तुम्ही किती व्यवस्थित आहात?

हा प्रश्न इथे चालेल का माहित नाही...पण इतक्यात माझ्याबरोबर घडलाय
तुम्ही तुमच्या मुलाला कार सीटमधून कसं काढ्ता?

अ. चारीच्या चारी बकलं नीट काढून त्यातून त्याचे हात व्यवस्थित बाहेर काढून तो व्य्वस्थित उतरेल याची सोय करून.
ब. सगळ्या बकलांना निदान ओढल्यासारखे करून मग ती निघतातच पोरगं घाई असल्यामूळे निघतंच.
क. एका बाजुची बकलं काढल्यावर मुलाने आता(तरी) स्वतःचं स्वत| उतरावं अशी अपेक्षा करत्ता आणि ते अर्ध्यात अड्कल्यावर अरेच्च्या दोन्ही बाजुला बकल्स असतात नै का? असं स्वतःच्याच टपरीत मारून ते अर्ध लोंबकळं ध्यान दुसर्या बाजूने सोडवता..

मी खरं कोणे एके काळी निदान ब तरी होते पण ढवळ्याशेजारी बांधला पवळ्या आन

कुत्र्यांसाठी सर्विस लिफ्ट्च वापरायची असा नियम असताना, कधीकधी मोह होऊन पीपल लिफ्ट वापरता का? मग अवचित पणे पीपल लिफ्ट थांबली आणि महिला वर्ग आत कुत्रे बघून किंचाळता झाला कि सॉरी म्हणून त्या फ्लोअर वरून पुढे सर्विस लिफ्ट ने जाता?

अफाट आहे!
प्रश्न क्र. ९ आणि १० पण महान आहेत!

मी ब आणि क गटात, (फक्त किल्ल्यांच्या बाबतीत बहुतेकवेळा अ गटात)
आणि नवरा अर्थातच कायम, बाय डिफॉल्ट अ गटात.

नुकतंच ऑफिसमधल्या ऑडिटच्या निमित्ताने नवर्‍यानं 5-S बद्दल सांगितलं. त्याची पुस्तिका आणून दाखवली. मी त्यातली 'नको असलेल्या वस्तू वेळच्यावेळी फेकून द्याव्यात' - या सूत्राची तेवढी ताबडतोब अंमलबजावणी केली. मजा आली ते करताना

प्रत्येक पर्याय देताना अगदी अचूक निरीक्षण दिसून येतंय ..

मस्त प्रश्नावली आहे....
आजवर जितकी हसले नाही तितकी हसले मी आज, डोळ्यातुन पाणी आले...

मस्त लिहिलेय ..

आम्ही मात्र बऱ्यापैकी व्यवस्थित आहोत :....

मी माझे सगळे पासवर्डस व्यवस्थित लक्षात रहावेत म्हणून एका एक्स एल मधे कोडवर्ड मधी लिहून ठेवले आहेत. आता ती फाईलही सापडत नाही आणि कोड्स ही आठवत नाहीत.

त्यामुळे मी पण पाऱ अगदी तळागाळातली़ 'क'

लेख आणि प्रतिक्रिया सगळेच धमाल

राम गणेश गडकरी यांच्या बहुधा प्रेमसंन्यास मध्ये 'विसरभोळा गोकुळ नावाचे विनोदी पात्र आहे. नावावरूनच्या त्याच्या कारनाम्यांची कल्पना आलीच असेल. बायकोने बाजारातून तोळाभर केशर आणि शेरभर साखर आणायला सांगितली तर त्याने शेरभर केशर आणि तोळाभर साखर आणली. बायकोने सांगितलेली कामे लक्षात राहावीत म्हणून तो पआठवणी साठी प्रत्येक कामाला एक अशी उपरण्याला गाठ मारतो पण नन्तर कोणती गाठ कोनत्या कामासाठी आहे हेच विसरून जातो !!

बायकोने बाजारातून तोळाभर केशर आणि शेरभर साखर आणायला सांगितली तर त्याने शेरभर केशर आणि तोळाभर साखर आणली. <<<
एवढा विसरभोळा गोकुळ पण शेरभर केशर आणण्याइतके पैसे कॅश घेऊन फिरे. याचंच मला कौतुक वाटतं...

