फक्त आणि फक्त श्रीदेवी — इंग्लिsh विंग्लिsh

हा चित्रपट इंग्रजी भाषा शिकण्याची भलावण करणारा किंवा इंग्रजाळलेल्या नवरा, मुलांना इंग्रजी शिकून पात्रता सिद्ध करणाऱ्या महिलेच्या कोड-कौतुकाचा आहे असं मला तरी वाटलं नाही. जिद्दीने इंग्रजी शिकणे याचा केवळ रूपक म्हणून उपयोग केला आहे अशा प्रकारे त्याकडे पहिले तर त्यात मला खूप अर्थ जाणवतो. सर्व-साधारण भारतीय कुटुंबात विशेषतः घरी बसलेल्या विवाहित स्त्री ला ती काहीही करत असली तरीही तिच्या सेल्फ-एस्टीम आणि आत्मा-विश्वासाला ला थट्टा-मस्करी च्या आवरणाखाली सतत पायदळी तुडवले जाणे, (अगदी आयटी मध्ये नोकरी करणाऱ्या महिलेला देखील 'तिची नोकरी, तिथले प्रश्न हे दुय्यम आहेत अशी भावना करून दिली जाते')तिला कायम नोकरा-सारखी वागणूक आणि दुय्यम दर्जा देऊन तू बाहेरच्या आधुनिक जगात मिसफिट आहेस याची जाणीव करून देणे अशा मानसिकतेच्या पार्श्व-भूमीवर बाहेरच्या जगातील अनोळखी माणसांनी ती उणीव भरून काढणे यातला विरोधाभास हे दिग्दर्शिकेला दाखवून द्यायचे आहे आणि त्यात ती पूर्णपणे यशस्वी झाली आहे असे वाटते. इंग्रजी च्या जागी इतर कोणतेही कौशल्ल्य (नेट वापरणे, गाडी चालवणे) वापरून हीच गोष्ट सांगता आली असती, पण भारतात इंग्रजी (न येणं हा) खूप वर्षान पासून आणि सार्वत्रिक आढळणारा कमी-पणाचा मुद्दा असल्यामुळे बहुतेक तो चित्रपटाच्या थीम साठी निवडला असावा. पण ह्या सिनेमाची गोष्ट इंग्रजी ची नक्कीच नाही असं मला वाटतं.

>>>सर्व-साधारण भारतीय कुटुंबात विशेषतः घरी बसलेल्या विवाहित स्त्री ला ती काहीही करत असली तरीही तिच्या सेल्फ-एस्टीम आणि आत्मा-विश्वासाला ला थट्टा-मस्करी च्या आवरणाखाली सतत पायदळी तुडवले जाणे, (अगदी आयटी मध्ये नोकरी करणाऱ्या महिलेला देखील 'तिची नोकरी, तिथले प्रश्न हे दुय्यम आहेत अशी भावना करून दिली जाते')तिला कायम नोकरा-सारखी वागणूक आणि दुय्यम दर्जा देऊन तू बाहेरच्या आधुनिक जगात मिसफिट आहेस याची जाणीव करून देणे अशा मानसिकतेच्या पार्श्व-भूमीवर बाहेरच्या जगातील अनोळखी माणसांनी ती उणीव भरून काढणे यातला विरोधाभास हे दिग्दर्शिकेला दाखवून द्यायचे आहे आणि त्यात ती पूर्णपणे यशस्वी झाली आहे असे वाट>>><<
+१

भारतीय लोकांना ईग्लिश बोलता न येणे खूपच न्युनगंड वाटतो. उगाचच.
आजूबाजूल इतके चायनीज, स्पॅनीश आहेत, त्यांच्यात भाषेसाठी इतकं वाईट वाटताना पाहिलेले नाही.

मस्तच रे... जरुर पाहिन...

माधुरी त्या रोलमध्ये फिट झालीच नसती, बावळट दिसण्याचा तिने कितीही प्रयत्न केला तरी ती दिसु शकणारच नाही.:फिदी:

माधुरी त्या रोलमध्ये फिट झालीच नसती, बावळट दिसण्याचा तिने कितीही प्रयत्न केला तरी ती दिसु शकणारच नाही.
>>>> बावळट दिसणे ह्या सिनेमात अपेक्षित पण नाहिये ना? मलातरी श्रीदेवी कुठेच बावळट वाटली नाहि.

