगलीच आहे की.

अर्थात स्पेसिफिक प्रश्नोत्तरे व्यनी, विपुतुन होउदेत.
जनरल माहिती तुम्ही लेखमालेद्वारे लिहा अशी विनंती.

इब्लिसजी .....तुमच्या सगळ्या पोस्टी अतिशय माहितीपुर्वक आणि सुरेख तसेच झकासरावानी सांगितल्या प्रमाणे जनरल माहिती तुम्ही लेखमालेद्वारे लिहा अशी विनंती, पुन्हा एकदा धन्यवाद

इब्लिस, धन्यवाद! खरं तर गेल्या वर्षी पासुन मी हा विचार करत होते. आपल्या देहाचा जर कुणाला उपयोग होत असेल तर..... त्यावर विचार , दुसर्‍यांशी बोलणे हे चालु आहे. तुम्हांला याची खुप माहिती आहे म्हणुन तुम्हाला शंका विचारल्या. तुमच्या माहितीचा खुप उपयोग झाला...म्हणजे हा विचार जास्त बळकट झाला. धन्यवाद!

सर्वांचे आभार!
नेत्रदानासंबंधी एक दोन महत्वाच्या बाबी लिहायच्या राहून गेल्या, त्या लिहित आहे.
१.
एक मनुष्य २ डोळे दान करतो.
त्याने एकाच वेळी २ अंधांना दृष्टि मिळते.
(रुग्ण दोन्ही डोळ्यांनी अंध असला, तरीही अशा दोन अंधांचे ऑपरेशन करून एक-एक डोळा 'सुरू करण्याचा' प्रयत्न असतो.)
२.
तरूण वयात मृत्यूचे प्रमाण कमी असते, व दानाचे प्रमाण अजूनी कमी आहे.
कॉर्निया ब्लाईंडनेसमधे, फक्त कुपोषणामुळे अंध झालेल्या मुलांचे प्रमाण फार मोठे आहे. या लहान मुलांना ६०-७० वर्षे वयाच्या कॉर्नियाचे कलम अधिक उपयुक्त, की अपघाताने तारुण्यात आपल्याला सोडून जाणार्‍या कुणाचे?
तुम्हीच ठरवा, अन 'अशा' घटनेच्या वेळी नेत्रदान सुचवून पहा. तरूण डोळ्याचे कलम जगण्याची शक्यता खूपच जास्त असते..

(महत्वाचे अधिक काही अठवले, तर इथे नक्की लिहीन.)

एखाद्याला ठराविक ओळखीच्याच अंध व्यक्तीला डोळे दान करायचे असल्यास तसे करता येते का? ईब्लिस यांनी दिलेल्या माहितीवरून वाटते की असे करता येत नसावे. पण अशी परवानगी असल्यास रुग्णाचे नातेवाईक त्या त्या रूग्णासाठी दान करण्याची शक्यता अधिक वाटते. लोकांना नेत्रदानासाठी आवाहन करणे योग्यच आहे पण असे ओळखीतून रुग्णाला डोळे मिळणे जास्त लवकर शक्य होईल असे वाटते.

इब्लिस, धन्यवाद. उपयुक्त माहिती. माझ्या आई-बाबांनी कालच नेत्रदानाचा फॉर्म भरला आहे, तुमची परवानगी असेल तर त्यांना व इतर जवळच्या नातेवाईकांना तुम्ही दिलेली माहिती पाठवली तर चालेल का?

डेलिया | 24 October, 2012 - 08:05 नवीन
एखाद्याला ठराविक ओळखीच्याच अंध व्यक्तीला डोळे दान करायचे असल्यास तसे करता येते का? ईब्लिस यांनी दिलेल्या माहितीवरून वाटते की असे करता येत नसावे. पण अशी परवानगी असल्यास रुग्णाचे नातेवाईक त्या त्या रूग्णासाठी दान करण्याची शक्यता अधिक वाटते. लोकांना नेत्रदानासाठी आवाहन करणे योग्यच आहे पण असे ओळखीतून रुग्णाला डोळे मिळणे जास्त लवकर शक्य होईल असे वाटते.

<<

डेलिया ताई,
नीट वाचून पहा बरं हे काय लिहिलं आहे तुम्ही? अहो, हे रक्तदान वा किडनीसारखे जिवंतपणी द्यायचे दान नाही. हे दान देण्यासाठी दात्याला 'वर' जावे लागेल 'जास्त लवकर.'

***

@ रेवू | 24 October, 2012 - 10:53

अहो नक्कीच चालेल. जितक्या जास्त लोकांपर्यंत पोहोचवाल तितके चांगले.

डायबेटिस असलेला पण डोळे व्यवस्थित असलेला नेत्रदान करु शकतो का?

