मॅरॅथॉन रनिंग

धन्यवाद वैद्यबुवा एवढ्या तातडीने उत्तर दिल्याबद्दल! पळायला लागले की काव्स कडे लक्ष देईन. मी एक मैल ट्रेडमिलवर धावले तेव्हा माझे घोटे ज्याम दुखले होते त्यानंतर परत पळाले नाहीये.

हे पायात घालुन भारतातील एक माझा मित्र पळतो. हाफ मॅरेथॉन वगैरे..

मिनिमलिस्ट शुज घालुन पळण्याने काय फायदा होतो??

बाय द वे,
मी एक दिवसाआड कार्डिओ व्यायाम करतो.
नेमक काय बिघडल ते कळाल नाहिये पण डाव्या पायाची पिन्ढरी (पोटरी म्हणतात का? मांसल भाग) थोडा दुखतोय.

छान चर्चा चालू आहे...वाचतो आहे.

भारी सानुली!!
मधुरा, मी पण चमन म्हणतोय तसचं केलयं. खुप वेळा स्पीड कमी जास्त करण्यापेक्षा, कमी पण सलग त्याच स्पीडने जास्त वेळ पळलं तर फायदा होतो. मग हळुहळु स्पीड वाढवत जायचं.
बुवा छान पोस्ट.

नात्या >> तुझ्या मित्राला ईथे आमंत्रण दे. मित्र अमराठी असेल तर तू भाषांतराची जबाबदारी घे

सानुली >> बरे झाले तुम्ही ईथे लिहिले. आता जमल्यास तुम्ही ५ के ते हाफ मॅरॅथॉन प्रवासाचे अनुभव लिहिणार का? पल्ला वाढवू पहाणार्‍यांना फार ऊपयोग होईल आणि लेडीरनर लिहितेय म्हंटल्यावर बाकीच्यां नव्याने सुरूवात करणार्‍यांनाही प्रोत्साहन आणि मदत मिळेल. तेव्हा लिहाच.

प्रीति >> तुम्ही पुढची १० के टारगेट केली का? समोर लक्ष्य असल्यास सातत्य आणि योजना टिकवून ठेवायला सोपे जाते. फक्त त्याचे प्रेशर टाळता यायला हवे.

धन्स मधुरा आणि प्रीति!
प्रीति, तुझा ५केचा टाईम छानच आहे. जरूर १०के चा विचार कर. मधुरा -- नेटवर couch to 5k असा प्रोग्राम सापडेल, तो फॉलो कर. मी तरी तेच केले होते माझ्या पहील्या ५के ला.

चमन -- मी नक्की लिहीण्याचा प्रयत्न करेन. पण हाफ मॅरॅथॉन करून खुप दिवस (वर्षं? :)) झालीत, त्यानंतर मुल झाल्याने परत एवढा वेळ मिळाला नाही ट्रेनिंगला. त्यामुळे सध्या दरवर्षी एक १०के असा प्लॅन आहे. पण इन जनरल मी नेट्वरून मला झेपतील असे वाट्ले ते प्रोग्राम्स फॉलो केलेले. ५के साठी पण आणि हाफ मॅरॅथॉन साठीपण. म्हणजे novice साठी असलेले. त्यापलिकडे खुप काही वेगळे केले नव्हते. मला सापडले दोन्ही प्रोग्रम्स तर लिंक देईन.

नात्या.. बापरे ! ते कसले डेंजर वाटयायत शूज.. ! मला सांगा असं काहितरी घालून पळण्यानेक खरच काही फायदा होतो का? उलट शॉक अबसॉरबर्स वगैरे नसल्याने उलट गुडघ्यांची वाटच लागेल ना आणखीन ?

मधुरा., मी जनरली चालण्यानेच सुरुवात करतो. ट्रेलवर पळताना पण आणि ट्रेडमिलवर पण. हार्टरेट नॉर्मलपेक्षा जरासा वाढल्यावर आणि थोडासा घाम आल्यावर पळायला सुरुवात करतो. स्पर्धेत साधारणपणे आधी तिथले वॉलेंटीअर्स चांगला वॉर्मअप करून घेतात. त्यामुळे स्टार्ट लाईनपासूनच पळतो. पळायची सुरुवात असेल तर अधेमधे चाललं तर काही हरकत नाही. मी दोन्ही हाफ मॅराथॉन्समध्ये ६.५ मैल नंतर पाणी पीत पीत ५ मिनीटे चाललो होतो. बाकीचे बरेचसे अंतर पळालोच होतो.

सुरुवातीला स्टॅमिना वाढवण्यासाठी क्रॉस एग्जरसाईज करणं पण खूप फायद्याचं ठरतं. पोहणं, सायकलींग, खेळणं ह्यापैकी एक एक गोष्ट आठवड्यात २/३ वेळा करून इतर ३/४ दिवस पळायचं. म्हणजे फार मोनोटोनस होत नाही. पोहताना खरोखर लॅप्स मारायचे. तरच व्यायाम होतो. नुसते पाण्यात डुंबून काही होत नाही.

