पाककृती हवी आहे. माहिती आहे का? -२

Submitted by रूनी पॉटर on 10 March, 2011 - 17:20

या अगोदरचा पाककृती हवी आहे. माहिती आहे का? -१ धागा.
पाककृती हवी आहे? इथे विचारा. पण त्या अगोदर
या ठिकाणी, या ठिकाणी आणि या ठिकाणी अगोदरच आहे का हे पाहिलत तर आपल्या सगळ्यांचा वेळ वाचू शकेल.
बर्‍याचदा पोळी-चपाती-फुलके-पराठे याबद्दल प्रश्न येतात, त्यासाठी आता इथे वेगळा धागा आहे.
तसेच वेगवेगळ्या पदार्थांच्या घटकांच्या नावाबद्दल वगैरे प्रश्न इथे विचारता येईल

इथे फक्त पाककृतींबद्द्ल प्रश्न विचारणे अपेक्षित आहे. नवीन पाककृती इथे लिहू नयेत. त्या लिहिण्यासाठी "नवीन पाककृती" हा लेखनाचा धागा वापरावा. असे केल्याने पाककृतींचे योग्य वर्गीकरण होईल, सगळी माहिती एका ठिकाणी संकलित होईल व भविष्यात ती पाककृती शोधणार्‍यास सोपे पडेल.

विषय: 
पाककला
शब्दखुणा: 
पाककला
आहार
Groups audience: 
पाककृती आणि आहारशास्त्र
Group content visibility: 
Public - accessible to all site users
शेअर करा

लांबुळक्या वांग्यांचं काय करतात? आमच्या घरी वांगी भरली वांगी किंवा भरीत या दोनच प्रकारे केली जातात. परवा दिराला ४ लंबे बँडएड घेवून ये असे फोनवर सांगितल्यावर तो अर्धा किलो लंबे बैंगन घेवून आलाय. Proud आता त्याचं काय करावं?

Submitted by अल्पना on 27 June, 2011 - 11:06

प्रज्ञा, शॅलो फ्राय करायचे की डिप फ्राय. आणि ते कश्यात घोळवावे लागतिल का? बेसन किंवा रव्यात वैगरे?

Submitted by अल्पना on 27 June, 2011 - 11:09

वांग्याचे कापः "रुचिरा" तून साभार Happy

वांग्याच्या कापांना चवीप्रमाणे तिखट, मीठ लावून १५-२० मिनिटे ठेवायचे. तांदूळ पिठीत चवीप्रमाणे मीठ, हळद, हिंग, जिरेपूड घालून, नीट सारखं करून काप त्यात बुडवून, जरा दाबून घेऊन तेलावर शॅलोफ्राय करायचे. मंद आंचेवर करायचे म्हणजे कुरकुरीत होतात. गरम गरम बेस्ट! Happy
व्हेरिएशन हवंतर गरम मसाला वगैरे घालून बघायला हरकत नाही घोळवताना. मी ट्राय नाही केलंय.

Submitted by प्रज्ञा९ on 27 June, 2011 - 11:16

सावनी, सगळं सामान जवळच्या दुकानात नाही मिळणार. त्यामूळे नंतर कधीतरी. Happy
प्रज्ञा, तांदळाच्या पिठीला काही पर्याय असेल तर सांग ना. इथे मिळत नाही. आईकडून आणलेली संपलिये.

Submitted by अल्पना on 27 June, 2011 - 12:18

ओके. Happy

Submitted by अल्पना on 27 June, 2011 - 12:22

अल्पना, उपम्याचा रवा लावून सुद्धा काप छान होतात.
किंवा १-१.५ इंच लांब तुकडे कर , प्रत्येक तुकड्याच्या एका बाजूने + आकाराची चीर दे अन त्यात मसाला भरून भरली वांगी कर. इथे इटालियन वांगी मिळतात त्याची करते मी .

Submitted by मेधा on 27 June, 2011 - 13:41

तसल्या लांब वांग्याचा वापर इथे सर्व दाक्षिणात्य मैत्रिणी वांगी बाथमध्ये करतात. त्यामुळे आवडत असेल तर तयार मसाला (MTR) वापरुन तेच करा.

Submitted by सीमा on 27 June, 2011 - 15:04

अल्पना, वांग्यांचा निकाल लागला नसेल तर हे पण करुन पहा...