उपयुक्त धागा, उपयुक्त माहिती..
इब्लिस, विशेष धन्यवाद

डेलिया ताई,
नीट वाचून पहा बरं हे काय लिहिलं आहे तुम्ही? अहो, हे रक्तदान वा किडनीसारखे जिवंतपणी द्यायचे दान नाही. हे दान देण्यासाठी दात्याला 'वर' जावे लागेल 'जास्त लवकर.' >>
हे आलेय लक्षात ईब्लिस दादा. पण तरीही नात्यात एखादा रूग्ण असेल तर आपल्या मृत्युनंतरच त्याला दान करता येऊ शकतात की नाही डोळे , असे विचारयचे होते. एखाद्याच्या मृत्युसमयी असा विचार करणे थोडे विचित्र आहे पण अंध रूग्णाच्या नात्यातीलच कोणी व्यक्ति असेल मृत्युच्या दारात तर हे असे दान होऊ शकते का ?

http://donatelifeindia.org/about-organ-donation/myths-faqs/ इथे ऑनलाईन अवयवदानाचा फॉर्म भरता येतो. संस्थेविषयी काही माहित नाही. सर्फिंग करताना साईट दिसली. तिथे फॉर्म भरला त्यानंतर असे कार्ड मिळते

प्रकाश घाटपांडे, आपली वैयक्तिक माहिती कशाला प्रसिध्द करता? ती लपवुन मग तुमचे काडे दाखवा.

विद्याक, माझा आतापर्यंत आंतरजालावरील इतिहास व व्यक्तिमत्व पारदर्शी आहे. मला त्यात काही गैर वाटत नाही. अथवा दुरुपयोग होईल असे भयही वाटत नाही.ऑन लाईन फॉर्म भरल्यावर सदर कार्ड कसे दिसते एवढेच सांगण्याचा हेतु त्या मागे आहे. काही काळ मी ते दृष्य ठेवणार आहे.

ही रुबी हॉल क्लिनिक ची बातमी पहा. अवयवदाना संबंधी कसे गैर प्रकार चालतात.
http://abpmajha.newsbullet.in/pune/110-more/35056-2013-10-01-15-21-04
एकदा (१०-११ वर्षांपुर्वी असेल) अंनिस मधे एक लातूर भागातुन महाविद्यालयीन तरुण आला होता. त्याने त्याच्या वडिलांच्या किडनी बाबत सत्यसाईबाबाच्या पुट्टीपुर्ती येथील हॉस्पीटलमधील घटना सांगितली होती. त्याच्या वडिलांना किडनीचा प्रॉब्लेम असल्याचे सांगण्यात आले. नंतर त्याला किडनी डोनेट करण्याविषयी सांगितले. त्याने तसे केले. जवळपास वर्षभर तो सत्यसाईबाबांच्या आश्रमात सेवेत होता. हॉस्पिटल मधील उपचार मोफत होते. वडिलांना काही बरे वाटेना!लवकरच तो घरी परत आला. त्याचे वडिल शेवटी निवर्तले. त्यांना पुरले.शंकेची पाल मनात होती. मग काही सुजाण डॉक्टरांच्या मदतीने उकरुन परत पोस्टमॉर्टेम केले असता त्यांच्या एक्सरे त एकच किडनी दिसली.म्हणजे त्याची एक व वडिलांची एक किडनी हॉस्पिटल मधे काढून घेण्यात आली होती.त्याने कायदेशीर लढा दिला पण त्याचा काही उपयोग झाला नाही.कोर्टाचा जजच सत्यसाईबाबाचा भक्त निघाला. ही सत्यकथा चित्रलेखाच्या अंकात त्यावेळी आली होती. कुणाला अंक मिळाला तर जरुर शेअर करावा.
अशा अजुन किती केसेस असतील ते सत्यसाईबाबांचा परमेश्वर जाणे!
अशा प्रकारांमुळे अवयवदान चळवळीवर मोठा परिणाम होतो. वैद्यकीय क्षेत्रातील व्यक्तींनी स्वतः अवयवदान करुन आदर्श निर्माण करणे अपेक्शित आहे. तसे मला दिसले नाही.

अवयव दानाने आपण मेल्यानंतर सुद्धा अवयवरुपाने जिवंत राहतो. किती छान कल्पना आहे!
अर्थातच मी संपूर्ण देहदानाची इच्छा माझ्या मृत्यूपत्रात व्यक्त केली आहे. शेवटी जवळचे नातेवाईक या गोष्टीकडे कसे बघतात यावर सर्व अवलंबून आहे. पण ते तरी मृत व्यक्तीची इच्छा का म्हणून टाळतील?

पण ते तरी मृत व्यकतीची इच्छा का म्हणून टाळतील?..............नाईलाजाने म्हणावे लागते की सुशिक्षित वगैरे असणारी मंडळीही,मृत व्यक्तीच्या अवयवदानाविषयी उदासीन असतात.इतर नातलगांचा रोष म्हणा किंवा प्रवाहाविरुद्ध जाण्याची तयारी नसते.