एक नंबर!
>>>गुणः ५०० पेक्षा जास्त पण १००० पेक्षा कमी: तसा प्रॉब्लेम नाही पण दर सहा महिन्यांनी ही प्रश्नावली चेक करा. <<< हे बरीक बरे सांगितले. लगेच काँम्प वरती अ‍ॅड फेव्ह करून ठेवले हे पान, हो विसरायला नको

मुळ ले़ख आणि प्रतिसाद एक्दम धम्माल!!!!

फूल, तुम्ही तुमचा पासवर्ड 'incorrect' ठेवा

>>एवढा विसरभोळा गोकुळ पण शेरभर केशर आणण्याइतके पैसे कॅश घेऊन फिरे

आजकाल तर दुकानात पण शेरभर केशर ठेवणं परवडत नसेल

फारेंड, अचूक निरीक्षण! शूम्पी, आगाऊची भर भारी! आणि सुमेधाव्हीच्या घरचे महान!
मी रैनाच्या लायनीत इधरकी अ उधरकी क!

प्र.११. तुम्हाला हवा असलेला चष्मा तुम्हाला कुठे सापडतो?
अ. तुम्ही नेहमी जिथे चष्मा ठेवत आला आहात त्याच ठराविक जागी.
ब. टीव्हीवर, फोनजवळ, पेपरखालीवर, फ्रीजवर, मायक्रोवेव्हवर, उशीजवळ.
क. तुम्ही शेवटला तो कधी घातला होतात, पाहिला होतात हे तुम्हाला आठवावे लागते. तरीही सापडत नाही, तुम्ही नाद सोडून देता. दुसर्‍या दिवशी सोफा, बेडखालून झाडू फिरवताना तो लोटांगण घेत बाहेर येतो किंवा आंघोळीच्या वेळेस साबण घेताना शेजारी सापडतो.

प्र. १२. एखाद्या शर्टचे बटन तुटले किंवा तत्सम किरकोळ शिलाईकाम निघाले की तुम्ही ते कधी करता?
अ. तो कपडा जरा वेळ वार्‍यावर ठेवून त्याचा घामट वास गेला की तुम्ही लगेच ते काम उरकून घेता आणि मगच तो धुवायला टाकता किंवा कपाटात ठेवता.
ब. आठवड्याची तयारी करताना.
क. इतर सर्व कपडे परिधान स्पर्धेत बाद होतात आणि हा कपडा एकमेव विजेता ठरतो तेव्हा तुम्ही 'इतके दिवस का नव्हता वापरला कोण जाणे!' म्हणत त्याला इस्त्री करायला घेता. कदाचित घालताही, आणि मग तुम्हाला हे काम राहिल्याचे आठवते.

आजकाल तर दुकानात पण शेरभर केशर ठेवणं परवडत नसेल <<<
असेल तर तिजोरीत ठेवत असतील..
केशर दीड का पावणेदोन लाख रूपये किलो आहे..

धमाल लेख अन प्रतिसाद

बरं अजून एक प्रश्न: तुमचं क्रेडिट कार्ड कुठे ठेवता?
अ. पैशाच्या पाकीटात/पर्समध्ये कार्ड ठेवायच्या कप्प्यात.
ब. कधी पाकीटात्/पर्समध्ये तर कधी जीन्सच्या खिशात. कधी दुसरी/नवी पर्स घेतली किंवा चुकून दुसरी जीन्स घातली तर पहिल्यातच विसरले असते. तेवढंच त्यादिवशी पैसे वाचतात या दिलाशामुळे ही सवय सुधारत नाही.
क. मागच्या वेळेस वापरले तेव्हा कुठे ठेवले असावे याचा विचार केला जातो. बहुतेक कारमध्ये पेट्रोल भरताना वापरले होते असं आठव्ल्यामुळे लगेच ८ मजले खाली जाऊन रात्री १२ वाजता कार शोधण्यात येते. तिथेही सापडले नाही की पेट्रोलपंपावरच राहिले असावे म्हणून कार्ड ब्लॉक करुन झोपी जाण्याशिवाय पर्याय नसतो. दुसर्‍या दिवशी पेट्रोलपंपावर ते सापडत नाहीच. मग पुढचा आठवडा नवीन कार्डाचे अप्लिकेशन करण्यात जातो. एके दिवशी स्वयंपाकाच्या मावशी फ्रीजर मधून पनीर काढताना बर्फ कशानेतरी खरवडताना दिसतात. जवळ जाऊन बघता "हेच्च ते कार्ड, तरी मी म्हणत होतो घरातच असणार कुठेतरी" वगैरे डायलॉग्ज होतात. महत्प्रयासाने ते तिथे कसे पोचले यावर विचार करता आठवते की पेट्रोल भरुन कार्ड बाजुच्या सीटवर ठेवले होते. शिवाय येताना घेतलेले पनीर अन आइसक्रीमही तिथेच ठेवले होते. त्यामुळे पनीर अन आइसक्रीम बरोबर कार्डाची रवानगीसुद्धा "घरच्यांनी" फ्रीजरमध्ये केली असणार..अशाप्रकारे "घरचे सगळे क पण मी मात्र अ च बरं का" असं ठासुन सांगितल्या जातं.