गोडबोलेंच्या घरात नवभारत टाईम्स आणि राजमा ???... आणि पुण्यात शिकून इंग्लीश अजिबात समजत नाही हे पटत नाही. बोलता न येणं हे मान्य! ...बाकी अप्रतिम.

एक प्रसंग..
शशी: '..आणि मी ती वाचलेली नाही'
सपना: 'वाचता आलं असतं तर वाचली असतीस नां!'
तोंडात मारणार्‍या या वाक्याने शशीच्या चेहर्‍यावरचे बदललेले भाव आणि दिर्घ श्वास घेऊन ती अपमानीत अवस्था श्रीदेवीने कांय दाखवलेय!!!!

धागा शंभरी गाठणार्.:फिदी:
श्री पंखा क्ल. सॉलिड्ड चिडलाय.:अरेरे:

मूळच्या दाक्षिणात्य तिने गोडबोलेशी लग्न केलंय>>>> पण मग बहिणीच्या मुलीचं लग्न असतं ना, तेही मराठीच कसे? दोन्ही बहिणींनी मराठी नवरे केले असतात वाटते
असो. अजून पाहिला नाही, पण बघणार नक्की.

>>>>>>>>> पण मग बहिणीच्या मुलीचं लग्न असतं ना, तेही मराठीच कसे? दोन्ही बहिणींनी मराठी नवरे केले असतात >>>>><<<
हाच तर प्रश्ण मलाही पडलेला.. पण मूवीत तसे दाखवले नाही(की बहीणीचे सुद्धा लग्न मराठीशी झाले आहे.)

एक प्रसंग..
शशी: '..आणि मी ती वाचलेली नाही'
सपना: 'वाचता आलं असतं तर वाचली असतीस नां!'
तोंडात मारणार्‍या या वाक्याने शशीच्या चेहर्‍यावरचे बदललेले भाव आणि दिर्घ श्वास घेऊन ती अपमानीत अवस्था श्रीदेवीने कांय दाखवलेय!!!!

आँ?? अस दाखवलय? असा प्रसंग आईच्या घरी (म्हणजे मी मुलगी आणि माझी आई शशी असती तर) तुम्हाला मी गाल चोळताना दिसले असते! आणि माझ्या घरी असता तर--माझी लेक GROUNDED दिसली असती. असो. आईला काय बोलायच हे नियम प्रत्येक घरात वेगळे असतात. आपल्या आईच्या देशीपणाचा माझ्या अमेरीकन पोरांना भलता अभिमान आहे ह्यातच मी मशगूल आहे

कल्पु, तो सीन फोनवर आहे
मुवी धमाल. श्रीदेवी आधी कधी आवडली नव्हती पण यात मस्त दिसतेय अन अभिनयही परफेक्ट.
क्रेडिट गोज टु गौरी शिंदे. आवडली मला..पुढ्चा सिनेमा कधी येणार हिचा?

काही वर्षांपूर्वी पेपर मधे वाचले होते की माधुरी खुप सुन्दर नाही पण मेकअप केला की सुन्दर दिसते . आता ते तीलाच माहिती पण तीला गरजेपेक्षा जास्त डोक्यावर घेतले अणि आताही सुन्दर दिसत असली तरी नेने काकू झाली आहे हे विसरायला नको . मी श्रीदेवीची पंखा नाही पण ती भूमिकेत शिरते अणि जीव तोडून काम करते पण माधुरी सुरवातीपासून उपकार केल्यासारखे काम करते .

असा प्रसंग आईच्या घरी (म्हणजे मी मुलगी आणि माझी आई शशी असती तर) तुम्हाला मी गाल चोळताना दिसले असते! >>>+१०० ....सिनेमा बघताना माझ्या मैत्रिणीला मी अगदी हेच सांगितले.

मस्त लिहिलय्...बघावाच म्हण्तीये चित्रपट.........

>> मी श्रीदेवीची पंखा नाही पण ती भूमिकेत शिरते अणि जीव तोडून काम करते पण माधुरी सुरवातीपासून उपकार केल्यासारखे काम करते .