वांगी लांबीला पातळ स्लाईस करुन घ्यायची - रिबीन्स सारखी लांब, गोल चकत्या नव्हेत.
बेकिंग ट्रेवर ग्रीसप्रुफ पेपर ठेउन त्यावर हे स्लाइसेस पसरायचे. वरतुन ऑऑ घालायचे आणि हाताने सगळ्या स्लाइसेस ना लावायचे, वरतुन जाडे मिठ भुरभुरवायचे आणि रोस्ट करायचे.
तयार स्लाइसेस लगेच वापरायचे नसतिल तर एका बरणीत ऑऑ घालुन त्यात ठेवायचे. बरणीच झकणं घट्ट पाहिजे.
असे स्लाइसेस नंतर् रोस्ट व्हेजी सॅल्ड मधे, सँडविचेस मधे घालुन मस्त लागतात. यावर रोस्ट करताना इटालियन हर्ब्ज वगैरे पण घालु शकतेस.

Submitted by लाजो on 27 June, 2011 - 22:45

मी तर खरपूस भाजी करते या लांब वांग्यांची. एक सेंमी च्या फोडी करुन भरपूर लसूण्-कांदा-काळा मसाला-शेंगदाणे कूट-धनेपूड्-जिरेपूड घालून जराश्या जास्त तेलावर मस्त परतून. आमच्या घरी तरी आवडते, फक्त ती वांगी जरा जास्त शिजली तर उगाच लोळागोळा होतात म्हणून लक्ष ठेवावं लागतं. सोपी आहे अन चव भरल्या वांग्यासारखीच पण कोरडी भाजी. Happy

Submitted by .. on 28 June, 2011 - 01:08

.

Submitted by juyee on 28 June, 2011 - 08:48

.

Submitted by juyee on 28 June, 2011 - 08:48

रवा आणि खोबर्‍याचे लाडू बनवताना मिश्रण पाकात टाकल्यावर निट एकजीव केल्यावर लगेच गॅस बंद करायचा की थोड्यावेळाने. आणि मिश्रण थंड झाल्यावरच लाडू वळायचे ना..
कोणी सांगेल का ? Happy

Submitted by juyee on 28 June, 2011 - 08:46

पाक झाला की भांडं खाली उतरवून रवा-खोबरं पाकात एकजीव करायचं आणि मिश्रण थंड झालं की लाडू वळायचे.
थंड झालं तरी मिश्रण सैलसर असेल तर पुन्हा थोडं गरम करायचं आणि जर घट्ट/ कडक झालं असेल तर जरा दुधाचा हात लावून लाडू वळायचे.

Submitted by मंजूडी on 28 June, 2011 - 09:20

पाक पाण्याऐवजी दुधात केले तर लाडू बिघडत नाही .मी रवा मंद आचेवर भाजते. लाडू पांढरेशुभ्र होतात. समजा बिघडलेच तर, म्हणजे मिश्रण घट्ट वाटलं तर अजून दुध घालायचे, सैल झालं तर परत शिजवायचं

Submitted by मंजूताई on 28 June, 2011 - 11:00

रोटीसेरी चिकन वापरून देसी स्टाईलचं ग्रेव्ही वालं चिकन करता येईल का? कुणी करून पाहिलं आहे का? असल्यास काही टिप्स आणी ट्राईड अँड टेस्टेड रेसिपी शेअर कराल का ? धन्यवाद !!

Submitted by prady on 28 June, 2011 - 11:48

वर्षे, काळ्या चण्यांची ओलं खोबरं+हिरवी मिरची वाटुन वाटणं करुन गोडी ऊसळ, किंवा ओलं खोबरं+ लसुण+आलं+लाल मिरची असं वाटणं करुन झणझनीत उसळ करायची.

Submitted by लाजो on 29 June, 2011 - 08:41

मृदुला ग्रिल्ड बटाटे आवडतात का? बटाट्याचे सालासकट चार तुकडे करून त्यावर ऑलिव्ह ऑईल, चिली फ्लेक्स्,रोझमेरी,गार्लिक सॉल्ट, मीठ्,मीरपूड घालून ग्रील करायचं किंवा ओव्हन मधे ठेवून बेक करायचं. छान चव येते.

Submitted by prady on 29 June, 2011 - 15:15

मला चोकोलेट-चिप्स कूकिस ची रेसिपी हविये. वर दिलेल्या लिन्क्स मध्ये दिसली नाही. आणि अजून एक प्रश्न आहे. मी चोको-चिप्स टाक्ल्या होत्या केक मध्ये.. तर सगळ्या तळाला जाऊन बसल्या... कूकिस मध्ये किन्वा केक मध्येही अस होउ नये म्हणून काय करावे?
इथेच विचारला हा प्रश्न तर चालेल न? की अजून कुठे?

Submitted by गोगो on 30 June, 2011 - 06:38

गोगो, चॉकलेट चिप्स केक मधे घालताना आधी साध्या मैद्यात थोड्या घोळवुन घ्यायच्या. त्याने चिप्स खाली तळाला बसत नाहीत. नीट मिक्सहोतात.

चॉक-चिप कुकीज ची रेसिपी टाकते.

Submitted by लाजो on 30 June, 2011 - 08:31

Pages