त्रिवेणी - १

Submitted by निंबुडा on 25 April, 2012 - 05:24

आकाशात आणि मनात
एकाच वेळी मळभ कसं दाटून येतं?
आकाशालाही कुणाची तरी आठवण छळते वाटतं!

------------------------------------------------

रोज तर तुझ्याशी बोलणं होतं
फक्त अमावस्या सोडून....
वेडा चंद्रच त्या रात्री उगवत नाही!

------------------------------------------------

स्वतःची तारीफ स्वतःच करते आता
पण आरशासमोर यायचं टाळते
मेला आरसा खोटं का बोलत नाही?

------------------------------------------------

जमतील तितके कढ रिचवले
पण एका नाजुक क्षणी बांध फुटलाच!
काठोकाठ भरलेली कळशी नेहमीच थोड्याश्याही धक्क्याने हिंदकळते!

------------------------------------------------

ब्लॉगवर पूर्वप्रकाशित

त्रिवेणी या काव्यप्रकाराचा परिचय या धाग्यामुळे झाला.

गुलमोहर: 
कविता
शब्दखुणा: 
त्रिवेणी
शेअर करा

काठोकाठ भरलेली कळशी नेहमीच थोड्याश्याही धक्क्याने हिंदकळते!...
हे आवडलं!!!!!

हे सुचलं:
काठोकाठ भरलेली कळशीच नेहमी थोड्याश्याही धक्क्याने हिंदकळते!...

Happy

Submitted by जयदीप. on 26 April, 2012 - 02:41

मला पहीली, चौथी , तिसरी , शेवटची आणि दुसरी आवडली ! Happy

अरेच्या, येवढ्याच होत्या वाटतं ! Proud

Submitted by टवाळ - एकमेव on 27 April, 2012 - 07:03

मस्त Happy

Submitted by जयवी -जयश्री अंबासकर on 27 April, 2012 - 11:40

मला त्रिवेणी या काव्यप्रकाराबाबत काहीच माहिती नाही. त्यामुळे तांत्रिक बाबींवर बोलणे संयुक्तिक वाटत नाही.

आशयाच्या दृष्टीने सर्वच त्रिवेण्या चांगल्या वाटल्या.

"स्वतःची तारीफ स्वतःच करते आता
पण आरशासमोर यायचं टाळते
मेला आरसा खोटं का बोलत नाही?" >>> ही सर्वाधिक आवाडली.

Submitted by UlhasBhide on 27 April, 2012 - 13:36

जमतील तितके कढ रिचवले
पण एका नाजुक क्षणी बांध फुटलाच!
काठोकाठ भरलेली कळशी नेहमीच थोड्याश्याही धक्क्याने हिंदकळते!
.............इथं वेगळा अर्थ जाणवतो............
सुंदर आहे.........

Submitted by जादुगर on 29 April, 2012 - 14:03

छान जमल्यात त्रिवेण्या. शेवटच्या ओळीचा वापर परिणामकारक आहे.
( त्रिवेणीत पहिल्या आणि दुस-या ओळीत यमक साधणे आवश्यक आहे का ?)

Submitted by Kiran.. on 30 April, 2012 - 00:40

त्रिवेणीत पहिल्या आणि दुस-या ओळीत यमक साधणे आवश्यक आहे का ?>>>
माझ्या मते नाही. हायकू मध्ये असे पहिल्या व दुसर्‍या किंवा दुसर्‍या व तिसर्‍या किंवा तिनही ओळींत यमक साधलेले पाहिले आहे. त्रिवेणीमध्ये आशयावर अधिक भर असावा असे वाटते. जाणकार अधिक सांगतीलच.

Submitted by निंबुडा on 30 April, 2012 - 02:11