निसर्गाच्या गप्पा (भाग - ५)

जागुतै पाहुणा वाघाचा कोट घालुन आलाय वाटत

शशांकजी - झब्बू.....मस्तच - मी जवळजवळ रोजच वसईच्या खाडीवर ( ट्रेन मधुन) चंद्राचे दर्शन घेतो,
कधी डोंगरातुन उगवणारा तर कधी समुद्रात डोकावणारा. कधी तांबुस,मातकट मातीत लोळुन आल्यासारखा (झब्बुत आहे तसा) तर कधी पांढरा शुभ्र एकदम 'टाईड हो तो व्हाईट हो' सारखा.
कधी भाकरी सारखा गोल तर कधी आताच त्या भाकरीचा तुकडा मोडल्या सारखा.
कधी घड्या सारखा ओथंबलेला की आता त्यातील द्रवरुपी चांदी वाहु लागेल की काय असे वाटणारा.

समुद्रात डोकावणारा असेल तर पर्वणीच असते, त्याचा दुधाळ प्रकाशात खाली पाण्यात त्याची प्रभा पाहणे हा एक आनंदच असतो.

किती सुंदर वर्णन चंद्राचे !

व्वाह!!!!
नितीन मस्तच वर्णन

या धाग्यावर फारसा लिहिता झालेला नसलो तरी वाचत असतोच..

सध्या घरी गेले ५ दिवस बागकाम सुरू आहे. शमिका आणि आमचे माळी दादा दोघेही झाडे री-पोटींग, रुट्स कटिंग, ट्रीमिंग, नव्याने खत-माती असे सर्व प्रकार करत आहेत. अजून लिहीनच फोटोसकट..

इनमिनतीन वाह... मस्तं वर्णन

जागू चितमपल्लींच्याच एका पुस्तकात (कदाचित चकवाचांदणं मधेच ) एका माश्याचं वर्णन आहे. त्याच्या पोटातील गाभोळीवर २७ वळ्या असतात आणि त्यातील एकच वेगळ्या रंगाची असते. तिच्यावरुन २७ नक्षत्रांतल्या पावसाचा अंदाज बांधता येतो.. असे काहीसे वर्णन आहे ते.

मस्त चांदोबा आणि ईन मीएन तीन, सुंदर वर्णन. मजा आली.

शोभा, तुझी फोटोग्राफी त्या पावडर पफप्रमाणेच बहरत चाललेय वाटते. छान. असेच चालू ठेव.>>>>याचे सारे श्रेय तुलाच आहे. खूप खप आभार.

वैजयंती, मस्त फोटो.
ईनमीन तीन मस्त वर्णन केलत चंद्राच. त्याचे फोटो पण द्या ही.

ईन मीन, चंद्राचे वर्णन अप्रतिम..............
वैजयंती फोटो मस्त. अजून फोटो टाका ना इथे...

शोभा ते प्रचि काढण्यासाठी ट्रेनमध्ये कॅमेरा घेऊन जावा लागेल, बघतो प्रयत्न करतो.

चला पोहायला तलावाच्या काठावर कोवळ्या उन्हात बसलेले ( ?) बेडुक मामा.

ज्ञानेश, तुमचा चंद्राचा फोटो, शशांकजींचा झब्बू, आणि इनमीनतीनचे वर्णन . आहाहा ! काय त्रिवेणी संगम झालाय हो अगदि!
<<<<याचे सारे श्रेय तुलाच आहे. खूप खप आभ>>> कसचं कसचं

वा जागू, अभिनंदन! हेडर अतिशय सुरेख आणि माहितीपूर्ण झालं आहे.

जागू,
५ व्या भागाबद्दल अभिनंदन!!
इथे योगदान देत असलेल्या सर्व कार्यकर्त्यांचे मनापासुन आभार.

(:हाहा: काही मोजक्या कार्यकर्त्यांना त्यांच्या कामाची पावती म्हणुन यंदा नगरसेवकपदाच तिकीट मिळो हिच इच्छा !)

दिनेशदा,
एअर प्लाट बद्दल छान माहिती मिळाली.
विकिपिडीया वर एफीफाईट चे काही फोटो दिसले

ईन मीन तीन..........बेडुकदादा.., त्यांची पोझ,... आणि तुझे वर्णन सगळं मस्त!!