इथे क प्रकार करणारा माझा नवरा आहे, मी नव्हे. मी "ब" आहे.

क्रेडीट कार्ड आणि कारसीट बाबतीत मी 'अ' आहे.

अरे हे इतकं अभ्यासपूर्ण लिखाण असं कसं मिसलं. कदाचित क गटात असावी मी. अगदी खो खो हसले आज.

पण खरंच मी अ-ब-क वर्गांमधे मन मानेल तसा संचार करते. पण नवरा त्याच्या स्वतःच्या सगळ्या वस्तुंबाबत अगदी अ गटात. माझ्या सासर्-माहेरचे लोक पण माझ्यासारखेच वेळ पाहुन अ-ब-क करणारे आहेत. त्यामुळे एखाद्या दिवशी नवर्‍याची वस्तु नाही सापडली तर तो एकटाच स्वतःवरच चिडत बसतो. असा एखादा लेख, घरगुती स्वच्छता, नीटनेटकेपणाबद्दल लेख असं काही वाचलं की स्फुरण चढतं आणि एकदम आमची सफाई मोहीम निघते. आणि मी काही लिमिटेट टाईमसाठी ब मधुन अ मधे जाते. परत मग ये रे माझ्या मागल्या.
पसरलेलं घर कसं हसरं दिसतं ना!! एखाद्या मातीत खेळणार्‍या गोंडस बाळाप्रमाणे.
कुणाची अतिस्वच्छ घरं पाहिली की पुलंच ते चौकोनी कुटुंब आठवतं - चार साबणाच्या वड्या.

नी - प्लॅस्टिक पिशव्यांबाबत मी तुझ्याबरोबर आहे. ही माझी फार लहानपणापासूनची सवय आहे. ४ बहिणींमधे आईच्या साड्यांच्या कॅरी बॅगेवरून वाटणावाटणी व्हायची. बंद असलेल्या बॅगेला जास्त मागणी. मग ती बॅग जपून वापरणं आणि नीट ठेवणं ही सवयच लागलीये.

नताशा: मी डेबिट कार्ड ३ वेळा वॉशर ड्रायर मधून काढलय.. वाकडं झालं तरीही चालतं नंतर
शेवटी एकदा (भारतात (कायम करता म्हणून) परतायच्या आदल्या दिवशी) ते चुकून ट्रॅश कॉम्पॅक्टर मधे टाकलं.. आता ते तिथून निघणं अशक्य आहे म्हटल्यावर कँसल करणं, नवीन कार्ड दुसर्‍यांच्या पत्त्यांवर मागवणं वगैरे सगळी धावपळ झालीच

ते ठेवताना लक्षात याSSयSSचंSSच नाही - काय करणार

धन्श्री: "हसरं घर " शब्द आवडला..

.

काळजी घ्या हा वेंधळेपणाचा धागा नाही. धन्यवाद

मामी , हेच ते तोळाभर केशर आणि शेरभर साखर की तोळाभर साखर आणि शेरभर केशर असे कन्फ्युजन...

म्हनजे पेपर वाचायचे आणि कपडे धुवायचे की पेपर धुवायचे अन कपडे वाचायचे...

क्रे का, डे का इत्यादी बाबतीत मी अ वर्गात आहे. यातल्या ब आणि क पणाचे दुष्परीणाम सोसण्याइतकी माझ्या खिशाची ताकद नाही. नवरा पण माझ्याच वर्गातला या बाबतीत.

पेन ड्राइव्ह वॉशिंग मशीन मधे धुवायला टाकणे जीन्सच्या खिशातून हे मात्र माझ्या नवर्‍याने केलेले आहे. एकदा नव्हे तर दोनदा. व्हॉट अ कन्सिस्टन्सी!!

सही

फारेंडा, सही आहे हे

सही आहे हे