निसर्गाच्या गप्पा (भाग - १४)

चितमपल्लींनी, धनेशाची जीवननिष्ठा असा एक लेख लिहिला होता. पिल्लाच्या संगोपनासाठी नरमादी अक्षरशा: जीवाचे रान करतात. मादी आपली पिसे काढून टाकते कारण ढोलीमधे तिला त्यांची अडचण होणार असते. मग केवळ तिची चोच बाहेर येईल एवढीच फट ठेवून, ढोलीचे दार चिखल आणि विष्ठा मिसळून बंद केले जाते. मग पुढील काही महिने तिची आणि पिल्लांच्या पोषणाची जबाबदारी केवळ नराची. तो त्या सर्वांना पुरेल एवढे अन्न, बाहेरूनच पुरवतो.
या अन्नातही विविधता असते, कधी उंबरासारखी फळे तर कधी पाली, सरडे तर कधी केवळ पाने ( धनेशीण बाई सांगत असतील का, काय मेलं ते रोज शाकाहारी खायचं, मुलं कटाळलीत अगदी, एखादा सरडाबिरडा बघा कि, किंवा किनई आज संकष्टीचा उपास आहे, नुसती हिरवी पाने खायचीत.. )
आणि ज्यावेळी पिल्ले मोठी होतात, त्यावेळी सर्व कुटुंब बाहेर येतं. आई बाबा अगदी धन्य होतात.
या सर्व धांदलीचे सुंदर चित्रण, अ‍ॅनिमल्स आर ब्यूटीफूल पीपल मधे आहे. ( संवाद नाहीत हं, ते माझे. )

दिनेश दा.. मस्त संवाद.. डायलाक रायटर म्हणून साईड जॉब बघा मिळेल... समर जॉब सारखा

बरोबरची माहिती ही अतिशय रंजक..
अब सिर्फ फोटोग्राफर की देर है..

धनेशीण बाई सांगत असतील का, काय मेलं ते रोज शाकाहारी खायचं, मुलं कटाळलीत अगदी, एखादा सरडाबिरडा बघा कि, किंवा किनई आज संकष्टीचा उपास आहे, नुसती हिरवी पाने खायचीत.. >>> धनेशीण बाईंचं मन जाणलं हं तुम्ही दिनेशदा!

ते खरंच, पण पक्ष्या प्राण्यांमधे शब्दांवीणा संवादु, किती सुंदर असतो ना !
धनेशाला, त्याच्या नजरेआड वाढणार्‍या पिल्लांची ख्यालीखुशाली पण ती सांगत असेलच. त्याला त्यांच्या गरजा, न सांगताही कळत असतीलच.

चोचीमंदी चोच टाकून, दानं उष्ट झालं जी... झालं जी.

आज आमच्याकडे धुँवाधार पाऊस आहे......... संध्याकाळ चे ५ पण रात्रीचे १२ वाजल्यासारखे वाटतायेत...

वर्षु, धन्स !
मानुषी, किती छान फोटो आलेत ! केसर कसले चमकदार दिसतायत !

मी गेल्याच भागात माझ्याकडील कडिपत्त्याच्या रोपाविषयी लिहिले होते, ते रोप आता फारच जोमाने वाढत आहे, पण ते रोप मला देणारे माझे काका मात्र परत न येण्याच्या दिशेने गेले. (२ मे). आता गॅलरीत त्या कुंडीकडे पाहाताना डोळे भरून येतात. मी त्या पानांवरून हळूवार हात फिरवते, आणि निराश मनाने घरात फिरते.
दिनेशदा, तुम्हाला मी जी हळद दिली होती ती त्या काकांकडूनच आणली होती.

प्रज्ञा वाईट झाले. पण तुझ्याकडे त्यांनी त्यांच्या झाडाचा वारस दिला आहे त्याला प्रेमाने जोपास. >>+१
मानुषी - अतिशय सुंदर प्रचि
अ‍ॅडेनियमच्या थोड्या बिया आम्हालाही द्या हो.
जागुताई प्रचि सुंदर आहेत ते बेलाचे झाड घरी आहे का ?

प्रज्ञा, काकांची बातमी मला समजली होती. ते आपल्यामधे आहेतच असे समजायचे.

जागू,
बेलाच्या फुलाचा रंग पण अनोखाच असतो. लक्ष ठेवून फोटो काढ. ते फुल झाडावरून न तोडता जर दोन बोटांच्या मधे धरलेस तर कॅमेरा, त्या फुलावर छान फोकस करता येईल आणि फोटोही नीट येईल.

इनमीनतीन कधी येता नगरला बोला.........एडेनियमच्या बीया न्यायला?

मानुषी, लाजवाब फोटो. आणि 'बो' ची उपमा पण परफेक्ट
वर्षू ... तुझं माझं शोभीचं(कुठाय ती?) ठरलं होतं ना सग्गळीकडे कॅमेरा कॅरी करायचा....हाकानाका!>>>>>>>>>>>आल्के, आले, बोल आता. कुठे कुठे घेऊन गेली होतीस कॅमेरा?

तरी ते हॉर्नबिल काही आज आले नाहीत. मलाही उठायला अंमळ उशीरच झाला व्हता!>>>>>>>>.ते काय तुझी वाट पहात थांबणार? फोटो काढणार आहेस म्हणून?