चमन प्लिज अहो जाहो नको बोलु
चमन छान प्रश्न
सानुली नक्की करणार.
ऑगस्ट्मधली टारगेट करतेय, अजुन रजिस्टर नाही केलं. पुढच्या महिन्यात प्रगती बघुन करणार.
इथल्या पोस्ट बघुन अजुन उत्साह वाढतो

छान टीप्स पराग!!

जेव्हा आपल्याला काही अंतर पळाल्यानंतर आता थांबणं भाग आहे असं वाटतं त्यावेळी कमीतकमी दहा सेकंद न थांबता.. नेमकी कुठली गोष्टं आपल्याला आता थांबण्यास भाग पाडत आहे त्या कारणाचा जरूर विचार करावा. प्रगती साधण्यासाठी आपण नेमके कुठे कमी पडतोय ह्याचा धांडोळा घेणं फार जरूरी आहे.

१) दम लागला आहे आणि श्वास घेणं खूप अवघड जातंय.
२) पाय प्रचंड दुखायला लागलेत.
३) केवळ मानसिक थकवा वाटतोय.
४) डोक्यात निगेटीव विचार असल्याने शरीराला मनाचा पुश मिळत नाहीये.

किंवा ह्या सगळ्याच गोष्टीं एकत्र येऊन थांबण्यास भाग पाडतायेत.

ह्या अडचणींसाठी काही साधे सोपे ऊपाय करता येऊ शकतात.

दम लागला आहे आणि श्वास घेणं खूप अवघड जातय. >> पळण्याच्या सुरूवातीपासूनच एका संथ लयीत नाकावाटेच श्वास आत बाहेर होतोय असे बघणे. श्वसनावर नियंत्रण आणण्याचा कटाक्षाने प्रयत्न करणे. श्वसनांसंबंधित व्यायामही खूप ऊपयोगी पडतील.

पाय प्रचंड दुखायला लागलेत. >> ह्यासाठी चांगला वार्मअप आणि नियमितपणे पायांचे इतर व्यायाम जसे स्क्वॅट्स, लंजेस वगैरे जरूरी आहेत. पायांचे स्नायू बळकट होत राहिले की ते जास्त अंतरापर्यंत आपली साथ देतील.

केवळ मानसिक थकवा वाटतोय. >> ज्यावेळी आपल्याला एकदम ताजेतवाने आणि ऊत्साहित वाटत असेल त्याचवेळेस पळणे.

डोक्यात निगेटीव विचार असल्याने शरीराला मनाचा पुश मिळत नाहीये. >> ह्यासाठी थोडे ध्यान, संगीत, मोटिवेटिंग विडीओज नक्की मदत करू शकतील. शक्यतो एकावेळी एकाच अडचणींसाठीच्या ऊपायासाठी प्रयत्न करावा. सगळे एकदमच करू गेलोत तर गोंधळ होण्याची शक्यता अधिक.

छान पोस्ट चमन! मला असं आपण नक्की काय विचार करतो पळताना ते लिहीणं कठिणच वाटतं आणि प्लीज मला अहो जाहो नको रे करुस

छान टीप्स आणि माहिती पराग आणि चमन.
आज वेट्स आणि बूटकँप क्लास ला गेलेले. उद्या बाहेर पळण्याचा प्रयत्न करीन.

२७ मे ला TCS World 10K Bangalore पुर्ण केली. ६४ मिनिट्स

धन्यवाद मायबोली!!! इथल्या टीप्स फारच कामी आल्यात.

धावता व्रुत्तांत:

रेस सकाळी ८ वाजेला सुरु झाली. पहिलीच लाँग रेस असल्याने फार उत्साह होता. पण काही वेळातच पोटात दुखु लागले. पहिल्यांदाच केळी खाउन धावत होतो. त्याचा परिणाम दिसायला लागला. हळुहळु धावणे/चालणे सुरु ठेवले. नेहमीची स्पीड येत नसल्याने चिडचिड वाढली. १०K धावुन होईल की नाही अशी भिती वाटु लागली. काही वेळाने पोटदुखी थांबली. मग फक्त धावणे. पण पाय दुखायला लागले. सहसा माझे पाय धावतांना दुखत नाहीत. सुरुवात व्यवस्थित न झाल्याने नेहमीचा rythm आला नाही. तरीसुद्धा फिनिश लाइन पार करुन लई आनंद झाला

५ ते ६ DJ, Cheer Leaders आणि रस्त्याच्या कडेने चीअरींग करणारे लोक. एकुण वातावरण फारच उत्साहवर्धक होते.

