चारोळी स्पर्धा...मसाला मार के...

गरम मसाल्याची लालभडक तर्री
आंबट-तिखट चव लई भार्री
कांदा, कोथिंबीर अन मटकीची उसळ
न्याहरीला खावी मसालेदार मिसळ

मिसळीचे छायाचित्र
चारोळीचे चालू सत्र
फरसाण कोथिंबीर लिंबू तर्री
जमला मिसळीचा 'मस्साला' भार्री

अरेच्चा! मामीसारखंच तर्री-भार्री झालं की!

जहाल रंग,
रसनेला तरतरी,
डोळ्यातील पाण्याला आव्हान,
ही मिसळीची लज्जत न्यारी.

लाल तर्री, लिंबू कोतिंबीर
सोबती शेव मिक्श्चर
जर्रा जर्रा कांदा भुरभुरं
अशी मी खवैय्याची रानी रं

१.
मायबोली ची स्पर्धा खरोखरच न्यारी
मसालेदार मिसळीचा घाट घातला भारी
तोंडाला पाणी सुटले नुसतेच छायाचित्र जरी
करावी लागणारच आता कोल्हापूर ची वारी

----------------------------------------
२.
झणझणीत कट, फरसाण आणि उसळ
डोळ्याचं पारण फिटलं.....
मायबोलीची मसाला मारके मिसळ
आणि तोंडाला पाणी सुटलं....

हरित कोथिंबीर ,लिंबू
लाल तिखटातील डाळी
पाहुनी रंगीत सारे
रंगविरहित लाळ आली

--डॉ.कैलास गायकवाड

लिंबु, कोथिंबीर कांदा, शेव
घरात असते ह्याची नेहमीच ठेव
करा पटकन मसालेदार उसळ
नाश्त्याला द्या खमंग मिसळ..

कांदालसूण मसाला घालायचा हाय सरसगट
आन् वढायचा कट त्यो मस्त सुरसुर करत
त्ये निसतं नावाला कांदा लिंबू आनि पाव
कोल्हापुरात मिसळीचा क्येवढा तो आव

झणझणीत रस्सा, खमंग शेव
खायला येइल भलताच चेव
चटकदार मिसळीला, कोथिंबीरीची जोड
वरून पिळायला लिंबाची फोड
चला मारूया भुरके मज्जेदार
डोळ्याला लागेल पाण्याची धार!!

मस्त झाल्यात सगळ्यांच्या चारोळ्या.

एक गावरान झटका:

पनीर असो की काजु करी
मिसळीची सर तिला येनारच न्हाय
कोल्हापुरचा रांगडा गडी म्या
मिसळीबिगर काय खानारच न्हाय!

वटाण्याच्या उसळीत
शेव-कांदा घातला चिरून....
वटाण्याच्या उसळीत
शेव-कांदा घातला चिरून....
पनवेलकर रावांना खायला दिली
वर कोथिंबीर पेरून!

फोटुतली मिसळ दिसत्येय चटकदार
तोंडाला पाणी सुटले फार्रचफार
जाच म्हणावा याला की म्हणावा अत्याचार
मा प्रायोजक तुमचा त्रिवार धिक्कार!!!!!!

फोटुतली मिसळ दिसत्येय चटकदार
तोंडाला पाणी सुटले फार्रचफार
जाच म्हणावा याला की म्हणावा अत्याचार
मा प्रायोजक तुमचा त्रिवार धिक्कार!!!!!! ................

आठवांचा कांदा, क्षणांच्या फरसाणावरी
भावनांचा मसाला, त्यात प्रेमाची लाल तर्री
आयुष्याची सर'मिसळ', रसाळ लिंबाने पुरी
नात्याची खुले टवटवी, हिरव्या कोथींबिरीपरी

अरे बेश्ट तर्री कर्री जोर्रात!

कौतुक <<, भार्रीच!

म्हणातात कोल्हापूरी मिसळ लय भारी
त्यावर असते तिखट लालेलाल तर्री
पण खर सांगु? तथ्य नाही यात कणभरी
आमच्या पूण्याचीच मिसळ्ळ वोरिजीनल खरी ...

काटाकिर्र, नादखुळा, लै भारी
पोह्याचा चिवडा, मिसळीची तर्री
कटाचा झणका, फरसाणाची गोडी
कांदा, कोथिंबीर अन लिंबाच्या फोडी

गंधाळ मिसळ वाढवी बघा हो
बेचैनी जिव्हेची
नैपुण्याला जोड लाभता
प्रविण मसाल्याची

------------------------------------------------------
वरील चारोळीमधे थोडासा बदल करतो आहे

गंधाळ मिसळ वाढवी बघा हो
बेचैनी जिव्हेची
नैपुण्याला साथ लाभता
प्रविण मसाल्याची

कवितांची तर्री आली,
घातला कथारूपी कांदा,
ललितस्वरूपी शेव घालूनी
रसिकांसमोर ही रांधा...

लिंबाचे रूप घेऊनी
ड्यु आयडींची लुडबुड असे
थोडक्या त्या कोथिंबीरीपरी
गझलांचे अस्तित्व दिसे

तोंडास सुटले पाणी आता
रसनाही करी चळवळ
नको खायला विलंब आता
मायबोलीची ''मिसळ''!
अशी ही मायबोलीची ''मिसळ''!

सगळेच सुटलेत. मस्त चारोळ्या ! पण माझं मत लाजोला ! पुण्याची तारीफ आहे ना.

सगळ्याच चारोळ्या मस्त मसालेदार!

कौतुक, लाजो, शिल्पा लय भारी!

चारोळ्या म्हणजे चारच ओळी असाव्यात ना त्यात?

तुम्ही झणझणीत मिसळीसाठी कुठला मसाला वापरता हो?
आम्ही कांदा, लसूण, खोबरं, कोथिंबीरगॅसवर भाजून वापरतो.
आम्ही नाय बा, आम्ही आणतो विकत मस्त रेडीमेड मसाला.
तरीच तुमची मिसळ फिक्की, कायम वापरा "कुलकर्णी मसाला"

अरे वा! चारोळी? ये अपुन को जमेगा...

कौतुक, मस्तच रे

फरसाण पोहतंय तर्रीत,
वर लिंबू-कोथिंबीर गुर्मीत,
मटकीची उसळ दडून बसली,
कांदा-लसूण मसाल्याच्या वाडीत.

तर्रीवर तर्री, ही मिसळीची तर्री,
लिंबा-कोथिंबीरीने केले, निवेदन जारी,
आली त्यावर लगेच सही, फरसाणाची,
उसळीला ओढ, कांदा-लसूण मसाल्याची

फसले फसले फसले
सगळेच एकजात फसले
ही नाहीच आहे मिसळ
ही तर पाणीदार भेळ.....