दिनेशदा, त्या माशाचं वर्णन रानवाटा या पुस्तकात आहे. 'दिवारू' नावाचं जे प्रकरण आहे त्यात हा दिवारू (म्हणजे दल्लू गोंड) श्री.चितमपल्लींना सांगतो - त्या माशाबद्द्ल. त्यात त्या माशाचं नाव 'सवळा' असं दिलंय. जागू नक्की सांगू शकेल त्याचं नाव कारण सवळा हे बहुधा गोंड भाषेतलं नाव असावं. सो- रेफर टू जागू.......

अनिल माझ्याकडे पण आहेत काही खास फोटो, टाकतो लवकरच.
नितीन आणि वैजयंतीच्या रुपाने आपल्याला नवे फोटोग्राफर्स मिळाले.
शांकली, तो बहुतेक गोड्या पाण्यातला मासा आहे ना ?

प्रज्ञा १२३ ला अनुमोदन. चंद्राचा फोटो, शशांकजींचा झब्बु आणि ईनमीन तीन चे वर्णन. मस्त च..:)
शांकली , तुमचे हि कौतुक तेवढे कमीच आहे. शशांक जी आणि तुम्ही पण खुप खुप सुंदर माहीती देत असता.
मी एकदम नि.ग. मधे बालवाडीतील विद्याथी आहे असे वाटते.

जागू, खरच निसर्गाची कृपा !
काळजी घे.

जागू
काळजी घे ग. लवकर बरी हो.

एक जुना फोटो.. गावाला जाताना पुळ्याजवळ काढलेला. आमच गाव पावसजवळ आहे.

हा आम्ही दिवाळीत काझीरंगा अभयारण्य पहायला गेले होतो तिथे भेटलेला एक मित्र. खूप जवळून पहायला मिळाला. त्याच भलमोठ्ठ बाळ पण होत तिथेच, पण माणसं पाहून घाईने आत पळालं.

बरं, अजून काही टाकू का? seriously विचारतेय.

जागूतै - आता आराम करा जरा, वाचन करा मनसोक्त......... आणि जवळपासचेच फोटो काढा (शक्य झालं तरंच....) पक्ष्या-फुलांचे....... फार मोठा अपघात झाला नाही हे सुदैवच......

वैजयंती - सर्व फोटो अप्रतिम - कॅमेर्‍यामागचा सुजाण डोळा लक्षणीय......
आणि कुठलं गाव म्हणायचे हे..... (पांवसजवळचे.....)

आमचं गाव खानवली, बेणी जवळचं .. पावसकडून लांज्याला जाताना सापूचं तळं लागत, तिथेच जवळ आहे. तो भाग सड्यावरचा आहे. तिकडून खाली उतरून गेलं की नदीच्या कुशीत आमचं घर
माझं माहेरचं मूळ गाव पण राजापूरहून जवळ आहे. माझे आजोबा राजापूर हायस्कूलमधे १९६० पर्यंत मुख्याध्यापक होते. दिनेशदांचे राजापूर व धोपेश्वर घाटीचे उल्लेख मला नेहेमीच माहेरी घेउन जातात.
एकदम nostolgic केलं तुमच्या एका प्रश्नाने शशांक

जागू, बाई गं देवाची कृपा म्हणून वाचलीस बाई! खरंच जरा काही दिवस विश्रांती घे. आणि मुका मार लागलाय तर गरम पाण्याने शेक जरा. म्हणजे बरे वाटेल. अगं मी पण परवा म्हणजे गुरुवारी पुण्यातल्या आबासाहेब गरवारे कॉलेज मधे साष्टांग नमस्कार घातला! मलापण मुका मार लागलाय. उंडीचा पुण्यातला एकमेव वृक्ष तिथे आहे तो बघायला म्हणून गेले होते. एस्.पी कॉलेज आणि गरवारे कॉलेजचे पटत नाही आणि ही खूप पुरातन परंपरा आहे. मी एस.पी ची विद्यार्थिनी आणि हे गरवारेचे........... आता तुमच्या सर्व लोकांच्या लक्षात आले असेलच!बहुधा कुठलं तरी उट्टं काढलेलं दिसतंय..............
होय दिनेशदा, तो गोड्या पाण्यातला मासा आहे.
वैजयंती, आम्हाला तुमच्या सर्वच फोटोंची खूप उत्सुकता आहे (सीरियसली!!)
गेंड्याच्या बाळाचे फोटो द्या ना इथे.