श्रीदेवी कधी कधी बरं काम करतेही पण माधुरी सुरूवातीपासून उपकार केल्यासारखी काम करते ही अतिशयोक्ती वाटते मला आणि अजिबात पटत नाही .. फॅन ची व्याख्या मला माहीत नाही पण मला माधुरी आवडते, श्रीदेवी आवडत नाही बर्‍याच वेळेला ..

नताशा: बघतेच आता!

मला माधुरी आणि श्रीदेवी कधीच खूप आवडल्या नाहीत. जुही चावला मात्र आवडायची. नॅचरल वाटते..परिणिता चोप्रा सारखी!

श्रीदेवीने अप्रतिम काम केलेय ... कित्येक सीनमध्ये बोलक्य डोळ्यांनी बाजी मारलिये.....
मला तो पाकिस्तानी पण छान वाटला आणि फ्रेंच पण मस्तच....... बोलके डोळे आहेत अतिशय.... स्पेश्यली शेवटच्या सीनमध्ये...

सुंदर अनुभव. सुंदर चित्रपट. निखळ मनोरंजन.

पण मग बहिणीच्या मुलीचं लग्न असतं ना, तेही मराठीच कसे>> बाल की खाल.
हिन्दी शिनेमा हाये तो. बडे बडे शिनेमामे ऐसी छोटी छोटी बातें होतीच हय म्हणायच आणि सोडायच.
जास्तच खुपल तर अचाट आणि अतर्क्य असा धागा आहे नंदिनीने सुरु केलेला तितेह जाउन लिहायच..

असा प्रसंग आईच्या घरी (म्हणजे मी मुलगी आणि माझी आई शशी असती तर) तुम्हाला मी गाल चोळताना दिसले असते! >>> वेल सेड कल्पु , मुलगी आईला असं काही बोलु शकते ह्यावर माझा अजुन्ही विश्वास बसतं नाहीये .

गौरी शिंदेच्या रूपाने हृषिदा, बासू चटर्जी,सई परंजपे या परम्परेतील नवीन दिग्दर्शक मिळाला आहे असे म्हणावेसे वाटते . कास्टिंग एकदम परफेक्ट आहे. श्रीदेवी वगळता सगळेच अनोळखी असल्याने ती ती पात्रेच वाटत राहतात.श्रीदेवीही अनोळखीच म्हणायची या वयातली.आदिल हुसेन राजेंद्र गुप्तांची आठवण करून देतो.क्रिस्पी कुठेही न रेंगाळणारा चित्रपट.

चित्रपटात एका पात्राची सुखद आणि सरप्रायजिंग एन्ट्री आहे

माबोवर एखाद्या सिनेमाच्या रिव्ह्यूवर इतके प्रतिसाद (विषयाला धरून) आले आहेत आणि सगळ्यांनीच हा सिनेमा चांगला असल्याचे म्हटले आहे !!

श्रीदेवीचे पुनरागमन भलतेच दणक्यात झाले की !

लवकर पहावा लागणारा आता इंग्लिश विंग्लिश...

इंग्लिश-विंग्लिश आवडलाच. गौरी शिंदेला फुल मार्क्स. श्रीदेवीकडून झकास काम करवून घेतलय. आपले आधीचे डोक्यात जाणारे लाडिक हावभाव बाजूला ठेवून श्रीदेवीनेही गौरीला छान सहकार्य केलय. बाकी सगळी कास्टही मस्त.

गौरी शिंदे बाल्कीपेक्षा निश्चितच जास्त चांगली दिग्दर्शक आहे.

मात्र या सगळ्यात मला खूप म्हणजे खूपच आवडलं मेह्दी नबू या फ्रेन्च अ‍ॅक्टरचं काम. तो फ्रेन्च्-युरोपियन फिल्म्समधला नावाजलेला अ‍ॅक्टर आहेच अर्थात. कसलं कमालीचं संयत आणि सुरेख काम केलय त्याने. त्याच्या डोळ्यांमधलं एक्स्प्रेशन, बॉडी लॅन्वेज अत्यंत बोलकी आहे. संवाद साधण्याची धडपड, शशीसोबत रहाता यावं, तिचा क्लास बुडू नये म्हणून त्याचे प्रयत्न, शेवटची भेट सगळंच हुरहूर लावून जाते.

शर्मिला. एकदम सहमत.मेहदी नबूने तर खाल्लाच आहे सिनेमा....

