झापड

तुझ्या भरवश्यावर मी आलो होतो इथवर
स्वतःलाच मी इतके हतबल कधी पाहिले ... उत्तम शेर

नसेल बहुधा वर्तुळात मी फिरत राहिलो
वलयांच्या व्योमात विहरणे कधी साधले

दिवसाच्या शेवटास व्याकुळ करते काही
काय नेमके कळेचना मी किती शोधले

हे शेर आवडले!

एक शंका......वलयांचे व्योम म्हणजे प्रसिद्धीचे आकाश असा अर्थ घेतला तर चालेल का?
की, तुझ्या मनात वेगळा अर्थ आहे? असल्यास जरूर कळव, आस्वाद घ्यायला आवडेल!

Dusaraa faar avadala.. 4th madhe nasel cha tithala arth kalala nai.

दुसरा शेर आवडला .

बाकी शेर 'दिशाहीन' वाटले . वै म गै न

दुसरा आणि शेवटचा सर्वात आवडले.

वृत्त आणि अलामत नीटशी समजली नाही.
कृपया मार्गदर्शन कराल का ?
(मी नवखा असल्याने याबाबत बर्‍याचदा कन्फ्युज होतो. गैरसमज नसावा.)

"नसेल बहुधा वर्तुळात मी फिरत राहिलो" >>> इथे 'नसेन' असावे का ?

गझल छान आहे.

दिवसाच्या शेवटास व्याकुळ करते काही
काय नेमके कळेचना मी किती शोधले<<< हा आणि दुसरा आवडला

हतबल आणि दोन निमिष हे दोन फार सुंदर शेर आहेत

नसेल ऐवजी नसेन हा बदल माझ्याही मनात आला

उल्हासराव, हे मात्रावृत्त आहे. २४ मात्रांच्या ओळी असाव्यात.

अलामतीमध्ये एक सूट चालते, ती म्हणजे अ ऐवजी र्‍हस्व इ अथवा र्‍हस्व उ घेतला जातो. (गझल परिचय लेख वाचलात तर त्यात याचा उल्लेख केलेला आहे).

समीरने मतल्यातच अ व र्‍हस्व इ घेतल्याने पुढे अलामत भंगलेली आहे असे म्हणता येत नाही.

या शिवाय, समजा मतल्यात दोन्ही ठिकाणी 'अ'च असते तरी पुढच्या शेरांमध्ये र्‍हस्व इ अथवा र्‍हस्व उ अशी अलामत घेता आली असती, ही ती सूट आहे.

धन्यवाद समीरजी.
धन्यवाद बेफिकीरजी.

गझल परिचयात हे केव्हातरी वाचलं असेल,
पण हे छोटे छोटे डिटेल्स लक्षात रहात नाहीत.
तुमच्या स्पष्टीकरणामुळे आणि समीरजींनी
दोन अलामती वापरल्याने आता हे लक्षात राहील.

सगळे जण म्हणताय्त तर छान असेलही ही गझल पण मला मनापासून या गझलेला भिडता आले नाही
आतून आली असेलही कदाचित पण वरवरची वाटली ही ...थोड्क्यात रूखीसूखी वाटली

माझे असे वाटणे चुकीचेही असू शकतेच तरी मनात आले ते सांगीतले
वाईट वाटल्यास क्षमस्व

थोड्यावेळाने पुन्हा प्रयत्न करून पाहीन भिडते का ते पहायला

हो हो आता मला या गझलेस गुणगुणण्याची लय मिळालीए.. गागागागा गागागागा गागागागा .....आता मला माझी गाडी स्पीड पकडेल असे वाटते आहे ....
गझलेचे अंतरंग उलगडून दाखवलेत त्यामुळे हिचे सौंदर्य अजून अनुभवता येते आहे तरी माझ्या मनातील काही अव्यक्त असे यातून व्यक्त झालेय का तेही शोधून पाहणार आहेच म्हणजे मला या शेरांशी कसे एकरूप होता येईल ते पाहीनच ........

धन्यवाद समीरजी ....आपणास झालेल्या तसदीबद्दल क्षमस्व !

_______________________________________-

बदलाच्या काही जागा खुणावत आहेत ...सहजच आपले उगाच मनात रहायला नको म्हणून सांगतो....

झापड हा स्रीलिंगी शब्द आहे बहुधा .. डोळ्यांवर झापड /झापडी ओढतात अशी वाक्यरचना माझ्यातरी परिचयाची आहे

वर्तुळाच्या शेरात नसेल ऐवजी नसेन असे केल्यास सुलभ ठरावे असे वाटते

समीर,
माफ करा.
पण मला एकही शेर "शेर" असा वाटला नाही.

पुन्हा वाचली.
मक्ताही मस्त आहे.

झापडबद्दल वैवकु यांच्याशी सहमत.

दुसरा आवडलेला आहेच, पण यासह ३ शेरांत लागोपाठ कधी हा शब्द पुनरूक्त झाल्याने शेर थोडे रटाळ वाटताहेत . वै . म .
तिन्ही ठिकाणी 'कधी'चे प्रयोजन प्रश्नार्थक आहे कि आणखी कुठले हे निश्चित नाही. मात्रापुर्ती हे असू शकते. वै म.

चौथा शेर कृत्रिम वाटला. त्यात कुठलीच सहजता जाणवली नाही. 'नसेन'मुळे संभ्रम आणखी वाढला आहे. वर्तुळात , फिरत , वलयांच्या आणि विहरणे या शब्दांमुळे घेरी येते कि काय असे वाटले. वै म गै न

मासरूळकर अहो उलट वर्तुळाचा शेरच सर्वोत्तम आहे या गझलेत अतीशय व्यापक अर्थ लावता येतो याचा फार मस्त आहे तो शेर पहा अर्थ लावून
वर्तुळ ..वलय (ही वर्तुळची द्विरुक्ती असू शकते )....व्योम ...फिरत राहणे..... नसेन बहुधा ची जाणीव

शेवटचा शेर खास आवडला.

फारच कष्ट पडताहेत अर्थ लावायला . जाऊ द्या . एखादा नाही समजला तर नाही समजला. इतक्या क्लिष्ट शेराला खुली दाद मिळणं जरा अवघडच.

समीरजी ,

मनापासून क्षमस्व .
मी काही ठिकाणी कठोर शब्दांत लिहिलं असल्याचं आता माझ्याही लक्षात आलं आहे. आपल्या कवितांवर थोडं अधिकच.
असो. वाचताक्षणीच किंवा पुन्हा वाचून जे लक्षात आलं ते तसंच लिहिलं , मनात कुठलंही वैमनस्य वगैरे नाही. मी फक्त माझं वैयक्तिक मत मांडलं आहे. ते चूकही असू शकतं. कृपया गैरसमज करून घेऊ नये.

गझ ल आवडली.

२४ मात्रांचे (१२ गुरू )अनलज्वाला आणि १६ मात्रांचे (८ गुरू) पादाकुलक अशी बहुतेक या वृत्तांची नावे आहेत. मराठीत पद्य कविता लिहीण्या साठी ही दोन्ही वृत्ते अतिशय सोईस्कर आहेत.

तुझ्या भरवश्यावर मी आलो होतो इथवर
स्वतःलाच मी इतके हतबल कधी पाहिले

दिवसाच्या शेवटास व्याकुळ करते काही
काय नेमके कळेचना मी किती शोधले

दोन्ही शेर मस्त, खूप आवडले.