मी गेल्याच भागात माझ्याकडील कडिपत्त्याच्या रोपाविषयी लिहिले होते, ते रोप आता फारच जोमाने वाढत आहे, पण ते रोप मला देणारे माझे काका मात्र परत न येण्याच्या दिशेने गेले. (२ मे). आता गॅलरीत त्या कुंडीकडे पाहाताना डोळे भरून येतात. मी त्या पानांवरून हळूवार हात फिरवते, आणि निराश मनाने घरात फिरते. अ ओ, आता काय करायचं>>>>>>>>प्रज्ञा, तुझ्याकडे ते रोप तरी आहे. ....

मानुषी, मस्तच फोटो.
प्रज्ञा

सध्या माझ्याकडे कुंडीत ग्रीष्मबहर सुरू आहे. मोगरा, अबोली आणि एडेनियम मस्त फुललेत.

मायबोलीकर बित्तुबंगाने बहाव्याच्या बिया दिल्या होत्या, त्या सगळ्या रूजल्या त्याची आता छोटी छोटी रोपे तयार झाली आहेत.

कुणाला पाहिजे असेल तर सांगा.

मामी,शोभा१२३,ईनमीनतीन
फोटोखरच छान!

येळेकर, आपलं नि.ग.वर स्वागत आहे. धन्यवाद!

जागू, मला लेकीचे फोटो नाही पाठवले ना?

कुंडीतली मिरच्यांची रोपे तरारली आहेत.फुलेही आली आणि गळाली.पण १ ही मिरची लागली नाही.काय करावे लागेल? कारल्याच्या वेलीला पिटुकले कारले लागले आहे.
आजच एका कावळ्याला चोचित काड्या नेताना पाहिले.म्हणजे खरच पाऊस जवळ आला!

आजच एका कावळ्याला चोचित काड्या नेताना पाहिले.म्हणजे खरच पाऊस जवळ आला!>>>>>>>>>>५-६ दिवसांपूर्वी मी ऑफिसला येताना, एक कावळा, माडाची विरी पडली होती, त्याच्या काड्या काढत होता. फोटो काढण्याचा मोह झाला . पण बसची वेळ झाली होती. त्यामुळे नाईलाजाने फोटो काढता आला नाही. पण खूप चुट्पूट लागली.

येळेकर, कुंडीत रोपांची दाटी झाली आहे का ? एका कुंडीत एकच जोमदार रोप ठेवायचे.

जिप्सी / शांकली, जर बहाव्याची रोपे कुंडीतच ठेवलीत तर पावसाळ्यात हमखास पिवळी फुलपाखरे त्यावर अंडी घालायला येतील..

जागू, बेलफळ पण लागत असतील ना ? खरे तर आताही माहेरच्या झाडावर असतील.

मानुषी,
लई भारी फोटो आणि निरिक्षण, निसर्गाची किमया लाजवाब आहे.

जागु,
छान फोटो, बेलाच्या अशा कळ्या कधी जवळुन पाहिल्या नव्हत्या.

दिनेशदा,
छान माहिती.
आमच्या साठी तुम्ही दुसरे चितमपल्लींच आहात..

आज आमच्याकडे धुँवाधार पाऊस आहे......... संध्याकाळ चे ५ पण रात्रीचे १२ वाजल्यासारखे वाटतायेत...
वर्षु,
काय तुमचं चिनी हवामान ..आता पाऊस ?
आमच्याकडे संध्याकाळचे ५ वाजलेत पण दुपारी १२ वाजल्याप्रमाणे कडक ऊन पडलं आहे.

येळेकर, आपलं नि.ग.वर स्वागत आहे. धन्यवाद! >> १+

दिनेशदा,
छान माहिती.
आमच्या साठी तुम्ही दुसरे चितमपल्लींच आहात.. >> अगदी

जागू, मधाचं पोळं आणि मिळालेला शुद्ध मध खासच!! मज्जा आहे बाई तुझी!! फोटो पण मस्त आलेत. अगं ती कदाचित मोहोरी माशी असेल. ती खूप शांत स्वभावाची असते. आग्या माश्यांसारखी अ‍ॅग्रेसिव्ह नसते.

मानुषी.......सह्हीच हं अ‍ॅडेनियमच्या म्हातार्‍याचं कलेक्षन!! कस्ल्या गोडू गोडू दिसताहेत त्या!! आणि तू अगदी अथ पासून इती पर्यंत सगळे फोटो काढलेस......ते भारीच!

अनिल, तुमचा सेल नं संपर्कातून कळवाल का?

धनेशीण बाई सांगत असतील का, काय मेलं ते रोज शाकाहारी खायचं, मुलं कटाळलीत अगदी, एखादा सरडाबिरडा बघा कि, किंवा किनई आज संकष्टीचा उपास आहे, नुसती हिरवी पाने खायचीत.. >>>>>>>>

दा, खरंच तुम्ही संवाद लिहिण्याचं मनावर घ्याच!

आमच्या साठी तुम्ही दुसरे चितमपल्लींच आहात..
>>> आजपासून दिनेशदांचं नाव 'दिनेशदा अंगोलापल्ली'!

मामी

जगभरातल्या औषधी वनस्पती Healing Plants Around the World शिर्षकाखाली मोठी यादी आहे पीडीएफमध्ये.

आजपासून दिनेशदांचं नाव 'दिनेशदा अंगोलापल्ली'! >>>>>>>>>>>>अगदी अगदी!!
हे अंगोलापल्ली मात्र भारीये!