>>पण ते तरी मृत व्यकतीची इच्छा का म्हणून टाळतील?<<
ना.ग.गोरे यांची देहदानाची इच्छा ही त्यांच्या मुलीने नकार दिल्याने अपुरी राहिली असे पुरोगामी लोक सांगतात. अंत्यसंस्कार केल्याने मृतात्म्याला शांती मिळते हा समज कदाचित कारणीभूत असावा.

माझ्या नातेवाईकात एकीने देह दान केले आहे ......पण त्याचा आपल्याला फारच त्रास होतो हे नक्की ...... आपल्या लाडक्या प्रिय व्यक्तीचे ( देहाचे) मेडिकल कोलेज मधे अता काय काय होत असेल आणी किती दिवस तो देह रहणार ?? असे अनेक विचार सारखे सारखे मनात येत रहातात ...कुणास ठाउक कुणाला मधे जाउन पहायची इच्छा झालिच तर काय भयानक सत्याला सामोरे जावे लागेल .... .अर्थात आम्ही त्या व्यक्तीची इच्छा होती म्ह्णुनच असे केले ....

दुसरी बाजु आशी आहे की -- कोलेज ने आमचे खुप खुप कौतुक आभार मानले. जमतिल ते अवयव Transplant करुन गरजु पेशन्ट चे भले केले . हे समाधान नक्कीच आहे...

>>दुसरी बाजु आशी आहे की -- कोलेज ने आमचे खुप खुप कौतुक आभार मानले. जमतिल ते अवयव Transplant करुन गरजु पेशन्ट चे भले केले . हे समाधान नक्कीच आहे...<<
देहदान व अवयवदान या गोष्टी वेगळ्या आहेत.

प्र घा --- कबुल ....पण देह पण कुणाला तरी ( अभ्यासा साठी ) उपयोगी पडतोय ना ...असा विचार आहे त्या मागील ....

निर्मला सामंत- प्रभावळकर यांनी आपल्या मुलीचे अवयवदान करुन एक आदर्श निर्माण केला. त्यांच्या धैर्याला सलाम
http://maharashtratimes.indiatimes.com/maharashtra/mumbai/help/articlesh...

निर्मलाताई सामंत-प्रभावळकर यांनी अवयवदानाबद्दल आपले विचार व्यक्त केले. त्यांचे मनोगत वाचा
http://maharashtratimes.indiatimes.com/maharashtra/mumbai/Nirmala-Samant...

महारष्ट्र टाईम्स अवयवदाना बाबत विशेष जागरु आहे असे दिसते. माहिती व तंत्रज्ञान युगात ब्रेन डेड पेशंटच्या संकलित नोंदीचा अभाव ही बातमी वाचली तेव्हा आश्चर्य वाटले.वैद्यकीय क्षेत्रातच याविषयी जागृती नाही तर लोकांमधे ही चळवळ रुजणार कशी?

अवयवदान चळवळीतून प्रेरणा घेउन केलेल्या एका अवयवदानाची बातमी
...म्हणून केले अवयवदान

_/\_

ह्याची माहिती प्रत्येक सरकारी तसेच प्रायव्हेट हॉस्पिटल्सनी अश्या ब्रेन डेड पेशंट्सच्या नातेवाईकांना दिली पाहिजे.

सिंपल कारण म्हणजे नेत्रपेढी सुरू करणे व सुरू ठेवणे यासाठी डॉक्टरला स्वतःच्या डोक्याला करून घ्यावा लागणारा ताप व संताप. >>>
हो ना. मग इतर अवयवांच काय ? त्यांना कसं preserv करून ठेवणार ? आणि नक्की कोणत्या संस्थेमार्फत दान करावं ? ते गरजून पर्यंत पोहचेल ह्याची काय खात्री ? नाहीतर अश्या संस्थांना धंदा करायला फुकटात किडन्या मिळायच्या कि
जीर्ण वस्त्र असेच म्हणते ना नश्वर देहाला>>
म्हणतात खरं. पण फाटक्या चिंधी सुधा जपून ठेवणारे असतातच कि . मग ज्या देहा सोबत इतकी वर्षे काढलीत त्याची चिरफाड झालेली काहींना आवडत नाही . तेव्हा जिवंत पणी देह दानाची इच्छा व्यक्त केली असेल तरच त्या माणसाचे देहदान करावे . स्वताच्या मनाने करू नये .

पुण्यात ही आता झेडटीसीसी आहे. त्याच्या समन्वयक या आरती गोखले आहेत. त्या जनजागृतीचे काम करतात.
http://www.ztccpune.com/

इब्लिस
या विषयावर पुढे कोणतीच चर्चा किंवा कोणताच प्रतिसाद दिसत नाहीये.

www.mohanfoundation.org
Tol Free : 18001037100

अवयवदान संबंधी याेग्य माहिती मीळाली. परंतु जे अवयव दान करताे त्या बद्दलची माहिती गाेपणिय का ठेवली जाते? अशी माहिती गाेपणिय ठेवल्यास. त्याचा सर्रास गैरवापर हाेऊ शकताे