श्रीदेवीचे पुनरागमन भलतेच दणक्यात झाले पण श्रेय गौरी शिंदेला द्यावे लागेल असे वाट्ते.

या सगळ्यात मला खूप म्हणजे खूपच आवडलं मेह्दी नबू या फ्रेन्च अ‍ॅक्टरचं काम. तो फ्रेन्च्-युरोपियन फिल्म्समधला नावाजलेला अ‍ॅक्टर आहेच अर्थात. कसलं कमालीचं संयत आणि सुरेख काम केलय त्याने. त्याच्या डोळ्यांमधलं एक्स्प्रेशन, बॉडी लॅन्वेज अत्यंत बोलकी आहे. संवाद साधण्याची धडपड, शशीसोबत रहाता यावं, तिचा क्लास बुडू नये म्हणून त्याचे प्रयत्न, शेवटची भेट सगळंच हुरहूर लावून जाते.
---- अगदी अगदी, खरतर क्षणभर असे वाटते की द्यावे नवर्‍याला सोडुन शशीने आणि जावे त्याच्याकडे. अस वाटते की हा कॉम्प्लेक्स सतीशला ही आला होता का? स्वत:च्या विश्वात राहून दुसर्‍याला म्हणजे शशीला कमी लेखल्यामुळे खरतर तो अचानक डळमळीतच झाला, मानसिक रित्या हे रीतेपण त्याच्या --- तुम मुझसे अभीभी प्यार करती हो ना? ह्या प्रश्नातून आणि शरमलेल्या नजरेतून खुपच छान व्यक्त झालाय --- सकुसप बघण्यासारखा चित्रपट

हो हो रायबा. मलाही कितीवेळा वाटलं त्या स्वार्थी नवर्‍याला जीव लावण्यात शशीने कशाला एनर्जी खर्च करायला हवीय? द्यावं सोडून. पण तो सिनेमाचा अ‍ॅन्गलच नव्हता. म्हणून जाऊदे. पण तिने निदान मेह्दीच्या भावनेला जास्त सहानुभूतीने समजवून घ्यायला हवं होतं असं खूपदा वाटलं. आता हा अ‍ॅन्गल घेऊन एक नवा सिनेमा बनवावा गौरीने. मस्त जमेल तिला.

या सगळ्यात मला खूप म्हणजे खूपच आवडलं मेह्दी नबू या फ्रेन्च अ‍ॅक्टरचं काम. तो फ्रेन्च्-युरोपियन फिल्म्समधला नावाजलेला अ‍ॅक्टर आहेच अर्थात. कसलं कमालीचं संयत आणि सुरेख काम केलय त्याने. त्याच्या डोळ्यांमधलं एक्स्प्रेशन, बॉडी लॅन्वेज अत्यंत बोलकी आहे. संवाद साधण्याची धडपड, शशीसोबत रहाता यावं, तिचा क्लास बुडू नये म्हणून त्याचे प्रयत्न, शेवटची भेट सगळंच हुरहूर लावून जाते.>>> अगदी माझ्या मनातलं लिहिलंस शर्मिला राहून राहून त्याचा अभिनय डोळ्यासमोर येतोय अजून. खूप नॅचरल.

अस वाटते की हा कॉम्प्लेक्स सतीशला ही आला होता का? स्वत:च्या विश्वात राहून दुसर्‍याला म्हणजे शशीला कमी लेखल्यामुळे खरतर तो अचानक डळमळीतच झाला, मानसिक रित्या हे रीतेपण त्याच्या --- तुम मुझसे अभीभी प्यार करती हो ना? ह्या प्रश्नातून आणि शरमलेल्या नजरेतून खुपच छान व्यक्त झालाय >>> +१

शर्मिलाला आणि रायबाला खास अनुमोदन
<<मेह्दी नबू या फ्रेन्च अ‍ॅक्टरचं काम. तो फ्रेन्च्-युरोपियन फिल्म्समधला नावाजलेला अ‍ॅक्टर आहेच अर्थात. कसलं कमालीचं संयत आणि सुरेख काम केलय त्याने. >> अगदी अगदी फारच गोड आहे तो

मेहदी नब्बू >> अतिशय गोड की क्युट आहे हो.
मस्त काम झालेय त्याचे. मुलाखतीत पण तो छान बोललाय.