मी केलेल्या चुका:
१) स्टॅमिना हवा म्हणुन आदल्या रात्री जास्त जेवण केले.
२) परत सकाळी ३ केळी, नारळ पाणि. पोट दुखेल नाही तर काय
३) रेस सुरु झाल्यावर नेहमीच्या स्पीडने सुरु न करता जास्त जोरात धावायला लागलो (peer pressure )
४) नेहमी मी खाली मान करुन धावत असतो. आजुबाजूला बघत (बघण्या सारखे बरेच काही होते:) ) धावल्यामुळे stepping बदलली आणि पाय दुखायला लागले.

दीड महिन्याआधी मी फक्त ०.५ KM धावु शकत होतो. हळुहळु सरावाने हे सगळ शक्य झालं.

पुढचा गोल: हाफ मॅरॅथॉन. ईथे अपडेट देईलच.

काही क्षणचित्रे :

अरे वा सऽहीच. अभिनंदन अजय. भाग घेणारे सगळे एकदम उत्साहात दिसताहेत.
असेच पळत रहा. तुमचे अनुभव वाचून अजून कोणाला तरी पळावेसे वाटेल.

वा मस्तच ! अभिनंदन अजय..

रुनी+१.
मस्तच अजय.

एक माहिती..

मॅरॅथॉन म्हणजे २६.२ मैल अंतराची रेस. हाफ मॅरॅथॉन म्हणजे १३.१ मैल अंतराची रेस.
५ K, 10 k ह्या "मॅरॅथॉन" नसतात. त्या "रन" असतात..

त्यामुळे तुम्हांला "मॅरॅथॉन रनर व्हायचं असेल तर पुढची रेस १३.१ मैल्सची रन पळा..

रूनी +१ , मस्त वाटले वाचून अजय!

बुवा, फार जास्त कळालं नाही , पण दुखापत थांबली हे कळले. बरं झाले!

काल २३ जूनला Susan Komen Race For Cure - 5K race पळाले. गेल्या दोन आठवड्यात सणसणीत फ्लूने आजारी होते, त्यामुळे कसं आणि कितपत जमेल याबाबत मनात शंका होती.
पण लोकं cancer सारख्या रोगाशी लढा देतात, आपल्याला 5K पळणं जमलंच पाहिजे, आपण ते जमवायलाच हवं इतक्या एका विचारावर पळायला सुरुवात केली.. आणि खूप तापमान आणि दमट हवेत पण काहीही त्रास होता सहज रेस पूर्ण केली
एकूणच खूप समृद्ध करणारा अनुभव होता.. मजा आली खूप

अरे वा!! रार, अभिनंदन
मी सध्या कावेरी ट्रेल मॅरॅथॉनची (www.kaveritrailmarathon.com) तयारी करतोय. हा ट्रॅक मस्त कावेरी नदीच्या किनार्‍याने आहे.

पण हाफ मॅरॅथॉन पळावे की १० KM ??
चमन, बुवा: २ महिन्यात हाफ मॅरॅथॉनची तयारी होइल का?

पण लोकं cancer सारख्या रोगाशी लढा देतात, आपल्याला 5K पळणं जमलंच पाहिजे, >>>>
अभिनंदन !

चमन, बुवा: २ महिन्यात हाफ मॅरॅथॉनची तयारी होइल का? >>>> मी चमन किंवा बुवा नाही तरी जर वेळेच्या अपेक्षा फार नसतील आणि रेस पूर्ण करणे हे उद्दिष्ट असेल तर होऊ शकते २ महिन्यात तयारी...
१० किमीचा ऑप्शन असेल तर ती आधी पळा असं माझं वै.म. बाकी चमन किंवा बुवा सांगतीलच..

.
(अजयने १०के नुकतीच पूर्ण केलेली आहे हे आत्ता वाचले, त्यामुळे आधीची पोस्ट डिलीटली :))

वैद्यबुवा -- मिनिमलिस्ट शूजचा बाफ प्लीज ऊघडा. सध्या ते घालून हाफचे ट्रेनिंग चालू केले आहे. काही माहिती शेअर करता येईल.

असं म्हणता? करते प्रयत्न

इथे ऊघडला आहे: http://www.maayboli.com/node/36701

मागे ईथे लिहले होते ती कलर रन काल होती. माझी पहिली ५के.! प्रचंड धमाल आली. फ्लो मध्ये कधी संपली कळालं पण नाही. मझी फीट्नेस लेव्हल बरी आहे पण पळण्याचा आजीबातच अनुभव नव्ह्ता, त्यामुळे आता थोडा आत्मविश्वास आलाय. आणि हो, मी सुरुवातच मिनिमलीस्ट शूज ने केलेली. तर ते अनुभव दुसर्या धाग्यावर लिहिनच.