रक्त?

Submitted by मी मुक्ता.. on 16 October, 2011 - 13:07

जन्माला येतो तेव्हाही वाहतच असतं रक्त शरीरात,
वाढत जातं दिसामासांनी..
आपल्याही नकळत अव्याहतपणे सुरु असते प्रक्रिया त्याच्या निर्माणाची..
शुद्धीकरणाची..
येणार्‍या प्रत्येक क्षणागणिक
आणि जाणार्‍या प्रत्येक श्वासागणिक
एकेका थेंबामागे घडत असतं महाभारत...
अखंडपणे..
अचानक वार होतो एखादा आणि भळभळायला लागतं..
.
.
.
.
.
.

कवितापण अशीच जन्माला येते....

गुलमोहर: 
कविता
शब्दखुणा: 
मी मुक्ता
शेअर करा

"अचानक वार होतो एखादा आणि भळभळायला लागतं……..
……. कवितापण अशीच जन्माला येते...."

..... खरंच .... अगदी अगदी

Submitted by UlhasBhide on 17 October, 2011 - 03:18